امتحان القدرات انجليزي

السلام عليكم
بنات ال vocabulary اللي معانا بالامتحان مايطلع من كلمات 10 و 11 و12 صح ؟
لان ابي ادرس حق الكلمات مو عارفه شلون
دايما اتيي كلمات ما اعرف معانيهم ف اشيير
وانا ان شاءالله حاطه اب بالي اييب اقل شي 90 ! لانه احسه سهل مايبيله
بس اللي ذابحني الكلمات اتوهق فيهم

واللي مسجلين انجليزي شلون بتدرسونله ؟
يعني من مذكرات كتب فيدونا .

انآ قدمت عليه من قبل ونجحت
اهيا سهلة تييبين فوق الـ 90 لكن اذا كنتي شآطرة حييل بالانجليزي

الكلمآت اغلبها من منهج 11 , 12 والبآجي عآم على حسب حصيلتج اللغوية وفي جم كلمة من 10
والامتحآن يتغير يعني مرة يكون سهههل ومرة صععععب ومرة اييبونلج كلمات شكثر مآدري من وين

اهوآ يعتمد على مدى شطآرتج بالانجليزي نفسه والدرجآت اغلبها عالقواعد " الي لاحظته "

وترى مو موزعة بالتساوي يعني سؤال عليه 0.8 وسؤال 1.3 وسؤال 2
يعني يمكن تحلين زين بس تنصدمين ان درجتج مخفووووووسة والسبة الي تكونين حآلتهم صح عليهم درجآت شوي عرفتي

ومو شرط ترى اذا كنتي شاطرة بالمدرسة انجليزي معناها اتييبين فيه عآلي
اعرف وحدة رفيجتي نسبها كله فوق الـ 95 بس كل مرة تسقط فيه ولآ مرة نجحت مع ان يكرمونهآ بالمدرسة مآدة الانجليزي " ومو نوعهآ تغش " ونفس الوقت اعرف وحدة مستوآهآ جدا عآدي الي ضعيف يآبت 88 بالقدرات انجليزي مع ان بالامتحآن مآل المدرسة تبددددددع وتنزل وآآآآآآيد

فعلى حسب انتي قدميهم كلهم وآحد ور الثآني ولآ تطوفين فرصة لآن سآعآت اييبووووووووونه مآآآآآآآآآآآآآآآآآآآي بمعنى الكلمة وسآعآت يششششق شق من الصعوبة

والله يوفقج ان شاء الله واتييبين الي تبينه (=

انزين ينزل النسبه؟؟

اي بكل الحالات ينزل النسبه
الا اذا يبتي 100 بكل المواد هذا شي ثاني

بس لازم نحاول نرفع المعدل عشان ما ننزل وايد .

حبيبتي الله يسلممج
بس ترى هونا عن الصنآعي ادعيلي اصير مهندسة كمبيوتر 3»

الله كريم وموفقة بالامتحآن
معلومة « امتحآن شهر 6 دايما اييبونه سهل لان اخر فرصة اتكون حق بنآت 12 عاد انتي استغلي الفرصة

زين انج افتكيتي من الانجليزي حتى لو عالحفة ان شاء الله مع الايام تزيدين عالأقل تفتكين من التمهيدي
التسجيل عن طريق انج تروحين اهناك وجذي خلص
اما الالكتروني جنه للحين مفتوح دشي موقعهم وسجلي

صج ؟ عاد ترى الكمبيوتر ما يمدحونه يقولون ممل نوعا ما 😛
احلى شيء هندسه مدنيه وكيميائيه.
احس صرت خبره من كثر ما احوس بتجمعات الهندسه

انزين بنات دورات الانجليزي بالجامعه شلون اسجل فيها ؟
موعارفه شلون كلش

لووول صدقيني محد دور كثري خخخ
عرفت كل تخصص وشنو يدرسون فيه بالضبط اصلا لو امتحن بدل الي قاع يدرسون اييب اعلي منهم من كثر التعمق p; تدرين بعد مستقبل لازم اندور فيه
بالعكس الكمبيوتر عمري مآ سمعت احد يذمه الكل يقول ممتع بس الي يذمونه يكونون مآ يحبون الكمبيوتر ونظامه من الاساس وكله نايمين يعني تييلهم الدوخة مثل الدوخة الي تييلنآ بالحصة p;غير الوظيفة مضمونة كل مكان لان بكل مكان صار فيه كمبيوتر
هندسة مدنية في من اهلنا يدرسونهآ كلهآ فيزيا اجسام ساكنة /: ويع
اما الكيميائية فصج حلووة وانا احب الكيميا في المشكلة اني مابي جآمعة الكويت p;
وبنفس الوقت خايفة اروح بروحي ادرس برا بس اذا ماقبلوني كمبيوتر اهني راح اروح برآ بدون تفكير (:

موفقة حبيبتي وان شاء الله اعلى النسب انييب..اذا انتي بتتخرجين السنة الياية حظج حلو لان سمعت مرة ان الجامعة اليديدة بيفتحونها عالسنة الياية ( هالكلام على ايام المليفي )

وبالنسبة للدورات لمن تروحين تسجلين حق الامتحآن قوليلهم ابي اسجل حق دورات وجنه التسجيل للدورات بالخالدية

انا سجلت للقدرات انجليزي بس ما زهبت ولا شيء , و يمكن بس احفظ الكلمات لان اهم شيء الكلمات ,

مع الكلمات كل شيء تفهمينه و يصير سهل ,