|
|
ياليت يابنات اللى امتحنت امتحان التوفل النموذج الجديد تقولنا :
وين امتحنته؟
صعب والا لا؟
احتاجت دورة قبل لاتمتحن ؟
في كتب والا دورات نستفيد منها قبل الامتحان ؟
يعنى كل شي يفيد اللى تبي تقدم التوفل
ولها الشكر الجزيل كل وحدة تخصنا بمعلومة
بس تونى سائله وحده ممتحنه
وهذى المعلومات اللى خذتيها منها
البنت اللى اعرفها امتحنت بمعهد أمديست
وهذا رقمهم 5750670
اذا حبيتى تستفسرين منهم عن مواعيد الامتحانات
الامتحان ب 15 دينار
والكتب شرتهم من مكتبة العجيري ب 9 دنانير
وتقول الامتحانات صعبه شوى
هى نجحت بثالث محاوله
يلا عاد ادعيلي انى اخذ التوفل 
مشكورة على الرد…. وعسى ربى يوفقك وينجحك وتاخذين التوفل يارب ياكريم انك سميع الدعاء
بس عندى جم سؤال
الكتب اللى من العجيرى عن الامتحان الجديد؟؟؟
ورفيجتك هل هى شاطرة بالانجليزى ؟؟؟
وبالنسبه لج انت تبين الامتحان عشان تكملين ماجستير ؟؟؟ اذا نعم فى اى كلية ؟؟
لانى ابلا اكمل فى الجامعه المفتوحة وابى ماجستير ادارة ….. اذا كان عندج علم بالبرامج المطروحة حاليا ياليت تفيدينى ؟؟؟؟
ولج الف شكر
ولازم ياخذونه طلبه الجامعه ؟؟
|
المشاركة الأصلية كتبت بواسطة فنن112
حبيبتى اريج
مشكورة على الرد…. وعسى ربى يوفقك وينجحك وتاخذين التوفل يارب ياكريم انك سميع الدعاء بس عندى جم سؤال الكتب اللى من العجيرى عن الامتحان الجديد؟؟؟ ورفيجتك هل هى شاطرة بالانجليزى ؟؟؟ وبالنسبه لج انت تبين الامتحان عشان تكملين ماجستير ؟؟؟ اذا نعم فى اى كلية ؟؟ لانى ابلا اكمل فى الجامعه المفتوحة وابى ماجستير ادارة ….. اذا كان عندج علم بالبرامج المطروحة حاليا ياليت تفيدينى ؟؟؟؟ ولج الف شكر |
بالنسبه للسؤال الاول ما ادري بصراحه اهى توها ماخذه التوفل بالصيف
فما ادري اذا على النظام القديم او الجديد
وانا اى أفكر بموضوع الماجستير حاليا بجامعه الكويت وابي تخصص اصول تربية او مناهج بحث
بالنسبة للجامعه المفتوحه ما عندى اى فكره عنها بصراحه
بس هذا المنتدى خاص فيهم
تقدرين تستفسرين هناك عن اى شي
وفيه معلومات تفيدج حيل
https://www.aouforum.org/forum/index.php
و حده يبيله دورة عشان تعرفين شالسالفة و تتدربين على الحل
الكلمات وايد صعبة و قلجة اللي يات بالامتحان و طوييييييييل
المشكلة ما يقولون جم درجتج فيه عشان عالاقل تشوفين اذا تآخذينه مرة ثانية بدورة و لا لا
بتكملين ماستر . . . او بتدرسين بره . . . او تبين تزيدين ثقافتج الانجليزية
و في امتحانين . . . واحد لوكال يعني حق اللي تبي تكمل بالكويت
و واحد انترناشونال . . . حق اللي بتدرس بره
توني ممتحنه من شهرين كان سعره 10 او 15 مو متذكرة عدل
انا امتحنت ال لوكال . . بجامعة الكويت . . . و ماخذيت دورات ولا شي
خديت بس كتابين من بنت خالي كانت ممتحنه و شريطين
الكتب و الاشرطه كانت امتحانات تحلينهم و الحل موجود باخر الكتاب . . . كل ما في الموضوع اني حليتهم بالبيت و رحت قدمت الامتحان
و نتيجتي كانت 490 و حق تخصصي لازم اييب 500
يعني وايد زين كأول مرة و بدون دراسه ولا دورات
و كل تخصص نسبة نجاحهم غير
و بالنسبة لطريقة الامتحان . . كانت ليسننج و ستركجر و قرامر و قطعه تقرينها و اتجاوبين اسئلتها
اما الانترناشونال . . . ماكو بجامعة الكويت . . . تقدرين تسجلين في معهد اميدايست (بالشارع اللي جبال ريز ون عالبحر)
سعر الامتحان بدون الدورات 15 دينار و مع الدورات و الكتب 65 دينار
انا شريت منهم بس الكتاب مال الانترناشونال . . و لما الحين ما امتحنت شي ولا بطلته
و طريقة الامتحان اصعب طبعا من اللوكال . . . ليسننج . . ريدنغ . . . رايتنغ . . . سبيكنغ
وشنو بعد تبون تعرفون ؟؟؟
مشكوووره على المعلومات
بس انا ما قررت اكمل ماستر بالكويت او برا
شنو تنصحينى اخذ اى واحد فيهم ؟؟
انا اصلا زينه بالانجليزي
بس خوفونى من صعوبة الامتحان
ما ابي دوره لان ما عندى وقت اصلا
بالعكس تتقوين اكثر بالانجليزي
اي و نسيت اقول لكم ان مدة صلاحية الامتحان سنتين بس
يعني اذا عدوا سنتين عقب ما امتحنتي و لما الحين ماقدمتي عالماستر لازم تمتحنين مرة ثانية
ومنكم نستفيد
سعره اكثر اصلا حتى القديم
نسيت سعره بالضبط
انا امتحنت القديم يبت 470 اول مره
وبعده ابشهر امتحنت الامتحان اليديد كلن اول مره يحطونه
شنووووووووووو عجيب
حتى ما يبت النتيجة من الصدمه باجر بروح لهم
بس صراحه كان شيييييييييييي لوووول
بعدين اقولكم التفاصيل
بس شنو يعني النسخة الجديدة ؟
شنو تغير فيه ؟
وتالى تبتدين الكورسات للتخصص بس مضيعة عمر ووقت ان شاء الله افدتكم