امتحانات الفاينل بجامعة الكويت مو طالعه بالسستم

السلام عليكم ورحمة الله وبركانه ..

لو سمحتو ابي مواعيد امتحانات الفاينل لهذا الكورس ..

لأن موو طالع عندي بالسستم ..

موادي هم ..

علم نفس صناعي .. للدكتور عويد العنزي س 2 اثنين واربعا

علم نفس فسيولوجي للدكتور كامل فراج ..س 12 احد وثلاثا وخميس

علم نفس التعلم للدكتور خضر بارون ..س 10 احد وثلاثا وخميس

ويعطيكم العاااافيه

ياااااا جمااااعة الخيييييير قولولي شلوووووووون اعرف مواااعيد الاختبااارااات من النت بليييييز

مرات يسحبون الجدول مبجر من السستم
عشان جذي لازم تحطين ببالج تسجلين مواعيد فاينلاتج من اول ماتسجلين
ما معاج بنات بالكلاس تعرفينهم دقي عليهم
او مالج الا تروحين الكليه و تسالين عن المواعيد

شلون ماطلع معاج
انا يطلع معاي كل مادخلت

بصراحة العتب عليج كل الدكاتره اخر محاضرة يقولون متى تاريخ الامتحان واي قاعده بعد !!
ومالج الحين الا تروحين حق الدكتور وتسالينه واذا ما لقيتيه سالي سكرتير القسم

.

دخلي على آلسيستم ـو ضغطي صوب آلخآنه آللي تكون قبل آلآعآنة نآسية آسمهآإ

بعدين آختآري آول شي تطلعلج بعد خآنه ثآنية تختآرين آلجدول آلدرآسي

.

دشي ع السستم
روحي الخدمات الاكاديمية
اختاري التسجيل بعدين اختاري
جدولي الدراسي تلقين ع اليمين
اختاري الفصل حطي الفصل الثاني
ويطلع لج الجدول

والله يوفقج

مشكورة على المساعدة