|
|
السلام عليكم بنااات ….
بقولكم قصة قصيره صارتلي اليوم ….كان عندي شغله بدوامي بغيتها تصير و كلمت وايد ناس عشان يساعدوني فيها و طبعا مثل ما تعرفون عندنا دايما يحبطون و يصعبون عليج الامووور ….بس انا دايما كان عندي امل بالله و ان كل شي بيده مو بيدهم سبحانه اذا اراد شي قاله كن فيكون و هذا اللي صار معاي حاولت بكل اللي اقدر عليه و خذيت بكل الاسباب بس للاسف ما قدرت احل الموضوع ….و انا طول الوقت كنت ادعي بالليل ربي يساعدني ﻻن السالفه كل من قالي شبه مستحيله ….بس ما ياست من رحمه ربي و اقول ان ربي ماراح يردني….
المهم خﻻص اتصعبت السالفه و قلت خﻻص يمكن الخيره مو بالشي اللي ابيه و رضيت بحكمه الله….
اليوم الصبح بلمح البصر بثواني ياني تلفوووون ان ترا موضوعج تم و لو تدرون شلون صار ما تصدقووون معجزة
قعدت احمد ربي و عيني دمعت و قلت شكثر انت رحيييم و كريييييم ……
هذي الشغله قلت اقولها حق كل وحده يائسه او تصعبت عليها شغله ادعي و الحي بالدعاء و قولي حق ربج اللي
تحسينه و اللي مضايقج و طلعي اللي بقلبج كله و الله ان ربي اكرم من انه يردج صدقوني ما تضيق الا تفرج
…ربي يبي الفرح لج اكثر من نفسج و يبي يعطيج اكثر من اللي تبينه و لو ما يبي يعطيج ما يسخرج
تدعين….صدقيني دام ان عندج طلب و مشكله او اي شي و دعيتي و ما صار و هم دعيتي و ماصار و وثقتي بربج
و ضليتي تدعين ما هديتي الدعاء تاكدي مليون بالميه ان اهو مو بس بيعطيج اللي تبينه ﻻ و اشياء ما طلبتيها انتي
بس الله يبيج تعطين من نفسج نتفه و اهو بسويلج الباجي و بدبر لج و بفرحج اكثر مما تتخيلين….
الله يفرجها على كل مهموم مثل ما فرجها علي و يعطيكم اللي تبون و اكثر ياااااارب
الله يوفقج يارب
عسى ربي يعطينا على قد نياتنا
الله يوفقك ويسعدك ياقلبي
صح ربي يحب العبد اللحوح اللي ما يياس من رحمته
والله يحقق لنا امنياتنا جميييييييييع يارب
بالدعاء كل شي يصير و الله يسهل امورنا
اهم شي حسن الظن بالله
والله ان موضوعك جا بوقته عشان ينعش الأمل في قلبي وما أيأس ابدااااااا
ربى يعطيكى يارب اكتر ما تتمنى والمسلمين آجمعييين