امبيه بموت مرت حماي .حسبي الله ونعم الوكيل

السلام عليكم .. بنات انا حدي حدي بموووووووت ومصدومه صدمه عمري .. شفت اليوم وحده كانت معاي بالمعهد المهم سلمت علي وقالتلي شالدنيا فيج وقعدت اسولف معاها جان تقولي انا تزوجت من قبل 3 سنين وتوني منفصله خذيت واحد اعوذ بالله منه والله يشفيه ؟؟ قلت لها مريض قالتلي اعوذ بالله (…) المهم شي مابي اذكره وجان تقولي هذي عايله من صغيرها لي كبيرها نجسين ناس هذول اليهود ارحم منهم ووووووووو جان تقولي الله يعينج شلون متحمله؟؟؟ ورب الكعبه انتي مسكينه جان اقولها اناااااااااااااا ليش شفيني ليش انا مسكينه؟ جان تقول بنت عم زوجي (مرت حماج) وتحلفلي تقولي امسخره سمعتج بين الناس تمشي وتتكلم فيج وتحش فيج ومهزأتج جدام خلق الله ماتواطنج وودها تذبحج اليوم قبل باجر وكل ماتييب طاريج اهي وامها يدعون عليج وووووو ماتتخيلين ديري بالج منها والله انا موقاعده اقولج هالكلام لاني مطلقه من ولد عمها لا الله الشاهد انا اصلا طلبت منه الطلاق … بس قاعده اقولج هالحجي لاني اعرفج انج بنت بحالج وكافيه خيرج وشرج وانتي بنت ناس انا عاشرتج بالمعهد ماينسمع لج صوت.. شوفوا انا ادري ان مرت حماي ماتواطني بعيشه الله ولما درت ان زوجي خطبني حاولت تخرب وهالحجي زوجي قايلي عنه وقالي انها كانت تخلي ناس من طرفها يدقون على خالتي ويطعنون فينا وبأهلي المهم انا انصدمت وبقيت اموت عااااااد ماتوقعت اتكرهني لي هالدرجه انها تمشي وتشهر وااااااي قالتلي بلاوي حتى طلاق محاوله اطلقني م زوجي والمصيبه يا بنات انها عايشه معاي في بيت حمولتي احنا مانواطن بعض وانا من ناحيتي ما الوم نفسي لان زوجي وصلي الحجي شلون كانت بتخرب علي من الحره وانا كل ما اقعد معاها تقط علي حجي وتخز بنص عين .. لكن اهي تكرهني ليييييش ورب الكعبه ماشافت مني شي انا من الطبع الخجول الخوافه اللي مالي شغل بشي وعمري ماضريتها؟؟؟؟؟؟؟ قولولي شسوي . زوجي يقول طنشي لكن انا موهاين علي احط ايدي بيدها واسلم عليها… انا من زمان ادري انها تكرهني بس مو لي درجه انها تحاول اطلقني من زوجي وااااااااااااي قلبي بيوقف شالحل؟؟؟ ما احب المشاكل والهواش غيره شنو ممكن اسوي؟؟؟ اخاف اعوذ بالله عندها بعد سوالف *** وخرابيط لان البنت حذرتني …. الله يخليكم شسوي انا بمووووووووووووووت…

لا تصدفين على طوول ماتدرين صج ولا لا …

واذا صج شغلي في بيتج على طووووووووووول سورة البقره ومالج شغل في احد الله يحرسج ويحفظج ان شاءالله

دااااام ما شفتي من مرت حماج شي لا تصدقين رفيجتج !

اذا شقتي منها شي ولا من اسلوبها
المهم يكون بيضرج او راح يضرج تحرسي منها ..
وطلعوا بشقه بروحكم .. وافتكي منهاا
دام انها من اهل السحر ينخاف منهم

بلعيها وسكتي
لا تطلعين بالشينه
ورددي على طول حسبي الله ونعم الوكيل
اهو اللي ينتقملج منها اذا هالشي صج

خليج رسميه معاها سواء الكلام صج ولا لا …

مشكورين على الردود .. لكن زوجي من قبل قايلي عن تصرفاتها اول مادرت ان زوجي بيخطبني يعني لها سوابق …. وهذي مورفيجتي مجرد كانت معاي بالمعهد

الله يعينج صراحه

مالج الا ربج وماعرف انصح وايد بس مابغيت اطلع مارد

الله يكفي شرها

قسم بالله كل ما اشوف نظراتها لي اقعد ابجي واقول حق زوجي امش انأجر بره بس اهو موراضي كلش

خليك عاديه وطبيعيه سواء هادا الكلام صح او لا

الا ادا صار شي بينك وبينها وقفيها عند حدها

بس ارجع اقولك حاولي تتجنبيها كم ماتقدري

حاسه فيك انا مثلك مااحب المشاكل ولا اعرف اصارخ

ترفعي عنها تماما …انا مبدئي ان عاملتي الواطي بأسلوبه معناته توطين نفسج لمستواه .. ووكلي الله سبحانه وتعالى بيقين من قلبج انه بياخذ بحقج وشوفي عجائب قدرته فيها

واللة مادري شقولج صراحة الناس صايرة تخرع وخصوصا اذا انتي على نتيج وقلبج صافي ومالج دخل باحد بس شتسوين وكلي امرج للة سبحانة واقري وادعي ربج صدقيني بتحسين برااااحة وخلي صلتج بربج قوية وربي يفرجها باذنة

خلج رسميه معاها لاتاخذين ولاتعطين سلام ما سلام

لا تصدقين كل شي تسمعيينه

يمكن هي صج ماتحبج بس مو بالدرجه اللي وصفتها لج هالبنت اللي معاج بالمعهد

وانتي ديري بالج من مرت حماج وتحذري منها وكل شي يصير منها قولي حق ريلج

مع ان انا ضد ان الريال يتدخل بسوالف الحريم

بس دامها وصلت لي الطلاق لا الموضوع قوي حييل

والله يعيينج

شووفي اختي انا بقولج كذاا شغله ……….

الله اشلووووووووون عرفناااه بالعقل عدل………… فانا ابيج تركزين بكلامي عدل وتفهمينه عدل …….

ولا تتسرعين ……… باي شي باجر تندمين عليه …….وباي حركه اوقطة كلمه وباجر تندمين عليهاا ………..

انتي مره متزوجه وعايشه مع زوجج وهشي يكفيج عدل ……… وشي طبيعي بعض الحموات يكون بينهم تاااش ……

المهم ……… نصيحتي لج تحااشيهااا كثر ماتقدرين ……..انتي انسانه ماتبين المشااكل تحاشيهاااا ……. وخلج سطحيه

معاهاا ومع النااااس القراااب منها عارفه ليش لان بامكانج تكونين عفويه وعلى نياتج وتقوول حجي عنها او شي مضاايقج

من ناحيتج لهااا واهما يووصلوونه وعاد اهي ماتصدق على الله

شووفي اذاا انتي انساانه تصلين ومؤمنه بربج مابيصيبج شي……. حطي سوورة البقرة بشقتج واقري المعوذاات يووميا ولا تتركينهاا

وصلي وادعي ربج قوولي ياارب اشغلهاا بدنيااهاا الله اجعل من بينهم سدا ومن خلفهم سدااا فهم لا يبصروون وكثري الاستغفاار

وييبلج مااي مقري ورشي ابيتج ولا تقوولين لريلج عن الماي المقري وهسوالف عشان ماايقوولج انتي توسوسين او اي شي

وكثرييييي الاستغفااااااااااااااار وحتى وانتي قااعد بينهم كثري منه بقلبج ……….. وارتااحي رااحه تامه لان ماابيصيبج شي ولا

بياثر فيج *** صدقيني …….. وفووق كل هذااااا انصحج لا تسمعين لللقيل والقاال

يمكن ان بعض الظن اثم امكن الي اقعدت ويااااج تبي تسبب الخلااف اكثر امكن اهي عارفه ان بينج وبينج تااش فيااييه

تزيد سوووء العلااقه الي بينكم …… عشاان توصلكم للمشاكل ……… انصحج لالا تسمعين الحجي من احد لان لما قالتلج

انتي انغثيتي وتضاايقتي وحتريتي………فشتعلت الناار عندج وهذي نار الشيطاان اعووذ بالله افتكي من شرها وشر مرت حماج

وتوكلي على بكل اموورج

وقوولي هدعااء 7مرات

حسبي الله لا اله الا هو عليه توكلت وهو رب العرش العظيم

ولاتكلمين جدام احد عنهااا ولا عن نفسج وحيااتج ………وخليج طبيعيه عيشي حيااتج لربج ولنفسج ولزوجج وعيالج اذاا عندج عيال

واذاا ماعندج ربي يرزقج ويرزق جميع بنات المسلمين …….. هذي نصيحتي فكري فيها بالعقل اكثر وبركااده