الي مدحوا دكتور عبدالناصر تفضلوا

السلام عليكم
مادري بصراحة من وين أبتدي , خل أبتدي من بديت أقرا تجارب البنات الي هني والي ماشالله مدحوا دكتور عبدالناصر ودي اعرف بالضبط متى بينت عليكم نتايج العمليات , يعني حرم الحوت وظبيه وغيرها ,
انه سويت عمليتي من تاريخ 308 2024 , وليلحين ما بين علي , انه سويت بطني وشديته أوكي صح ما عندي بطن بس هم مو النتيجة الي أبيها في تفخه , والخياط شوي عوي , صدري مو مشدود وايد , المصيبه بفخوذي , انه كنت رايحتله عشان أردافي أبيه يشفطهم , شفط بس 3 لتر منهم طبعا أهو قالي اني شفطت هالكثر , انه ما شفت الا صورة وراني اياها , المفروض يوريني الي شفطه مني , الحين بيصرلي 3 أشهر ولا بين علي شي , ما قل حجمهم كللللللللللللش , ومستغربه عيل الغرز الي بفخوذي حق شنو اذا مو شافط , والخدار الي فيهم , ليلحين ما أحس فيهم ,
ياريت الي سووا عنده يقولولي , الحين الدكتور مسافر , دقيت عليه وما يرد ورنته رنة بره , ما فيني صبر لين يرد , حدي منقهره , لأن حرام الفلوس الي دفعتها تروح جذيه والعوار والألم الي تحملته , لو بيقولي عملية ثانيه مستحيل أرد أدش عمليات , بس أبيه يدورلي حل ثاني , الي أبيه الحين من البنات الي سووا عند هالدكتور ياريت يكتبولي متى بينت النتيجه ,, و آسفه على الإطاله

الحمد لله على سلامتج

شفط الفخوذ بينت بعد 4 او 5 شهور من العملية عندي . وانا عن نفسي طلبت ما يشفط وايد حتى ما يصير ترهل لأن لو شافط اكثر من 3 ليتر راح يترهل الجلد ولا ينشد
وحتى انا شفت بس صورة , عادي طريقتهم بالسلام ما يجيبون الدهن لج يكتفون بالصورة بالملف

اهم شي لا يزيد وزنج ولا كيلو لأن أي كيلو راح يكون بالمنطقة الي شفطتيها

انا زدت 3 كيلو الحين وكلهم زادوا بفخوذي وزنودي يعني خربت على نفسي

الصدر ما ادري شنو فكرت الترهل والشد , الدكتور على الي شفته يعمل بس خط بالطول مو حرف t ويصير مثل نزلة خفيفة من تحت اشوفه مخلي صدري شكله طبيعي , ما ادري شنو طريقة الباقي , صراحة ما افهم بسوالف الصدر حيل والنتيجة انا عاجبتني

اما البطن ما ادري والله , شوفي الدكتور لوة رجع من السفر وقولي له رايج وشوفيه

ربي يسهل لج ويكتب لج الخيرة

شكرا على الرد , الدكتور أكدلي ان راح يبين بعد شهر , بعدها قالي شهرين , والحين ناطرته بشوفه شبيقول , بالنسبه حق وزني مازاد ولا نقص هذا أهو ,,

انشالله البنات الي جربو يفيدونج
بس حابه اعرف اعرف كم وزنج وطولج ؟

انا انشالله بعد العيد عندي موعد وانشاءالله بتوكل على الله واسوي عنده شفط وصدر

نفس الحالة جروح بفخوذي والم ولا كانه شافط اصلا لا وازيدج من الشعر بيت شافط مكان ومخلي مكان وحتى الاماكن اللي شافط منه صاير هظاب صوب في وصوب مافي
ما اقول الا حسبي الله ونعم الوكيل علىه وعلى اللي سوي دعايه له بذمتهم مو محللين

انتم من صجكم تثقون بقصابين الخرفان اللي عندنا
يبا هذيلة اهم شيء انهم ياخذون فلوسج
وان شوهوج ولا لعبوا فيج ماهمهم00 لان مافي قانون يحمي المريض ولا يلعن خيرهم

الله لايقوله 00 اسوي اي عملية هني بالكويت غير ولاداتي القيصرية

جزاج الله خير على ذوقج بالكلام

شنو نكذب إحنا ؟!! المدح على عمله معانا شعلينا بإلي صار معاج عيب هالإسلوب

لا تحللين الحمد لله ربي عالم وإحنا بنات ناس ولا محتاجين نسوي دعاية لأحد ., ليش دعاية مسوي لنا ببلاش يعني !!

عن نفسي يشهد الله انه نجح معاي وانا مو ياهل ولا مطقطقة أسوي دعاية لأحد ولا لي حاجة والحمد لله انسانة معروفة ومديرة ناجحة وسمعتي وصدقي الكل يشهد عليه .

استغفري ربّج وأنا أحاسبج عليه يوم القيامة .

تدرين انا ملاحظة سالفة الفخوذ الكل يشتكي منها مو بس عند الدكتور عبد الناصر بس اعرف بنات مسوين عند الدكتور ماجد تقي ووحده عند الدكتورة شيرين وأثنين عند الدكتور روجيه خوري وكلهم على نفس الشكوى ! مع انهم دكاتره ممتازين

باين الفخذ الله ياخذه عليه سالفة ,,, طبعاً لا تعتبرين كلامي دفاع عن الدكتور أبد أبد لا والله , بس انا مستغربة من هالسالفة , يعني الدكتور شفط وين راح الي انشفط والعوار دليل على الشفط

ربي يرزقج كل إلي تتمنيه والنتيجة إلي تحلمين فيها

حبيبتي رديت عليج بالخاص

وينج يا حرم الحوت , ما رديتي علي , ياريت اتردين علي واتقوليلي متى بين عليج , لأني جد لايعه جبدي من شكل فخوذي صوب متفوخ وصوب خفسه , غير ان شافط فوق الركبه فالجلد نزل شوي على الركبه ,,

حبيبتي انا مو من الكويت
وسويتها ومثل ما قلتي صوب مشفوط وصوب مادري كيف قايل
بس الدكتور قال لي المشد هذا يلزق عليك زلق لان لفخذ بسرعه يتشكل
هذا غير المساج اليومي بزيت الزيتون
اذا تبين الصج .. مع الرياضية والريجيم محافظه على النتيجه واذا زاد الوزن يطلع بالفخذ باماكن ثانية
وساعات اندم اني سويتها وساعات الحمدلله اقول زين ..والنتيجه تبين حسب كلام دكتوري من ست شهور لسنه
وسويتها من سنتين والحمدلله الان مرتاحه منها
الله المستعان

مشكوره حبيبتي , انشالله بسوي مساج بس أفضى

ليلحين ما ردت علي الا بنفسج , ويييييييييييييين الي سووا عنده ووصلوه لي السما , أتمنى أعرف شصار عليهم

أب أب

الحين كملت 4 شهور ونص وهذه أنه وهذه أردافي , والعوار ليلحين فيهم , خدار وما أحس فيهم , مشكلتي ان صار فيه تفخه على ركبي مكان الشفط , يعني رايحتله عشان يصغرهم كبروا زياده , ما أقول الا الحمدالله على كل حال وفعلا انه ندمانه على العملية لو داشه نادي ب 1000 دينار و أكل دايت شهرين ما قطيت الي قطيته ولا شققت جسمي جذيه , حرم الحوت بالذات كنت أبيها ترد علي وودي أشوفها شخصيا وبشوف جسمها شلون صار ما ردت علي للأسف ,,