|
|
انا عضوه يديه معاكم وبصراحه اول مره اسجل في منتدا ما شاركت من قبل في مدونة بس عجبني المنتدا وشاركت فيه
اول شي يسعدني وجودي معاكم ويارب اكون عضوه خفيفت الظل
ثاني شي ياريت تفيدوني بصراحه انا مو بطوطه بس إلا بتمبه من قلب وحيل بعد
ابي رايكم ونصيحتكم ابي اسوي عمليت تحويل مسار المعده لاني بصراحه سويت كل شي وماكو فايده
وصار عندي هاجس مخيف جدا اني اذا ضعفت بيترهل كل جسمي
أو
على الاقل كرشتي بترهل وخايفه من السالفه هذي
طبعا الرجيم محتاج شغلات وايد يعني نفسيا معنويا وصحيا
وللاسف كل هذا مو متوفر عندي وبسبب السنمه مو قادره اسوي رياضه لان السمنه سببتلي آلآم بالظهر والريل
وبعد محاولات من الرجيم فكرة وقررت اني اسوي عملية تحويل مسار المعده
بس تبون الصراحه مستعده اسويها حتى لو فيها سلبيات بس المهم اني تعبت حيل وفقدة شي اسمه امل او غيره
هذا غير ان توقيت دوامي ما يسمحلي اني اضبط او استمر على نظام رجيم وتبون الصراحه نفسيا مو مستعده لاني زهقت من قلب
اتمنى منكم تساعدوني منو يسويه العمليه هذي ومنو جربه
لا تبخلون علي بالنصيحه
وتسلمولي واسفه على الأطاله
واسمحولي لو مافي ترتيب او شي بالكتابه مثل ما قلت لكم اول مره اسجل بمنتدا وما اعرف استخدمه صراحه .gif "Eh S(22)")
تحياتي لكم كلكم حبايبي
بس لازم اتعرفين شغله اذا سويتيها راح اتعيشين طول عمرج عالفيتامينات انتي طبعن عارفه اذا سويتيها اشراح يصير الاكل يدخل من اهني ويطلع بسرعه الله يعزكم
وفوق هذا راح يترهل جسمج يعني تبين لج عمليتين عالاقل يقصصون يلدج ولازم تحطين في بالج اثر العمليه ماراح يروح
عندج استعداد اتظحين ؟؟؟؟ اذا عندج فشوفيلج دكتور ثقه انا اذكر وحده سوت العمليه بالسعوديه اعتقد بجده اسم الدكتور بخاري شي جذيه بس انا نصيحه راجعي نفسج اكثر من مره انا افضل الحلقه مالت المعده عالاقل لي مليتي منها تشيلينها وكلشي يرد طبيعي اما هذي صعبه تعيشينين طول عمرج جذيه
والله يسهلج
تسلمين علىرايج بس انا الي اعرفه ان عمليت الحلقه مو مضمونه لانها مو مع كل جسم تمشي تسبب استفراغ وغيره ووايد منهم سوو العمليه هذي وردو شالوها بسبب الي صار فيهم
بس تحويل المسار الي اعرفه صح تحتاجين تعيشين على الفيتامينات بس للعلم ان العمليه هذي تقدرين بعد ما تضعفين ترجعين تردين المسار مثل ماكان يعني فتره مؤقته وذا بغيتي تقدرين تعيشين فيها على طول
بصراحه انا مفكره اني اسويها ولما اضعف ارد المسار مره ثانيه
بس ودي اعرف منو الدكتور الاكثر شهره واضمن واحد فيهم الي عنده كفاءه في العمليه هذي
لان الي اعرفه انها صعبه مو اي واحد يسويها لازم جراح متمكن منها
ودي اعرف منو الجراحه هذا الي اقدر اثق فيه واسويها
بالنسبه للترهل المفروض اني بعد ما ينزل وزني لدرجه تسمحلي بمارسة الرياضه راح ابلش في الرياضه والسباحه لان السباحه تشد الجسم كله طبعا مع المشي
انتي عارفه ان الواحد لما يشوف نفسه ضعف شوي راح يرتاح نفسيا ويقدر يستمر ويشد من عزيمته اكثر
وانا اتمنى اني اقدر على هذا
ادعيلي اني اضعف وتتحسن صحتي
وياريت لو تعرفين اي دكتور بالكويت يسويها ويكون احسن واحد فهيم اكون شاكره لج من كل قلبي
اما عن دكتور بالكويت ما عندي فكره اذا في احد يسويها انشالله البنات يفيدونج
بس بالنسبه للترهل في ترهل بسيط اما اذا كنتي وايد متينه فصدقيني لازم عمليه انا شوفي ضعفت وصار فيني ترهل بفخوذي اكثر من سنه بالنادي ولا راح لمه سافرت امريكا كنت تسوي شفط رفض الدكتور وقالي هذا اصلن ماراح يروح حتى لو تضعفين لانه تدرين هذا جلد زايد ماراح يروح فالحين قاعده افكر اسوي عملة شد وكل من سوا هالعمليه وكان وايد متين لازم يسوي شد حق جسمه واحتمال يفرق من وزن لي وزن ممكن مع رياضه كثيفه ماتحتاجينها
ولازم اتعرفين شغله ترا اي تدخل جراحي للسمنه لازم له مضاعفات سواء بلونه ولا شفط ولا ربط
عشان جذيه اقولج احسن لوتقرين عشان ماتوهقين وتكون عندج فكره اكثر عن السايد افكتس
وانشالله راح ارد حق موضوعج اشوف اشصار عليج
صدقيني ترا سالفت الضعف لو ناخذها جد نضعف اهي يبيلها اراده وتعزمين عالاشي
تسلميلي والله يمه مني وشاكره لج مرورج الحلو
وانشاء الله بسوي السيرج الي قلتي عنه
وبسوي بنصيحتج وراح اقولج النتايج انشاء الله
بس على فكره اهم صح يقصون جزء من المعده بس ما يشيلونها ومعاج حق اكيد في كل عمليه مهما كان نوعها مضاعفات
فديتج تسلميلي والله على النصايح الحلوه
وانتو عاد بنات لحد يبخل علي بالنصايح الحلوه وياريت احد يكون عارف عن العمليه واسم الدكتور الي يسويها بس ابي احسن واحد فيهم
بصراحه بنات تعبت نفسيتي من تجربت انواع الرجيم وانتو عارفين النفسيه اهي اساس كل شي
ناطره ردكم حبايبي
صج ابتلشنا بالسمنه بيني وبينج صج انا متينه وحيل بالوقت الحالي مع اني كنت ضعيفه وايد من قبل فتره وما متنت غير من 5 سنوات وهذا الي مضايقني اي وصلت جذي برغم اني ما اكل وايد بس تبين الصج لما اتضايق او اعصب ادور شي اطلع حرتي فيه ما القى غير الاكل
صح غلط وغباء مني بس شسوي مو بايدي
انشاء الله انا وانتي والكل نضعف باقرب وقت ونكون احسن صحه وعايفه يارب قولي امين
ابي اعرف رايكم كلكم ناطرتكم حبايبي