الي عندها خبره في شهادة الماجستير تدش ولا عليها امر

اشدعوه بنات الي ماتعرف الله لايهينها ترفع الموضوع

up

up

حبيبتي انا توني خريجه تربية اساسيه وليلحيني ما تعينت
بس يوم سألت عن شهاده الماستر
قالولي اذا مو مطرشينج بعثه
لازم انتي يكون عندج خبره 3 سنوات و بعدين تكملين ماستر
و موجود بجامعه الكويت بعض التخصصات الخاصه لنا

و هذا الحجي سألته وحده تشتغل بالمنطقة التعليمية وانا اسوي اوراقي للتعيين
وقالتلي انه كلامها متأكده منه وصحيح

هلا حبيباتي الله يوفقكم
اللي تبي تكمل عندج كذا طريقة
1) انج اجازة دراسية بربع راتب او نص راتب او راتب كامل على حسب خبرتج الرتب والدراسة انتي تييبين قبولج باي مكان برا الكويت وانتي تتكفلين بالمصاريف الدراسية
2) اجازة دراسية عقب 3 سنوات بربع راتب وتقدمين على جامعه الكويت ينزل اعلانهم شهر 11 كل سنه ولازم توفل او ايلتز ولازم يكون عندج خبرة 3 سنوات اذا بتقدمين على ماجستير التربية ام اذا بتقدمين تخصص ثاني عادي مو الا خبرة
3) بعثه على الوزارة حق البحرين ولازم يكون اخر تقديرين امتياز عندج وفي سنوات خبرة بس ماعرف جم الصراحه وهذي البعثه تنزل نشرتها سنويه تفتر علمدرسات كل سنه والوزارة تتكفل بكل شي معاشج يمشي كامل بس تطيج البدلات يعني فوق 650 دك يمشيلج
4) تفتحين ملف بالتعليم العالي وتقدمين على جامعات مصر وتاخذين اجازة اداء امتحان 40 يوم لج 40 يوم بالسنه يخصمون منج البدلات بال 40 يوم بس وتكون مده الدراسة سنتين ونص وتداومين دوامج بالكويت بس تروحين تمتحنين وقت الامتحانات
5) بعثة على التطبيقي او جامعه الكويت لازم معدلج فوق 3 نقاط وتنجحين بالمقابله وواسطه طبعا
وسلامتكم والله يوفقكم واعولي دعوة حلوة من قلبكم اذا استفدتو من كلامي واي استفسار طرشولي عالخاص يمكن اقدر افيدكم

اسفه بنات الاجازة الدراسية عقب 3 سنوات راتب كامل بدون بدلات للتصحيح فقط