اشلونكم يالحلوين وشخباركم،،
بنات عرفتو شنو الاسنان البورسلان الي هابين فيها الممثلات و البنات الاسنان البيضه حييييييييييييييييل فمنووو سوت اسنانها او اتعرف احسن دكتور يسويهم عدل ويضبطهم ،،يلا خلنستفييييد من خبراتكم
حياتي انا مسويه اسناني الامامية
بس نصيحة اذا ماتحتاجينهم لا تسوينهم
لان مشاكلهم اكثر من شكلهم
و انتي كيفج
انا لو ادري كنت سويت تقويم و رتبتهم و لا هالعبالة
حبي انا سويت استشاريه مجانيه وكذا دكتور حت له نصحني بالتبيض المنزلي يعني استعمل قوالب لان البورسلان مادري السيراميك هذا للشخص اللي سنانه تعبااانه حييييييييييييل واسااساا اكثر شي يسوونه المشاهير لانه غااااااااااااااااااااااااااالي الضرس الواحد ب 400 دينار وهو فلوووسهم زااااايده
وانا مسويه المنزلي والله حلووووو ومبين ان اسنان بيض
مشكورين علي الرد بس شنوو اضرارهم و انتي وين سويتهم ،،وانا سآلت عن الاسعار قالولي الضرس الواحد ب٧٠ و في عيادات ب ٨٠ بس ٤٠٠ ماسمعت كلش
يمدحووون عيادة ابها للاسنان والسن الواحد ب80 وشغلهم وايد حلووو و مضبوووط وحتى عيادة البيان الميعه اماني البلوشي امسويه اسنانها عندهم
انا مسوية اسناني الامامية تلبيس بورسلان روعة …
عند الدكتورة احسان في عيادة بيرفكت دنتل كير في السالمية على البحر …
بنات شنو سياتها بلييييييييييييييز ودي اسوي وليش ماتنصحون فيها انا سمعت انه يمدحون عياده البياان بس بغيت اعرف جم اسعارهم والشغله جم تقعد على مايركبونها وجم تظل بنات بليز ابيها ضروري واللي سوت تذكرلنا شصار معاها من طقق لسلام عليكم
بنات عيادة البيان ب70 الضرس الواحد وحدة عجيب شوفي اسنان المديعه اماني البلوشي امسويه عندهم ..وسولفولنا اشلون الطريقه و في عوار ولا لا..لان صج حدهم حلوين و يغير الشكل
انا سويت تبيض ليزر صارو حساسين ويع سويته بالميدان اسبوعين صارو بيض تالي صارو صفر
يعني اهما للتبييض والا حق ترتيب الاسنان مو فاهمه !!
يعني اسناني ابيهم شوي اصغر وأرتب ينعفني البورسلان؟
البورسلان صاير مثل التلبيس يعني يحفرون الضرس ويركبون ضرس يديد ابييض حيل مثل الثلج شفتوو اسنان اليسا بغنيتها بتموون امسويتهم فضيعين حيل
اهو صج يعطي مظهر رووووووووووعه للأسنان
بس بتخافين على اسنانج كل ما كليتي شي يابس او طق ويهج بالغلط بشغله او .. ماعرف اشرح.. بس بتكونين على طووول خايفه عليهم لا يحوشهم شي وينكسرون او يطيحون
يبردون الاسنان وتصير مثل البرغي وبعدها يلبسونها الضري اليديد السيراميك ويكون بالدرجة المناسبة لباجي اسنانج
وطبعا بعدها لازم تلتزمين بتنظيف مكثف للاسنان وتنظيف اللثه والا مع الوقت يخيس الضرس وتطلع ريحة مو حلوة << هذا حسب كلام الدكاترة
انا مجربه التركيب عند دكتور فتحي بمستشفى الأميري واايد ممتاز شغله بس بما ان حكومه يبيله صبر وطولة بااااال
تصحيح معلومه ما يبردون الضرس حيل مثل البرغى لانه مو تركيب ضرس بس حك طبقه خفيفه ويتلبس قشره خفيفه وعلى حسب لون ضروسج الباحين
نصيحه اختي سوته وبعدها بفتره قعد تقرض حب بسنونها انكسر حافة السن ويه لويه روحي ركبي وبلشه؟؟
انا استخدم المسواج حيل روعه واسناني بيض الحمدلله والكل عباله مبيضه والله؟؟
وهم سمعت عن استخدام التبيض الوقتي بفرشه نفس صبغ الأظافر يمدحونه؟
انا ضروسي الجدام كان فيهم كسر بالاطراف
مكان الاطراف المكسورة حطوا حشواة برسلان وصارلي سنتين عليهم لونهم عادي مو ابيض وايد,,
يمكن لاني سويتهم بحكومي,,
وماكان في الم بس الدكتور وصاني وقالي ديري بالج حاولي اكثر شي تاكلين على جنب بعدي عن البورسلان,,
وقلتله شكذر تظل الحشوة علما اطيح,,قالي عالاقل سنتين