|
|
السلام عليكم
كتبت هالموضوع عالشان الكل منا يستفيد شلون نعامل الرجال خصوصا بعد سن العشرين تدرون كل ما كبر الرجال كل ماتشبب وصغر بعمره و و و
ودايما نسمع يقولون ان الزوج الثلاثيني هو الي يتحمل المسؤلية ويفكر بنضوج
الصراحه انا زوجي ثلاثيني بس ما احس فيه نضوج احسه جنه اصغر من جذي يعني انا الي افكر بمسؤلية البيت وانا الي اجمع
اما هو همه الطلعات والوناسة والسفر
يقولون الزوج بعد الثلاثين يصير مراهق كبير خصوصا بالاربعين من عمره
دايما يبحث عن التغيير والتجديدوالزوجة المسكينة همها العيال والبيت وهو عنتر زمانه بدل ما يعاونها يقوم يحس بنقص عاطفيا جنسيا من جميع النواحي ويحط له الف عذر وعذر هالشايب
رجاءا نبي من الكل المشاركة
شلون تتعاملين مع زوججج بهالعمر
وشنو الي فرق معاج من العشرين ومابعد(يعني مقارنة لمن كان عمره عشرين وثلاثين ومابعد)
شلون قدرتي توفقين بينه وبين العيال والدوام والبيت وغيرها من المسؤليات عالشان ما يحس بنقص
تدرون هالايام الرياجيل مسرع ما انقلبوا مراهقين في الخميس .gif "Eh S(13)")
ياليت كل وحدة تذكر لنا الي بهالعمر شنو يحب وشنو الي يبيه وشلون ترضيه والصراحه انا احس زوجي رد لايام المراهقة
يطلب مني اشياء ملوت المراهقات سواء لبس او اي شي استغربت بالبداية بس بعدين قلت ليش اخليه يشوفه برة
فكرت وفكرت لمن قلت ماكو الا كويتيات الله يخليهم عالشان نستفيد والي يمكن زوجها مو موضح لها تستفيد وتدلع له وتصغر بعمرها
لان اذا فات الفوت ما ينفع الصوت
| الله يهدي ازواجنا ويسخرهم لنا |
امين يارب
أنت أم زوجك لكن بدون أوامر ولا جدال ولا تهديد .
| دائما حطي ببالك ( ولدك على ما ربيتيه ، وريلك على ما عودتيه ) أنت أم زوجك لكن بدون أوامر ولا جدال ولا تهديد . |
تسلمين حبيبتي بس ممكن انعرف
| أنت أم زوجك لكن بدون أوامر ولا جدال ولا تهديد . |
أب
أب
للاسف
وانا صغيرونة عمري 22 واهو 32
ملوع جبدي والله
ويبي يتزوج علي بعد وشايفني دلوعة ومغرورة
انا بروحي ابي الحل وياهالريال