الي جربوا الهادي ودار الشفا والمواساه

اشلونكم ياحلوات
ابي الي جربوا الهادي ودار الشفا والمواساه
اي واحد احسن للولاده وطبعا ابي الراحه انا ماني ماخذه جناح باخذ غرفه وميزانيتي بحدود 500 الى600 كافيه ولا ازيدها وجم اسعار الغرف والراحه والولاه والدكاتره
الي عندها خبره تفيدني رجاءا
انا ولاداتي سابقا بالصباح كان عندي واسطه بس حاليا طلعوا واسطاتي فالحين ابي الخاص
حط فلوسك بالشمس واقعد بالظلال
عسى ربي يحقق لكم كل الي في بالكم

من تجربتي اقول لج دار الشفا
الاسعار:الغرفه العاديه 450 يومين
غرفه جونيور490
الملكي727
الامبراطوري الف وشي مو متأكده

مشكووووووووووره يا قلبي ماقصرتي

انا ولدت بالسلام وغرفهم روعة وكشخة وتعاملهم اروع اخذت غرفة ملكية بس كلفتني اغلى لان انا قيصرية فصارت الف وشي بس الغرف العادية هم روعة روحي شوفي مو خسرانة

على قولتج بروح واجرب

انا انصح بالمواساة
اتوقع الغرفة الصغيرة500
بس مو كشخة عادية
بس اما انصحج بالراحة النفسية و الجسدية
و الاهتمام الطبي بعد

دار الشفا ممتااااازييييين

انا المواساة و خذيت الغرفه ال N.vip العنابية طلعت علي 1182 لأن شفطو بنتي و كان فيها بوصفار و دكتورتي من بره وايد احب رعايتهم و احسه صج مستشفى و ابولدي نفس المستشفى خذيت ال الجونير عاديه مو مال استقبال بس ناعمة طلعت علي اب 670 شي جذي

انا ماني مسويه استقبال بالمستشفى لان ابي ارتاح حتى لو غرفه صغيره بس ابي الراحه والدكاتره السنعه
يعطيكم العافيه حبايبي

حبيبتي المواساه حيل غالي عن باقي المستشفيات
وانتي ماتبين تكلفين حدج 500
وانا معاج كل واحد …يدور راحته على قد ميزانتيه
ولايضغط على نفسه
وان شالله دار الشفا فيهم زينين
مثل دكتوره معصومه وايد اسمع عنها.

حبيبتي أنا ولدت بالمواساه ب540مع خياطة تجميلية من سنه ونص بس اللحين مادري إذا تغيروا بس ماشالله عندهم رعايه ما شفتها بالمستشفيات الثانيه مع أني والدة من قبل بالهادي ودار الشفا…

انا انصحج بالمواسااة

رووعه والغرفه خذيتها تقريبا ب 650 الجونيورز

ودكتورتي اسمها فرجينيا

صراحة عنايتهم شي مو طبيعي

واختي كانت والدة بدار الشفا عند معصومه والله كانت تصيح من خياطها
حتى خدمتهم مو شي

فانصحج لاتروحيلهم وانتي ورايج :>

انا بالهادي ولدتي كلهااا 620 ورجعوا لنا 60 دينار عشان هويه زوجج بالعمل اذا موظف حكومي له خصم وجناح ماخذه

انا فى بنتى دار الشفاااااااااااااااااااااااا يهبل انصحج فيه

وبحدود 550 وكانت دكتورتى من بره ماجده اليتامى

انا عن تجربتي بالمواساه
الخدمه واااااااااااااااااااااااايد زينه الطاقم كله ماشالله
والغرفه الصغيره كلش 450 د.ك
الغرفه الجونيور شوي اكبر وهاذي وايد بسيطه وحلوه 550 د.ك
انا خذيت الجونيور ووايد مريحه صراحه بس هاذي كانت اسعار الغرف اذا الدكتور من نفس المستشفى بس اذا كان من بره غير الاسعار ماعندي علم فيها
وعمومن كل مستشفى ما تعتمدين على كلام الناس! انتي وحظج وسهالات ربج …