الي تشتغل بالبنك او عندهم فكره عنه اتفيدني

السلام عليكم

خواتي انا توني من تخرجت صارلي 6 اشهرو ماتوظفت ناطره الوظيفه من البنك يعني وديت اوراق وكل شي والمدير وقع لامانع من فتره هالحجي وبس كان باقي اجراءات بسيطه وبعدها يدقون علي عشان المقابله

بس لي الحين ناطره وانشاءالله خير ياارب

انا تخصصي دبلوم مصارف يعني اقرب شغل لي البنك لان هم كل دراستي كانت عن البنوك

بس ابي اعرف خلفية كامله وواضحه عن البنوك الاسلاميه والبنوك الثانيه معني احس نفس الشي مادري

وبغيت اعرف جم معاشاتهم بالضبط وهل قسم عن قسم تفرق معاشاتهم اكيد اي بس كل قسم جم وجواماتهم من الساعه جم ليه جم وهل كل اسبوع اكون بقسم معين وكل كل شيييييييي فكره عامه ماعليكم امر

وهل دوامهم يتعب مثل مايقولون الناس ولا عادي مو لهالدرجه

انا رحت كذه بنك وتكلمت ويا الموظفه وسالتها عن شغلهم بس كلهم قالولي بختصار يعني ان شغلهم حلو ومن هالحجي

ياريت لو ماتبخلون علي بالرد ومشكورين

شوفي البنك يعني انج لازم تستغنين عن حياتج الاجتماعية…..صحيح المعاش خلو ويونس بس ماراح يكون عندج وقت تستانسين فيه

انا اخوي موظف في البن الأهلي ومسكين مايشوف زوجته وهو معرس توه

مسكين

الطبية مع ان مايغيب ومنتظم بالحسسسسرة عطوه

وعنده تارجيت لازم بخلصه

وعنده اوفرتايم واااااايد يحوشه اجباري
واذا توظفتي ببنك والسطاف اللي فيه موشي هههه راح تتعبين اكثر

باختصار الله يعينج

واذا على النطرة….انا واختي قبل لانشتغل في التربية قدمنا وبعدماتوظفنا بالتربية قدمنا….وللأسف بدون واسطة مالح امل تدشين عتبة البنك

لازم فيتامين واو

وشدي الهمة والله يوفقح حبيبتي لأن صج صج تعب

مممممم أنا كنت أشتغل في بنك 3 سنين ونص ، توظفت بدون واسطه ولا شي الحمدللللللله
أنا جامعيه بس تعبت صح معااش وفلووووس وبونص وأوفر تايم وكلشي بس ماكو حياة اجتماعية لمه مليييييييييييت
وعقب طلعت من البنك وقدمت على التربية أبي أصيير مدرسة والحمدللللللللله حسيت بفررق صراحه كبيييييييير كافي الدوام القصير وكافي ماكو شفتاااات ( أقصد العصر) وحتى الرئيسي صج شفت واحد بس تطلعين العصر اذا مو المغرب

واااااااي لا تستانسين وااااااااايد ( الله يعينج ) والكلام اللى اقوله لج من قلبي والللللله وعن تجربه بحته