|
|
هلا كويتيات
اشلونكم ؟؟ عساكم بخير ان شاء الله
انا ان شاء الله ناوية ادخل بنتي حضانةالراشد الي بالعديلية عالكروس الياي لان بصراحه
ما ودي اخليها مع الخدامة اكثر من جذي خصوصا انها بتكمل سنتين…
فياريت الي مدخله عيالها هالحضانه او سامعه اي شئ عنها ان تعلمني
سواء كان هالشئ سلبي او ايجابي.
يعني اذا عيالها استفادوا منها او لا؟؟
طريقة عنايتهم للطفل؟؟؟
برامجهم وانشطتهم؟؟؟
ومشكورين مقدما
في البداية راح تتأذين لان الياهل ما راح تتأقلم على طول بس هالشي ماله علاقة بالحضانة يعني وين ما راحت البداية تكون صعبة
بس للامانة بنتي استفادت و تغيرت اطباعها، أول من تشوف الناس تبجي ، الحين ما أقولج تروح تسلم بس على الأقل ما قامت تستاحش و تصرخ مثل اول
توكلي على الله
|
المشاركة الأصلية كتبت بواسطة Fouz
 انا بنتي هناك و الحضانة وايد ممتازة
في البداية راح تتأذين لان الياهل ما راح تتأقلم على طول بس هالشي ماله علاقة بالحضانة يعني وين ما راحت البداية تكون صعبة بس للامانة بنتي استفادت و تغيرت اطباعها، أول من تشوف الناس تبجي ، الحين ما أقولج تروح تسلم بس على الأقل ما قامت تستاحش و تصرخ مثل اول توكلي على الله |
مشكورة حبيبتي عالرد
شكلي بتوكل علي الله وادخلها
الصفوف كبيره والعابها متنوعه
ومثل ما قالو الخزات الصف ينقسم لمجموعتين يوم عربي ويوم English
عندهم سيفتي ممتاز يعني اللي يدش لازم يحط بطاقته عند الأستقبال حتي لو يايه تآخذين ولدج
المدرسات لا بأس فيهم
الكورس الثاني يصير المبلغ بحدود 700 وشئ لأنه اقصر من الكورس الأول
أما الكورس الأول تقريبا بحدود ال1000 والله مو متذكره بالضبط
لان بعض الابلات صراحة كلش مو مستوى
انا الي ما عجبني بالحضانة
ينتهي الدوام مبجر
مافي مناوبة الصبح
مافي طابور صباح
حفظ القرآن مو قوي
دوام رمضان كان يبدي 9 بعد المدارس بنص ساعة
كل رحلة يطلبون مبلغ للرحلة وبعدين تصوير الاطفال كل صورة نص دينار
كنت بعد كل رحلة آخذ ب ثلاثة ونص او اربعة صور مايطاوعني قلبي اخلي صور ولدي
حفل التخرج كان مو مستوى
و الكورس الثاني 300
و بالنسبة لطريقتهم ينقسمون في اليوم الفترة الاولى عربي و الفترة الثانية انجليزي او العكس يعني مو يوم عربي و يوم انجليزي
و الميزة الحلوة في مديرة الحضانة وايد متفهمة و تسمع رايج و تاخذ بعين الاعتبار اي شكوى، مرة انا رايحة اخذ بنتي و معاهم واحد في الصف مسكين من بدوا الحضانة و اهو يبجي لقيت المديرة ماخذته و تلاعبة تالي طلعته بروحه و اقعدت تكلمه لما سكت، هذا اللي شفته و مثل ما قالت الاخت أكيد مو كل المدرسات نفس المستوى مثلا بنتي تحب مدرسة الانجليزيو ما تحب ملوت العربي وايد فكيد كل مدرسة لها طريقتها.
بس نصيحة اذا ضايقكم شي سيييييدة روحوا المديرة علشان تعدل الاغلاط
|
المشاركة الأصلية كتبت بواسطة بتبوتااا
حتى انا ودي ادخل ولدي عمره سنتين ونص بجم الشهر؟
|
هلا بتبوتا
الي اعرفه ان الكورس ب340 تقريبا والسنه تكون 750 تقريبا بهالحدود
maryam-q8
ام جوري1984
ام عواش
السنعه2
qumar
fouz
مشكورين وااااااااااااايد عالرد ويعطيكم الف عافية :**