|
|
السلام عليكم
اشلونكم أبلاوات
خرعكم العنوان صح؟؟؟ هههههههههه
الحين تعرفون السالفه كلها
سمعوا اللي صار لي توه من صباح الله خير
الله يسلمكم اليوم من الصبح فازعة .. و مبدله و متكشخه و رايحة الدوام و انا بعيني النوم 
.. مو نايمه عدل
مو نايمه إلا عقب صلاة الفير لا و كنت كل شوي أفز من النوم أخاف يروح علي الدوام ؟؟ و قعدت الساعه 7 عشان ألحق
المهم قعدت ريلي مسكين قتله قوم ودني الدوام .. على بو انه أول يوم و أتفاءل فيك 
.. عقب المساحل و الترجي رضى الحمدلله
و لأني متأخره .. ما مداني أتريق .. قتله تكفى مر البقاله اللي يمنا اخذلي ككاو أقزر فيه اليوم السعيد
و الله ما قصر ابن الحلال .. ياب لي ككاوي اللي أحبه و أخذ له بربيكان .. و توكلنا على الله .. انطلقنا في الرحله المتوجهه إلى مدرستي الغراء
الشوارع خاليه و انا طول الطريج أتحلطم على الناس
قلت حق ريلي: ما تلاحظ ان الشوارع خاليه؟؟؟ كل الناس سياييرها سافطه عند بيوتها!! شهالكسل؟—- (لاحظوا ترى الساعه 7:15)
زوجي: تعالي أخاف اليوم رمضان!! بس محد قالي!! انا أمس لي ال12 في بيت أبوي و محد ياب طاري!! —- (مسكين تردد انه يشرب البربيكان!!!)
المهم سفطنا عند مدرستي الساعه 7:25
و لا ماكو أحد .. المدرسة تصفر الدوام الساعه 7:30 وينهم؟؟؟
ناظرتنا ما شاء الله عليها العاده أول وحده تنطرنا .. مو عوايدها عسى ما شر!!
قربنا ولا الحارس مسكر الباب .. و المدرسة مبينه مو منظفينها .. حتى فراشات ما فيها!!!
رحنا انا و زوجي سألنا حارس المدرسة اللي جبال مدرستنا .. جان يطلع لنا بالبجامه
و انا حدي مستغربه .. و أقول شالسالفه .. 
مو عيب قاعد لنا بالبجامة لي هالحزة؟؟ .gif "Eh S(14)")
سألناه متى اييون الابلات .. جان يقول يمكن على الساعه 9:30 أصل النهارضه دوام المدرسات
المهم انا ما اقتنعت .. قلت أكيد مسوين اعتصام ما يبون يداومون برمضان .. لا و زعلت بعد .. بتشره عليهم ليش ما قالولي هههههه
طرشت مسج حق مدرسة معاي (قوة فلانه .. متى الدوام اليوم؟؟؟ )
نطرتها ترد .. الحين ترد .. بعد شوي ترد .. يمكن قاعده تلبس
بس ما ردت!!!! يا ربي اشصاير؟؟ الموضوع فيه إن —- (ترى لي الحين و انا أكتب الموضوع البنت ما ردت)
ردينا حق مدرستي
جان نلاقي الحارس توه طالع من غرفته
سأله زوجي: متى دوام المدرسات؟؟
جان يقوله: أبله فلانه كانت هنا من شويه يا بيه .. و آلت الدوام بكره التنين إن شاء الله .. كل سنه و انت طيب هههههههههههههههههههههه 
المهم ريلي عطاني ذيج النظره السادوحيه
.. تصروعت .. و تمنيت الارض تنشق و تبلعني
جان أقوله: تعال اليوم جم التاريخ؟؟ —- (يعني برقع)
قالي 31-8
قتله وي يعني مو 1-9؟؟؟؟؟؟؟؟؟؟
عيل الدوام باجر مو اليوم هههههههههههههههههههههههههههههههههههههههههههههههههه ههه
اشرايكم بس ؟؟ محد مخربني إلا ضميري .. خايفه يروح علي الدوام
مسكين الريال ناطرني و أخرته عن دوامه .. و بالاخر على ولا شي!!!
شكلي بقزر اليوم كله و انا أساحله عشان يرضى علي .gif "Eh S(1)")
و باجر ان شاء الله ينعاد المشهد .. كلاكيت تاني مره هانصور
و على قولة الحارس .. كول عام و اونتوم بخيييير !
امبييييييييييييييييييييييه سوري والله بس موقفج
يموت من الضحك
بطني قام يعورني
السيناريو راح يتكرر باجر مع اختلاف ان الشوارع زحمه والناس مداومه ههههههه
كل عام وانتي بخير
متحمسه مشالله عليج
موتيني ضحك تخيلت شكلي ريلي لو مسويه فيه جذي خخخخخخخخخخخخخ
الله يعينج يحتاج كميات مساحل مضاعفة عشان يرضي هههههههههههه
بس والله موتيني من الضحك تخيلت نفسي
بهذا الموقف حده موشي بس مسكين ريلج
حاولي تحايلينه وتراضينه وباجر لا تطلبينه يوديج لانه بيذبحج
تعيشين وتاخذين غيرها