اليوم اخر يوم لي بالقرار ابي ردود لمصلحتنا ؟؟

السلام عليكم ورحمه الله

كيفكم بنات

ببدا

بسرعه

اخاف شاحن الاب توب يطفي

بنات بختصر لكم

زوجي طيب وكريم معي بس (متسلط+او غيور مادري.

انا محترمته ومسويته يادهينه لاتنكتين وهو يبادلني نفس الشعور

بس في شغلات وابرزها

انا اكلم صديقاتي وخواتي ماوري زوجي المكتوب بالرسايل

لانها سوالف حريم

لكن اذا مهم مثل طلاق او زواج وبشارات اعلمه بحكم ان انا وياه اقارب واذا ماسمع مني بيسمع من امه

المهم قبل كم يوم لقاني ابجي

سألني قلت اختي ببتطلق

هدا فيني وجذي

يوم تطلقت ماقلت له لاني متضايقه ومالي خلق

فتح جوالي لقاء رساله منها

سالني قلت ايه تطلقت

المهم
اليوم صديقتي تبيني بموضوع ضرووري وخاص فيها

رحت لغرفه ثانيه لاني ماحب زوجي عندي واطقطق بالجوال

كل هذا تقدير له

المهم لحقني قال شنو في قلت ولاشي
بس صديقتي تبيني بسالفه

قال وريني قلت لاصعب مأمنتني

قال الله يالدنيا وتخبين عني

قلت اشيا تخصني ايه تخص صديقاتي حرام افتح اسرارهم

المهم اتصلت ثاننيه قال منو قلت ام فلان

قال شنو اسمها

قلت مو لازم تعرف بس اسمها ام فلان

عصب قال ماتبين تعلميني عن رفيجاتج

وبدا يفتح صفحات قديمه عن اسرار صديقاتي معاي

وهو شكو؟؟؟؟؟؟؟؟؟؟؟؟؟؟؟؟؟

المهم قال ماراح اعلمج باسراري قلت براحتك

المهم عصب زود قال مافي جوال ولاواتس اب

ولاشي

ياحيوانه مو حيوانه الا حيوانتين

قلت احترم نفسك كل هذا علشان حريم تبي تعرف اساميهم

قال لا علشان اختك ماعلمتيني انها تطلقت

وعصبت منه رفع ضغطي رديت عليه قلت ليه بتتزوجها؟

شهامك انت

المهم قال شنو وقال علي الطلاق اني باخذ الجوال

واخذه وفي وقتها طلع واتصلت صديقتي رد عليها بس ماتكلم وسكر الجوال

المهم خذيت جوالي بالدس لقيتها مرسله منو هذا الي راد علي؟؟؟
وجيت عنده وكنت مارادده بس زودها قلت انت ماتسحتي ع ويهك
وقال علي الطلاق اني ماتكلمت ولاسمعت صوتها بس رديت وقفلت بالغلط

المهم

قلت ترا هذي قلت ادب

وطلعت من الصاله ولحقني قال شنو قلت ادب ياحيوانه يا ماتربيتي وكلام تجريح

وقال بطلقج ويرددها اكثر من مره

والحين شنو اسوي

اعلم اهلي؟؟؟؟؟

تعبت

شايل شاحن الاب توب

واخذ جوالي بيقفله

كل هذا علشاني ماقلت اسماء صديقاتي واسرارهم

انا انسانه اصلي اخر الليل ماخون لو اخونه شنو بيسوي؟؟؟؟

هذا لازم احد يوقفه عند حده لانه ياهل دوري احد كبير من عايلته يهاب منه وقوليله

لا حبيبتــي لا ادخلين اهلج

السالفه ماتسوى انتي تقدرين تحلينها بالتفاهم والحيله

الحين أنتم تهاوشتوو نطري لين يطخ لي طخ تفاهمي معااه بدون تجريح

اما سوالف رفيجاتج حاولي انج ماتسولفين معاهن واهو موجود إذا طلع من البيت سولفي على راحتج

لو يقولج سولفي لي قوليله مافي سوالف وضيعي السالفه لمن يتعوود انج ماتسولفين له سوالف الحريم

و ريلج يبي له وقت على مايتعوود انج ماتسولفين له و انتي اصبري عليه لمن تغيرين طبعه

واهم شي فيه ايجابيات

حته لو كان متسلط وغيور تقدرين تغيرين طبعه بالحييييييله

وعسى الله يسخره لج

حبيبتى كل بيت فية مشاكل انتى لا تعاندينة وصدقينى بيندم

الله يكون بعونلام الاخوات عين العقل
سايريه وسوي نفسج مومهتمة انه ماخذ الجوال والشاحن
خليه يحس ان اهوا بحياتج اهم من الجوال واللابتوب وسوالف مع الربع
ساعته بتقل الغيرة
هويسوي سواته لانه عارف ان هالاشياء مهمة عندش يبي يلوي دراعج
كوني اقوى واكسبي المعركة
بالتوفيق

مثل ماقالو البنات لا تدخلي احد بينكم

تبين الصج انتي غلطانه اشلون تكلمين رفيجاتج قدامه
اذا جا زوجي تليفوني سايلنت ومن يطلع اخذ راحتي بالمكالمات سواء مع اهلي ولا رفيجاتي
لان هذا شي خاص فيج انتي مو هو
والسالفه ماتسوى تعلمين اهلج ازعلي عليه
وفهميه انه عيب الا يسويه
وبعدين شنو على الطالعه والنازله علي الطلاق ترى هالكلام مايجوزكلش

الله يعينج

اولا انا ماجوفه متسلط ولا غيور

لو اهو يسوي الحركة ويمسك تليفونه ويروح مكان ثاني وانتي معاه عادي انج تغارين وتلحقينه وتقولين له اشفيك طلعت بالتيلفون شعندك

فا اولا حركة انج تسولفين بالتليفون واهو موجود مو حلوة تقدرين تكلمين رفيجتج في اي موضوع تبين واهو مو موجود عشان ماتحطين نفسج بمواقف جذي

اما عن سالفة اسم ربعج ترى مافيه شي لو قلتي بدال ماتشدين معاه وتوصلينها لي هالسالفة

انا احس ماله داعي تدخلين احد بالموضوع وحليها انت وزوجج

انا اقول نطري ف بيتج يومين ثلاثة
احس بس عصب و سوى هالحركات
اتوقع بتشوفينه
بروحه يعتذر او انت عطيه الفرصة
يمكن احد قال له اخت مرتك تتطلق وانت ماتدري فحس انها فشلة عليه
وبعدين مافيها شي اذا عرف اسمارفيجاتج مو اجبار بس عادي لما نسولف لازواجنا
نقول اسماءهم وهم بعد
بس سالفة حيوانة ماحيوانة لي هديتو ناقشيه وقولي مو من حقك تكلمني جذي
( اول مرة افكر بسالفه هدية ثمينة كاعتذار )
المهم الصبر عليج
اعتبريه بر بأهلج
لأن توه صار طلاق اختج بيتضايقون لو جيتي زعلانو ع طول وراها
الصبر والدعاء وباذن الله بيتراجع ويعتذر دام كان طيب معاج طول الفترة اللي طافت

ترا عيب كلمه والثانيه علي الطلاق شنو وين قاعدين
انا اقول حليها ودي وياه وايد احسن

انا اشوف من حقه يشاركج ويعرف اسرارج وللي تسوينه الريال ماقال وريني صور رفيجاتج اشوفه انسان يبي قلبج يكون مفتوح له

بكل شي وانتي تعتبرين هذا خصوصيه ومابين الازواج خصوصيات ياقلبي غيير خصوصيتكم..!

تأسفي منه الحين وقولي له اسفه وفهميه انج كنتي تظنين هالشي خصوصيه بس مابين الزوجين خصوصيه ومن يوم ورايح بقولك

كل شي بس لا تزعل علي..

والله يخليكم لبعض

تلقون البنت خلصت واتخذت القرار وتصالحت مع ريلها عبال ما نزل موضوعها

جد يعني

خمس ايام من موضوعها لي اليوم !!!!

هههههههههههههههههههههههههه

تهقين خلصت مشكلتها بس حاطه الموضوع طماشه واحنا شادين حيلنا