|
|
السلام عليكم
بنات الله يهون عليكم ان شاء الله و يحفظكم
انا الجنين مات ببطني اسم الله عليكم ، و قالوا لي لي ماطلع نحط لج طلق صناعي .. و بصراحه خوفوني منه
ابي منكم ادويه أو اشياء اقدر اسويها او اشربها علشان تساعد ان عنق الرحم يفتح و ينزل الياهل بسهوله . بس يا ريت تكون مضمونه و مجربه و من نصيحة امهاتكم و جدادتكم
طيب و ايب بعد ما ينزل الياهل وحده ترددني ؟ و اذا إي متى ؟
و تعرفون لي وحده تردد زينه ؟
و أخيرا ادعوا لي الله يهون علي و يكتب لي الخير اذا لي نصيب بغيره .
صراحة حبيبتي ماعندي خبرة بهالسوالف إن شاء الله الخوات فيهم الخير
مع التحية………….
انا ما عندي خبرة
مع التحية…….
انتي باي شهر؟
قلبي و دعائي معاج ..
ماعندي خبره للاسف بهالموضوع … الله يسهل عليج امورج
و حبيبتى شغل الحريم ما عندى علم فيه بس اللى اعرفه انه يفتح الرحم اذا نفع بس ما اييب الطلق و غيره الا مع البيبي يعنى الياهل يساعد فيه بس انتى البيبي مات فاحسلج خليج على الطب و لا تغربلين عمرج و تحوسين روحج هو المفروض الرحم يطلعه طبيعى اذا توج باول الاشهر و اذا عود مع الطلق الصناعى و خلاص احسنلج و عسى ربي يقومج بالسلامة و يعوض عليج
الله يعوضج عنه يارب بالذريه الصالحه
وحبيبتي لاتعبين نفسج بالاعشاب ماكو شي ينزله الا الطلق الصناعي
مرات تحسبين انه نزل كله بس تبقى المشيمه او اي شي احسن اخذي
الطلق الصناعي كلها مسالة ساعات واخذي معاه الكمام
الله يسهل عليج يارب