|
|
أول شي أحب أهنيكم ان المادة صارت مو بالمجموع احنا و الدراسات و الفنية و الموسيقى
و الله يعينا على قصت الويه و الفشلة جدام الطالبات
يعني ضروري يفشلونا مو احنا من سنين و هالمواد مو في المجموع يعني ليش يخلونها بالمجموع و نشد حيلنا بالدرجات و آخر شي نتفشل جدام الطالبات لما يشوفون انها مو بالمجموع
هذا غيييير سالفة مهارات الحياة اللي كلفونا فيها .. احنا مدرسات علوم الاسرة صرنا ندرس كل شي ماكو شي ما درسناه الحمدلله 
كلفونا بالعمل التطوعي حق ثامن قلنا أمرنا لله
بس الحين ايي التوجيه و يقولون لنا ان راح ندرس ( توعية مرورية ) للفتره الرابعه @@
مادري من صجهم و الا يتغشمرون
يقولون احنا صايرين جدول مخفض و لازم اي شي محد راضي يدرسه احنا ندرسه عشان يصير لمادتنا أهمية 
و بغيت أعرف راي مدرسات المتوسط بهالموضوع
و الله يعينا
والله انا اتقبل هالفشلة
بس مو التصحيح الجماعي
اللي نطلع الساعة 3
انا تربية فنية و ابتدائي للحين ما بلغونا انا لغوا الدرجات في المجموع
والقرار شامل الابتدائي بعد اللي تعرف ترد الله يحفظكم
وبعدين انتوا تصلحون مع المواد الثانية ؟؟؟؟؟؟؟
يعني الفنية تحط درجات ولا لأ؟؟؟؟
ادري ضايعة بس الله يخليكم ردوا ضروري
و ما يسوى علينا سووها حصه وحده
كل ما صار شي قالوا علوم الاسرة جدول مخفض عطوهم
لا من المهارات و لا من الاحتياطات
و انا متوقعه ان عالسنه اليايه راح يردونه حصتين .. عادي يعني ما راح تكون صدمه
تعودنا
و بالله بالذمه احنا شلون بندرس التوعية المرورية ؟!!!
احنا مهارات و ما ندري شلون درسناه بعد الحين توعية مرورية
و المشكله ان رئيسات الاقسام و المدرسات محد يعترض على قرارات التوجيه
و يسكتون و ان تكلمتي تطلعين انتي الغلطانه و جنج انتي بس اللي معترضه عالموضوع
مع ان اهما بعد مو عاجبهم
فالشكوى لله
لو هالأربع سنين قاعدة دارسه شي مثل العالم كان مو ألحين صايره مثل الكرة كل من يضربها من صوب ..وكل من يقط الشغل عليها ..
إذا إحنا المعلمات اللي بالميدان ماتكلمنا وشكينا وتحركنا ..صدقوني لا رئيسة قسم ولا موجهه بتاخذ بحقنا …صايرين فراريش بامدرسة ..
الله يقطعها من وزارة تاخذج لحم وترميج عظم .
الله يعينكم والله
انا طالبه تخصصي علوم الاسره ومبتلشين فينا كل يوم خبر :
الله كريم ان شاء الله