|
|
السلام عليكم ورحمه الله وبركاته
لي رجاء عندكم ابغاكم تدعونلي والله محتاجه للدعاء
انا ولدت قبل كم يوم وتوي بنص الشهر السادس
جبت توأم بنات
وحده توفت بعد يوم وكم ساعه ربي يجعلها شفيعه لنا ويصبرنا انا وابوها
وبنت في الحضانه ابغااااااكم تدعونلها ربي يقومها بالسلامه وتقر عيني وعين ابوها بشوفتها
(دعوة المسلم لأخيه بظهر الغيب مستجابة)
وعندي بعض الاسئله
– مين ولدت بالشهر السادس او تعرفو احد
– وكم وزنه لما انولد
– ومتى بدو يعطونه الحليب
-ومتى قدرتي ترضعيه طبيعي
– وكم جلس بالحضانه ؟؟؟
– وهل نموه وذكاءه زي الاطفال العاديين والا اقل
والله للآن مش مستوعبه اللي صار كل شي جاء بسرعه وفجاءه
اتمنى الرد والله يجزء كل وحده ترد ماتتمنى في الدنيا والاخره
وكل شي بيد رب العالمين انشالله بتطلع من الحضانة ومافيها الا العافيه
وتفرحين فيها عروس يارب
اعرف وحده ولدت بالسادس وماشالله ولدها مافيه الا العافيه كل شي رب العالمين
انا تصير لي وحده ولدت بالسادس كان فيها توام بنات ماتت وحده والثانية عاشت
والحين عمرها 6 سنوات وماشالله شحلاتها
وشاطرة بدراستها
يعني لا تحاتين بنتج انشالله مافيها الا العافية
بس يمكن راح تاخذ وقت في الحضانة
وهالشي اكيد الدكاترة يحددونه
لا تحاتين همن أنا اعرف وحده ولدت بالسادس ويابت ولد
والحين أسمله عليه بالأبتدائي ومتفوق بعد
ويطلع بنتج بالسلامه
ويعافي بنتك ويخليها لكم
انا اعرف وحده انولدت بالسادس والحين هي بالجامعه ومتزوجه وعندها 3 عيال وقمه في الجمال والذكاء ماشاء الله
واخذت وقت بالحضانه
وولد اخوي انولد باول السابع اول يوم بالسابع
والحمدلله الحين هو 5 سنوات ويهبل وشيطاني بسم الله عليه
خلي ايماك بالله ولاتوسوسين
وان شاء الله البنت الثانيه تطلع بالسلامه والله يبلغج فيها
وتملا البيت علييييييييييييييكم
والله يرحم بنت وتكون شفييعه لج يوم القياامه يارب
وطيوور من طيوور الجنه
والله رفيجتي بالدوام يابت ولدها بالسادس والحين اسم الله عليه عمره 10 سنين وشيطون ومطلع عينها الله يخليه لها
لا تحاتين ان شاء الله تاخذ فتره بالحضانه وتطلع ان شاء الله
قدر الله وماشاء فعل
وثانيا الله يخليلج البنوته وتشوفينهآ أحلا عروس ..
بخصوص استفساراتج انا ولد اخوي انولد بنص السادس طبعا تأخر عن الي بسنه من حيث المشي والكلام
يعني مشى بعد السنة ونص ولا زالت مشيته مو موزونه لازم يرفع ايده لمى يبي يمشي والكلام توه بادي يقول كلمات وبعده ما يكون جمل
مثل الي بسنه علما انه عمره اللحين تقريبا سنتين وجم شهر وبخصوص ذكاءه اممم ما اقدر احكم بس اهو زين يلعب ويشارك اليهال باللعب
عموما يمكن طفل عن طفل يختلف وان شاء الله مافيها الا العافيه بنوتج
واتقر عينج بشوفتها وان شالله طبيعيه مافيها الا العافيه