|
|
مبارك عليكم الشهر
الحمدالله ولدت قبل 16يوم بس الله كاتبلي اولد بعمليه بس عندي جم سؤال…
جم يوم وارد الرحم مكانه لان احس للحين نازل؟؟وبطني للحين كبير جني حامل بالشهر الرابع هذا طبيعي؟
وصوب السره صايره دائره سوده متى يروح؟وقبل لااطلع من الاربعين اقدر استعمل تحاميل التنظيف؟
ادري اسئلتي واايد بس شسوي بجر وماعندي احد اسئله
يعطيكم العافيه
علينا وعليج يتبارك
حمد الله على سلامتج ومبروك ما جبتي
يرد الرحم مكانه بعد 3 شهور
والكرش تخف شوي شوي
بس اهم شي حبوب الفحم واشربي زنجبيل وكمون وينسون
والسواد يروح انشاء الله بس بعد 20 يوم ادهنينه باي زيت
والتحامل عادي بس اهم شي تكون طبية مثل البيتادين
لاني بكر
رفع
وصعب تمارسين اي رياضة مرهقة
لكن ممكن شوية تمارين خفيفة او مشي
والسر عادي يبي له 6 شهور ويرد
تحاميل ماكو داعي
القيصري هم ينظفون رحمج لج
لكن لا تهملين شاي الاعشاب والرياضة
استخدمي ادوية النفاس تساعد على تنظيف الرحم
مو الدم وبس حتى الرطوبة والافرازات
واستخدمي التحاميل ووصفة اسمها الخمس فناجيل دوريها بجوجل وطبقيها
تساعد على التنشيف ووقف الرطوبة والافرازات
لا يقولون لج القيصرية مو جنها نفاس
كله حجي فاضي
كل اللي اعرفهم قيصري يهتمون
خاصة لي تكررت الولادات
تعرف الوحدة قيمة الاهتمام فترة النفاس
شربي اعشاب دارسين+ زعتر+بابونج+كراويه
والزنجبيل و الكمون يوخرون الكرش
وتدفي عدل مدل
كثر ما ترضعين راح يرجع الرحم اسرع
يعطيكم العافيه
متفوخ شوي يقولون يبيله وقت شوي وايد متازمة منه انشالله يرجع
السواد راح يخف مع الوقف
وبالنسبه للتحاميل الدكتوره اكتبتلي بيتادين بعد شهر استخدمهم ..
والسواد هم نفس الحاله ..الله كرييم
ويساعدج
واهم شئ تنفسي عدل سوي لج حبه بركه مع حلبه واطحنيهم واكليهم مع اكلج غدااج وعشااج
واللهوم والمردوود لاتخلينهم كل صبح
والحليب الطازج سخنيه واشربيه مع بيضه فوووح الصبح
وتدفي عدل وديربالج من الهواا تراه اقشششششر
والرحم انشاء الله يرد شوي شوي مو نفس اللي والده طبيعي
والبطن يعنيج الله والده قيصري لاتقدرين تربطين ولاتمارسين رياضهو لاترديد ومساج تحملي
والسواد يرووح مع الاياام وانتي بعد اهتمي بنفسج جنج عرووس كريمات ومن هالسوالف
والتحاميل استعملي تحاميل عااادي ……. انا استعملت البوووثيل ملوت السعووديه يهبلوون بس استعملييهم قبل طلعتج من نفااسج
ومالج شر ان شااء الله……..
انا بيصريلي 4 اشهوور والبطن الحمدلله والشكر بس مع الوقت يخف