الولادة :)

السلام عليكم

اشلونكم خواتي

حبيت استفسر عن ولادة مستشفى الهادي ..

اذا كانت الغرفة 300 والولادة 385 وولادة طبيعية وما احتجتي لمساعدات اشكثر ياخذون منج بعد غير 985 يعني غير ولادتج وغرفتج ؟؟

100 او اكثر ..

واللي تساعدني بردها على استفساري او تدخل وتدعيلي .. الله يجزاها عني كل خير وبميزان اعمالها

سبحان الله وبحمده ..
سبحان الله العظيم ..
استغفرك ربي وأتوب إليك ..
من كل ذنب عظيم ..
لا إله إلا أنت سبحانك ..
إني كنت من الظالمين ..

الله يهون علينا ويسهل امورنا .. ويعطي كل محروم يارب

حبيبتى واللة ماعندى فكر انشاللة البنات يفيدونج

حبيبتي اهي اللادة مع الادويه ب 385 اذا طبيعيه
اذا طلق صناعي ياخذون زيادة 30 دينار
تجميلي 40 دينار
لانسبه للغرفه نظامهم حلو يحسبون من الساعه 2 الظهر لي 2 الظهر يعني ولادتي اللي طافت طلق صناعي خذيت الغرفه اللي ب 45 دخل الصبح و طلعت ثاني يوم بليل حسبولي يوم واحد
وصارت الحسبه جذي 385 +30 طلق صناعي+40 خياط تجميلي + 45 غرفه بس دكتورتي ما حسبتلي الطلق الصناعي قالت لان ما حطيتلج وايد لانج بسرعه ولدت بس نص تحميله و بربيش فلغت الطلق الصناعي صار المجموع 470 و ريلي سوالي خصم نقابة وزارة الاعلام صار بعد الخصم 407

اهواك بلا امل ..

مشكورة على المرور اللي نور موضوعي

laila laila

مشكووووووووورة وماقصرتي جزاج الل الف خير

سبحان الله وبحمده ..
سبحان الله العظيم ..

انشالله البنات يفيدونج

حبيبتي انا ولدت بعيالي الثنين هناك..

مره دفعت 850 والمره الثانيه 600

بس ما اعرف التفاصيل..

الفاتوره طويله عريضة بالانجليزي..

ومسكين ريلي بعد عمري دفع بدون لا يسال عن التفاصيل..

اذا حبيتي تعرفين روحي لهم بالمستشفى وهم يقولون لج عن كل شي بالتفصيل

ربنا يسهل عليك ياا رب و على كل الحواامل و يرزق كل محروومة آآآميين يا رب العاالمين

انا اخذوا مني 1700 كنت بالاول طلق صناعي عقب مانقع صارت عمليه وكنت ماخذه ملكي اربع ايام من غير الادويه والتناتيف
اللي اعرفه ان الولاده الطبيعيه 380 والقيصريه 600 وغرفة الولاده ب20 والطلق الصناعي ب30 وابرة الظهر جنه ب90 وغرفة الافاقه للعمليه بروحها ب 90 وحضانة البيبي ب20 الليله واحسبي الغرفه
الغرف انواع في عادي ب20 وسوبر ديلوكس45 وفي اي بي65 وفي اي بي ملكي95 -وفي الجناح الملكي175 والجناح الهادي300

حبايبي مشكورين على الردود والمشاركات والله يجزاك الف خير

نورتوا الصفحة