الولادة المبكرة

اخواتي ابي استفسر اذا في وحدة تعرف عن اسباب الولادة المبكرة؟؟؟
راجعت دكتورتي بس ما عطتني جواب كافي تقول احتمال بتولدين بدري نفس ولادتي الاولى ويمكن يكون السبب انه عنق الرحم قصير بس مو حيل ومنعتني عن بذل اي جهد…
بس من نص الرابع وانا احس ببطني ييبس جنه طلوق وخايفة اولد بالسابع فهل في احد يعرف الاسباب؟او مرت بهالتجربة؟

انا قالت لي راس الياهل تحت بس اللي رحمني ان الرحم مو مفتوح من الشهر السلبع هالكلام والحمدلله كملت للتاسع

لا تمشين وايد ارتاحي

انا اللي اثر علي المشي

ومحتاره ناس يقولون لي امشي وناس يقولون لي ارتاحي

بس نصيحه ارتاحي ولا تمشين وايد

انا ولدت مبكر وتعبت حيل
بالحمل الثاني
سوولي ربط وماخلوني اتحرك
وولدوني قيصريه

هلا خواتي……….
اختي عشق انا راجعت الدكتورة من جم يوم قالتلي راسه تحت وتوني داشة السادس وبحمالي الاول راس البيبي كان تحت اول الثامن بس قالتلي عادي بس خااااااااايفة حييل قاعدة تجيني طلوق خفيفة عادي؟؟؟؟؟؟؟؟؟؟؟؟؟؟؟؟؟؟؟

وصراحة اختي رقي…خرعتيييييييييييني!!!!!!!! قيصري!!!!
انا ما سوولي ربط لانه المشيمة كانت نازلة وخافت يجيني نزيف من الربط بس عطتني مثبتات والمشيمة ارتفعت الحين الحمدلله بس مع اعراضي هذي شنو نسبة ولادتي مبجر؟؟؟؟؟
افيدوني

سن شاين نفس حالتي راس الياهل تحت من الشهر السابع انا
لا تخافين اذا المشيمه زينه
بس مثل ما قلت لج لا تتحركين وايد
انتي عند منو تراجعين

السلام عليكم ورحمة الله وبركاته
انا ولادتي الاخيرة كانت مبكرة ولكن الحمدلله ربي ستر وانعم علي ببنت حلوة وامورة ربي يعطيها الصحة والعافية ان شاء الله
اسباب الولادة المبكرة غير معروف وله عدة اسباب
اما كيف نحافظ على الحمل فبالراحة واتباع تعاليم الطبيب …
يعني لا تتعبين لا جسديا ولا نفسيا لانه ممكن الوحدة من تتعب نفسيتها تولد مبكر …

سلامات يا الغالية وربي يهون عليش ويحفظ لش اللي ببطنش ان شاء الله ولا تحاتين كل شي بميعاد وقدر حدده رب العالمين …
اكثري الاستغفار والدعاء لله وربش كريم ان شاء الله …
نسيت اقول لش ابتعدي عن الاشياء اللي تحمي الطلق مثل الزعفران ..الخ

اخواتي شاكرة لكم المرور…
انا اراجع عند دكتولرة هبة بدار الشفا……..
والطلوق هالايام زااااااااااااااايدة
مدري شسوي!!!!!!!!!خايفة والله
عمرها صارت ولادة طبيعية بالسادس؟

انا ولاداتي مبكره بس انا قيصريه………….
انتي اذا الولاده الاولى طبيعي انشاالله ماعليج الا العافيه بس اهم شي
الراحه
خلج على طول منسدحه وحاولي ترفعين ريولج شوي عشان المشيمه ما تنزل
والله يهون عليج بالسلامه…وديري بالج على نفسج

اتوقع معاج التابعة ؟؟

وفيه موضوع شامل عنها اهنية بالمنتدى ….

بس عليج بالرقيا الشرعية وسورة البقرة ودهن مقري …الخ
وربج كريم

طيب اخواتي ابي اعرف شنو سبب الالام؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
لانها الى الان معاي وماخفت….اخاف اروح الطبيب ويسوون لي شي,,

البيبي في بدايه الثامن و حتى آخر السابع ينزل تحت و يستعد للخروج يوسع الحوض و يضغط على الأوعيه الدمويه و هذا يسبب ألم

عليج بقراءة البقرة …والله انا كانت تييني طلوق من الثالث
وبس قريت البقرة .الحمدلله ماشفت الطلوق..والله يسهلج

مشكورين حبايبي عالافادة…….
ان شاء الله ربي يسهل علينا وعلى الحوامل كلهم اااااامين
بنات اللي عندها اي حالة نفس حالتي تعلمنا عنها عشان اتعرف عالاسباب بزيادة…