الوظائف الاشرافيه

السلام عليكم زميلاتي المدرسات
وكل عام وانتو بخير…وينعاد عليكم بالصحه والعافيه يارب
امس كان اجتماع الوظائف الاشرافيه للمعلمين والمعلمات
وانا كنت معاهم بس حدي متصروعه مادري ليش

مرتبكه وايد
والمذكره اللي لازم ندرسها كميتها كبيره والاختبار بتاريخ 7-12 ورا العيد على طول
بس ياريت من رئيسات الاقسام اللي يقولون لي شلون طريقة الاختبار
مع العلم اني تربيه فنيه
والله يسهل علي وعلى المعاي يارب

تخصصي لغة عربية ولو فنية كان ما ترددت حياتي بمساعدتك ربي يوفقك ادرسي وقدمي وريحي بالك لا ترتبكين ترى عامل النفسية له اثر كبير فديتك

اي والله صاجه يا عاليه
بس انا اساسا ما كنت مهياه نفسيا لانهم قالو لي السنه اليايه مو هالسنه
وانصدمت لما دقو علي
والاوضاع بالمدرسه تخلي الواحد يتوتر ولا يقدر يركز ويكره وظيفه رئاسه القسم
من البلاوي اللي اشوفها اللي تصير حق رئيسه القسم واللي اي لها من المدرسات

لا صدقيني انا رئيسة قسم لا تسمعين الكلام اللي يدور حولك كل وحده وشخصيتها وتعاملها مع معلماتها وادارتها بس انصحك نصيحه اخت بإذن

الله اذا توفقتي حافظي على دبلوماسيتك مع الجميع واكسبي محبة الكل قبل كل شي

وكوني مرنه ترى الشغل ماشي ماشي فيمشي بذوق وحب افضل من انه يمشي بإجبار وكره

ربي يوفقك يا غالية .. وان شاء الله تبشريني بنجاحك

صح كلامج يا عاليه
واسم على مسمى
والتعامل مع الناس ذوق واخلاق
وانا مرنه اساسا ولا راح اكون رئيسه قسم شريره مثل البعض الله يسامحهم

تحسب لي صارت رئيسة قسم عبالها ماسكه منصب