|
|
بنات نخيتكم اختكم تبي فزعتكم تكفووووووووووووووووووون شسوي شوروا علي
أنقذوني ساعدوني هيييييللللللببببب مييييييييي؟
امانة لا تبخلون علي بردودكم تراني محتاجتلكم
أبوالشباب ذبحننننننني .gif "Eh S(13)")
إحنا صارلنا أربع سنين من تزوجنا ومن ذاك اليوم لي هاليوم وهو طايح في طبع خاااااااااايس
بنات والله ما أبالغ
وبعرف إذا وضعنا طبيعي والناس نفسنا ولا أنا اللي مسويه أكشن من ضيقت الخلق؟
رجلي يامحافيظ السلامة يطلع من البيت المغرب ما يجي إلا ثاني يوم الصبح أو العصر!!!!!
يعني تقريبا كل ثلاث أيام بالأسبوع يسوي هالحركة وانا أنام بروحي
وين يروح؟
دواوين ومخيمات >>> هو منقطع سره هناك هههههههههههه
بس ها موتقولون لي يخونج ويلعب بذيله طيحون قلبي ببطني أنا واثقة منه ماعنده هالخرابيط
يعني هالنقطة سكيب بلييييييييز
هو صراحة يحبني يبينلي هالشي يعني يدلعني ويقولي كلام حلو ، أكون معصبة وبس أسمعه على طول أسيييييييييح 
ولما أقوله يقول يضيق خلقي بالبيت وما أستانس إلا عند ربعي
واللللله يابنات سويت كل شي أبيه يقعد ويسهر في البيت مانفع
وأشياء واجد يقولون عنها البنات في المنتدى أسويها ما تضبط مع رجلي
يعني أهيئ له الأجواء كلللللل يوم أتزكرت وأتسنع وكل البخور اللي في البيت تبخرت منه والعطور خلصت
والملابس والقمصان حامية مايطير المعاش إلا عليها 
مع إني مزيووووووووووونة والله مومبالغة بس أنا معروفة بحلاتي
وطايحة في هالسوالف والضحك والغشمرة عشان يقعد
مافي!!!! طالع طالع
اوكي روح اسهر أستانس بس حزت النومة رد البيت الله لايهينك
يقول ما فيني نوم بواصل
اوكي تعال نسهر مع بعض لي الصبح الشكوى لله
هم يقولي لا بطلع
والله ذبحني كل الرياجيل يطلعون طول اليوم وباليل يسهرون مع حريمهم
انا لا ليل ولا نهار كل ليلية أسهر بروحي
والله شككني في عمري شفيني شناقصني ؟.gif "Eh S(2)")
والله إني مرتبة وترتيب بيتي ونظافته كلمن يتكلم عنه
وريحة البيت وغرفته تلجلج من الخلطات والبخور تقولون شقة معاريس
وأنا 24 ساعة على هالمنظرة
والسفرة حامية كل شي أسويه بإيدي منا الغدا لي الحلويات وهالخرابيط 
والكشرة على طول فاتحتها مع إني أشوف شغلات تغثثثثثثث بس أضغط على نفسي وأطوف وأسوي نفسي مستانسة وأسولف عشان يرتاح لي دخل البيت؟
والجهال اكرفتهم بغرفتهم عشان ما ياخذها حجة ويقول البيت إزعاج
وهم ما قدرت أخليه يقعد عندي على طول هايت في الشوارع هههههه
يعني قولولي شباقي ماسويته ؟
وهو ليش يسوي هالشكل؟
بعرف أنتوا رياجيلكم نفسي ولا كل يوم يسهرون معاكم >>> ياحظهم
(((( عيني عليكم باردة )))
وإذا انا مقصره قولولي وين عشان أبي تنحل هالمشكلة اللي صارلها سنين ونعيش في سلام ونبات ؟
ساعدوني والله تعبت ماني قادرة أتأقلم مع هالوضع
قبل شوي تخانقنا بسبت هالسالفة
امس طالع من س7 مارد إلا قبل شوي وجاي بيراضيني بعد >>> فوق شينه قوات عينه
قلت كل اللي في خاطري وهو ما بطل حلجه بكلمه
شسوي؟.gif "Eh S(16)")
يارب ساعدنيييي
لا والله مو وضع طبيعي
السالفه مو سالفه انج ماقدرتي تجذبينه للبيت لا السالفه انه رجال مسؤل وراة مرة وعيال بالبيت لازم يرد ينام بالبيت مو يخليكم لثاني يوم
لازم يفهم هالنقطه ماقيه رجال طبيعي يترك مرة لحالها بالبيت لثاني يووم !
عندك طول اليوم استانس اسهر بس خلاص لا جا الليل رد لبيتك مو سالفه البس له والا حلوووة والا مدري شنوو ياقلبي هو لازم يحس بمسؤليه تجاهكم
والله فهمته للمرة الالف
قلتله انت مهملني انا وعيالك ماتدري عنا ودارنا
عمك أصمخ للحين عباله عزوبي
بنات أبي حلول أبي طريقة ابيكم تساعدوني
عصبى وزعلى يمكن يحس على دمه قولى انا لى حق عليك بعد
مادري مدام انه تزوج لازم يضبط الوشع شوي عالاقل يجابلج شوي و يقعد معاج
يعني هم انتي لج حق عليه مو بس ربعه و طلعاته
و بعدين شنو سالفه انه ينام برة البيت بالله اسم الله عليج صار شي بالليل لج و لا لعيالج
لازم يكون موجود لا تعلمون رياييلكم ينامون برة البيت
مادري قعدي معاه و تفاهمي بيني له انه هم انتي لج حق عليه
مو بالهواش لا بالكلمه الحلوة
و اذا مانفع الوضع قوليلي نتفاهم انا معاج عالخاص خخخخخ
بنات أنتوا ما فهمتوني
انا ابي شي غير الكلام لان الكلام تكلمنا للمرة الالف واكتشفت إنه ماينفع معاه
وكل الكلام اللي قلتوه قلته له مليون مرة
لو بقوله سمع يسمع
بس الكلام ما فاد
هو يحس نفسه خالي مسئولية
وابي شي أكشن يخربط عادته ويخليه ينقع ويلصق في البيت
اهو راح يستغرب بيقولج من خذيتج وانا جذي وانتي راضية
شاللي تغير ألحين ؟؟؟ المفروض من أول من خذتيه تعلمينه ان نوم بره البيت مااااااافي
اهو الحين ريال متزوج ومسئول عن بيت ومرة وعيال
ولازم يجابلهم
انتي رايتج بيضة ما قصرتي معاه بشي يعني ماله حجة انه يطلع بره البيت
قوليله ميخالف مرة بالأسبوع تسهر مع ربعك بس احنا لنا حق فيك لازم تقعد مع عيالك وتشوفنا
حتى عشان نفسيتكم …
حبيبتي اذا وصلت السالفة انج تزعلين منه زعلي لأن السالفة سالفة حق من حقوقج
ولا تتنازلين عنه
قوليله اعتبرني وحده من الربع مثلا
قوليله اليوم مشتهية العب معاك ورقة
مشتهية نسهر وندردش مع بعض وجذي
الله يسخره لج وادعي ربج انه يقربه منج أكثر
توج تشوفينه .. توج الحين تبي تغيرينه صعببببببببب صعببببببب وبتتعبين على ماتغيرينه
بس طبعا لاتسكتين
الله يعينج
استغفر الله الذي لا اله الا هو الحي القيوم واتوب اليه << 7 مرات تكفيك هم الدنيا والاخره
الله يكون بعونك
شي يقهر قسسسم 
انتوا ما فهمتوا عدل
الموضوع قديم وانا مو توني أحاول أحله
أنا من خذيته وانا أحاول فيه يعني أكثر سالفة نتهاوش عليها هاذي
من خذيته وانا كل طريقة أجربها معاه ما نفعت يعني مو توني أتكلم عرفتواااااااااااااا
وبعدين زعلت عليه كم مرة
يسوي اللي أبيه كم يوم وعقبها ترد حليمة لعادتها القديمة
لكن نقول متعود و ماخذته جمعة الربع .. بس مايصير يطول بهالشي فتره زواجكم مو هينه انه مايقدر يتأقلم مع المسؤوليه و الحياه
اليديده
قعدي معاه مره و ثنتين و 3 و 10 وبكل هدوء فهميه ان هالشي غلط وان له بيت و لازم يتغير
بعد جذي قوليلنا اشصار ونساعدج باذن الله
الله يهدي زوجج ياااارب
طيب وين المشكلة يحب ربعه وينبسط معاهم مو معناته مل منك أو ماينبسط ويااك
أبعدي عنه شوي وخليه على راحته ..!!
بس قولي له وقت النومة تنام عندي ..!!
ألفي قصة قولي أخاف في الليل .. أو سمعت صوت برى يمكن حرامي هههههههههه
يعني ضميه لاجاء يطلع وقفلي الباب وقولي ماتطلع أحبك وأبيك
تبي تضرب أضرب منت طالع من الغرفة لما توعدني النومة معااااي
وتخفف طلعة لربعك ماني قاطعتك عنهم .. بس خفف شوي
والله يوفقك
قوليله هالكلام الطيب اللى يحبه وان شا ءاللله يرجع , يمكن بعدا متعلق فى ربعه حيل ويحب اجوائهم , بعد جذي ولا شى ثانى ,
وحسب الظاهر زوجج موقصر معاكم من طلعات وروحات ولا مع العيال بالتالى خلى كلامج معاه هادى وبعيد عن انت وانت وانت
