الوحام شلون معاج

مرحبا بنات انا توي حامل واحس بضيق بصدري وبس ظايق خلقي ودي بس اطلع بر البيت مع ان مو اول حمل لي هذا4 بطن لي ومدري شسوي وبس اصراخ وهواش مع عيالي تعبت ساعدوني لا تقولون سافري عيالي مدرسه شسوي والله متضايقه حدي

اب اب اب اب

شدعو زين كلمه طيب علي الاقل

وينكم حوامل

الله يعينج يارب واكثري الاستغفار ودايم قولي (( استغفرالله الذي لا اله الا هو الحي القيوم واتوب اليه ))

الله يكون بعونج تحملي كلها 3شهور ويخف…طلعي تمشي باي مكان ويعالج مالهم ذنب…والهرمونات تتغير وتتغير النفسيه معاج انا كنت اطلع العصاري للجمعيه بس اتمشي اكره بيتي ويضيق خلقي لي رديت…واطلع للمجمعات واروح لاهلي ورفايجي ليمن تخف عندي الحاله لان مشكلتى بيتي اكررررررررره…واصيرحيل عصبيه لا اي شيء يبجيني واي شيء يعصب فيني….طولت عليج بس حبيت اخفف عليج

عادي حبيبتي تحملي
والحمد الله هذا وحامج في ناس وحامها فوق العصبيه والضيقه لا ياكلون ويرجعون24 ساعه ويتعبون حييييل
انتي هدي بالج وتعوذي واستغفري واطلعي يوميا تمشي او سيري لاهلج وردي وقت نومج
واهي كلها فتره وراح تعدي
الله يسهل عليج

ما تقصرون بنات والله يعطيكم العافيه

حجزي شاليه مدت 4 ايام او اسبوع مع العيال وابو العيال وانشالله تتغير نفسيتج وممكن تغيرين جو وتريحين