الهوا بالجسم عذبني له علاج بالطب الحديث ولا لا ؟

بنات صاير جسمي في وايد هوا مادري ليش ؟؟ المهم رحت سويت حجامة وقالت لي الحجامة جسمج متروس هوا .. مع اني ماقتلها اني اشتكي من هوا بجسمي … لما سألتها شدراج قالت لانه الكاسات مضببه ..

وبعدها تحسنت شوي .. بس رديت ثاني مرة احس بالعوار … رحت سويت كاسات هوا مع مساج بالمهلب … والله يا بنات اني تألمت وايد من الكاسات الكاسة الوحدة بس مو قادرة اتحملها … مع العلم انه انا مسوية حجامة ووعادي ما تألمت وظهري كله كان كاسات وطلع مني دم وايد بس ماحسيت بالعوار الي حسيت في يوم رحت اسوي كاسات هوا … يمكن لانه جسمي متروس هوا ما أدري … حتى الي سوتلي كاسات الهوا قاعدة تقولي ظهرج يابس ومتروس هوا …

طبعا قاعدة أشرب بابونج واحس الهوا يوصل لي بلعومي وغصب يطلع … وهم قاعدة آكل حبوب الفحم … بس مادري شنو علاج الهوا هذا … … أنا الحين سهرانه ومو قادرة انام مع اني نعسانة بسبت الهوا قاعدة احس في بمعدتي متعبني .. وهم قاعد يحوشني حارج وحموضه بالمعده تذبح … احس من الهوا الي فيني قاعد يصير جذي …

معقولة الطب الحديث مافي علاج حق الهوا بالجسم …؟؟؟؟؟؟ أنا راجعت الدكتور من فتره بس مافادوني بشي …

بنات عفية الي عندها معلومة أو تجربة تفيدني … الله يجزاكم خير

مالج الا الطب الشعبي ..

هالسوالف مايعرفون لها الدكاتره

وفيه صينيه تسوي مساج تجي للبيت وتحط فوطه على بطنج وتشب فيها نار خفيفه انا مجربتها تطلع كل الهوا الي فبطنج ..

ولازم تتدفين وماتمشين حافيه ..

الجادل ابي رقم الصينيه
ومشكوره

ما عنددي فكرة بس شوفي الحريم اللي يعالجون اكيد يعرفون

وما تشوفين شر

حبي من تجربه روحي لحرمه تعالجك انا حطتلي شغله مدوره وولعت فيها نار وحطت عليها قاروره فوق سرتي تدرين لمت البطن ولما جات تنزلها طلعت صوت قالتلي جسمك مليان هوا حطتلي 9 قوراير وعطتني بخور مره بالاسبوع اتبخر الله يكرمك من تحت يسحب الهوا اللي بالجسم والرحم

روروو لو سمحت شنو اسم و رقمها

مافهمت إيش هذا الهوا ؟؟؟ وإيش تحسين ؟؟ وسلامتك يارب

ابيه انا نفس اعراضك .. وصج بالليل ما اقدر انام .. رورو منهي هذي المره ؟؟ والجادل بليز حطي لنا رقمها ..
وبالمهلب وين ايسوون كاسات هوا ؟؟؟

سامحوني كان ودي اساعدكم
بس انا من السعوديه ومن المدينه بعيده حيييييل عنكم اسالو بالكويت اكيد تلقون دايه شاطره بصراحه اللي سمعته ان ماعندكم بالكويت دايات شاطرين كلهم نفس الكلام

شربي اشياء ساخنة مثل الينسون والكمون والله حلوين والمرمية

ديري بالج من التكيف وخاصه المركزي
وخليج دايما لابسه لاغات بالبيت
ولاتشربين ماي بارد كلش ابتعدي عن اي شي بارد
الكمون زين تشربينه بس موبكثره والنعناع هم زين
اهم شي تبتعدين عن الاشياء البارده
وبحالتج هذي اتوقع محتاجه طب شعبي بس للاسف ماعرف احد وان شاء الله البنات يفيدونج

حبيبتي بقولج شي, بعدي عن البيبسي والكولا وهالخرابيط لانها صج تملي البطب بالهوا , ومع الايام يصير لج كرش كبي لو شنو يسوين ما يروح..
انا فجاه بطني صار عود ويابس ماني عارفه من شنو, سويت مساج ماكو فايده, كليت دوا ماكو , كبر بطني وزاد وزني 3 كيلو, تخيلي احس بهالوا يتمشى ببطني, المهم في يوم ياني عوار بمعدتي وخذيت دوا فبطلت اشرب بيبسي لان يزيد من عوار معدتي, ويوم خلصت كورس العلاج ولا بطني شوي صغر, قلت خل ابطل من البيبسي وهالسوالف , تخيلي ب 10 ايام جان يرد بطني صغير وطبيعي والهوا الي فيه كله راح بفضل الله وان بعد بطلت اشرب هالسوالف, اثاري البيبسي يتفخ البطن تفاخ ويزيد الهوا بالبطن والامعاء واهي تزيد مشاكل المعده والقولون, كله من هالبيبسي..

نصيحه قطعي هالسوالف وراح تشوفين ان الهوا يقل بجسمج, كله شربي نعناع لان يطلع الهوا ..

والله ياعمري نفس مشكلتي تقريبا بس انا مو كل جسمي بس ظهري ومن جهة اليمين ومالي غير كاسات الهوا مره اسويها بسبا تايم بالمهلب

ومره اسويها بريكوفري اللي بالجابريه كاساتهم فظيعه صج صج تريح

والله كان ودي افيدج بس صراحه ماعندي اي معلومه ان شاءالله البنات يفيدونج اللهم امين

up

up

up

لعيونك

ابي رقم الصينيه كنت اعرفها قبل بس ضاع رقمها من عندي الي تحط فوطه وتشب النار

وابي رقم الي تسوي الحجامه

وان شاءالله ماتشوفون شر يارب