الهادي والا المواساة؟؟؟

السلام عليكم ورحمة الله وبركاته

شلونكم بنات

بنات بغيت اسالكم عن مستشفى الهادي

لا تقولون لي كئيب او مو نظيف انا وحده ادور السلامه ابي اولد عندهم وما ابي اسوي استقبال يعني بس ابي اولد عندهم واطلع يا ليت الي ولدت عندهم تقول لي شلون الكمام؟؟

وشلون الخياط؟؟

ومنو دكتورتها؟؟؟

انا راجعت مره عند انيتا وارتحت بصراحه

عكس دار الشفا الي يبون على طول قيصري

وبعد شرايكم بالمواساة اي افضل الهادي والا المواساه ؟؟

من ناحية الولاده ؟؟

والكمام؟؟

والخياط؟؟

ان شالله البنات يفيدونج
والله يسهل عليج

آخر ولادة بالهادي قبل 5 سنوات

كلش كانت موشي ولاعندهم إمكانات للأطفال

يعني سبحان الله لويحتاج الطفل حضانة عندهم الحضانة العادية

ولا عندهم طبيب أطفال خدج وهذا يختلف عن طبيب الاطفال العادي
لما ولدت مع إنه بالتاسع منتصف التاسع

اليببي ولادة قيصرية شرب ماي ما عندهم حضانة لحالة البيبي وقالوا دوروا لكم بالمستشفيات الثانية

اتصلنا بالمواساة قالوا عندهم ثنتين فاضين لكن مخليهم لولادات المواساة

شوفي بفلوس ومولاقين

بواسطة لقينا بالحكومة حضانة

الهادي من تجربتي إمكاناته اقل من متواضعة

لا وأغلب الدكاترة الشطار راحوا السيف تقريبا 3 او 4 دكاترة طلعوا

الوحدة ما تضمن إنه ما تحتاج حضانة وطبيب خدج بعد إن وجد

طبعا ما أقصد الحضانة العادية اللي بالهادي

الحضانة اللي فيها اوكسجين وتنفس صناعي وغيره

صراحة المواساة ماجربت الولادة عندهم لكن أهلي ورفيجاتي والدين فيه

إمكانياته أحسن

وفي الأول والأخير السهالة والتيسير من رب العالمين

والبشر والدكاترة رب العالمين يسخرهم لنا

الله يهون عليج وعلى جميع المسلمات

المواساة عند الدكتور حيان الاحمد

مشكوره على الدعوه يا الغاليه

والله يعطيج العافيه على الشرح الواضح

اهات انا ما ابي دكتور ابي دكتوره

يمدحون المواساه لينا وفرجينيا بس انا والده بالسلام وعنايتهم حلوه ودكتورتي مريم زينه بالولاده تصبر عليج بس عيبها جديه بالغصب تضحك

انا دار الشفا انحشت منه لان سويت عندهم سونار وعلى طوول قالت قيصري وبولدج قيصري ثاني اسبوع من التاسع

غلاي..

منو اللي قالج بنسويلج قيصري؟؟؟ اي دكتورة؟!!!!

المواساة وايد يمدحونه و يمدحون عنايتهم واطبتهم و حتى ممرضاتهم

و الدكتورات لينا و فرجينيا

حبيبتي تبين الخبره ترى الهادي وان شالله بروحلهم هالمره بعد . سسترات ولا اروع ودكتورتي بهواني ولاشمي بعد حلوه

اما بخصوص الاطفال الخدج فكل المستشفيات الخاصه يخلون مسؤوليتهم ويدزونهم حق الحكومي يعني هذا مو عيب في المستشفى

والله اني والده بالهادي عند رشمي والحين ان شالله بوللللللللللللللد عندها مره ثانيه باذن الله ..وخياطها يجنن وبعد اسبوع تعطيك موعد عشان تفك الخياط ..اذا كان انجبر ..والكمام موطبيعي معروف اصلا كمام الهادي والسسترات يهبلون بعد ..اذا انتي مثلي اتدورين الراحه والسنع وماتدورين الخرابيط والكشخه كان الكشخه هي اللي بتعالجني روحي الهادي وبعدين الهادي اساسا نظيف وشكله حلو موشين احسن من غيره..ولولا انه زين ماكان شفتي زحمه ليل ونهار..

انا على كثر ما امدح الهادي وبالذات رشمي المفروض يعطوني فلوس عالدعايه ..لوووووووووووووووووووووووووووووووووووول

الله يعطيج الولاده السهله الهينه والطفل المعافى ياااارب

نا انصح فالمواااااساااة ولا فيها كلام

عندج لينا وعندج فرجينيا وحده ثانيه باكستانيه

واذا طبيب كلهم روعه الاطباء وخاصه حيان الاحمد

انا جربت لينا مرتين روعه من جميع النواحي والخيااط 100%
عقبي تشجعوا خواتي وولدوا عندها وضبطتهم عدل مدل حتى ازواجهم قالوا انه الوضع تغير 180 درجه

والنظافه والاهتمام والممرضات مافيها كلام فوق الروعه والكمام نفسه في جميع المستشفيات لانه له حد معين من الحكومه

يعني ممنوع انه يكون اكثر والله يقر عينج بشوفة البيبي وتقومين بسلامه وتكونين في عين زوجج احلى عروووس

ادعي لي يا قلبي ان ربي يعيني على تربية عيالي

احبكم فالله

المواساه بدون كلام من كل النواحي افضل

مشكورين بنات على الردود

مس الي قالت ليقيصري الدكتوره مي وانا اشوف الكل يمدحها وانصدمت منها وانحشت من المستشفى بكبره

الله سبحانه يسهل الامور اول وتالي المواساة بدون منازع