|
|
صباح الخييير
صرااحه ودي أفضفض أكثر منه حلول
اول شي انا حموولتي الحمد الله زينه ويعاملوون جميع الجنات مثل مثل
الزينه والشينه يعني قاطعه مو قاطعه تواجبين ما تواجبين ما يتشرهوون على حريم عيالهم
وانا من النوع الاجتماعي يعني احب اوجب العالم احب ازورهم وللأمانه احبهم وهم يحبووني واحب قعدتهم
وما احب اقارن نفسي بالباقي يعني كلن بكيفه بتقوولون وين المشكله ؟؟
أمه من النوع اللي يفهم غلط ودايم نيتها هذي تتطنز هذي مو عاجبها معن البنات ما يحسون بس اتنبهم
امهم يقولون صح قصدي هذي تتطنز يعني مثال بالعيد جت وحده تعايد ومن زمان ما شفتها تقول شخبارج
شالدنيا فيج ؟؟ اقولها الحمد الله انطر اسمي بالديوان قالت يوووه تبين الوظيفه ظحكت وانتهت السالفه للعلم انا في بيت ابوي ما كنت متوظفه خلصت دراسه وما بغيت الوطيفه وتزوجتوصارلي 6 سنين الحيين قدمت
المره طلعت مني ستلمتني امه مني شقصدها ولدي مجوعج يوم تبينها قعدت ساعه اقول حرام مو قصدها مو واضيه تستوعب
الموقف الثاني ولدي اسمه فهد على ابو زوجي والثاني مسمينه خالد جذيه عاجبنا وسميناه وخالي اسمه خالد بس مو قصدي خالي يوم نسمي وحده من جماعتنا تضحك معاي تقول ولدج خالد ازين من الكبير فهد يالله شصار عقب هالكلمه
ليش ما رديت عليها يعني عشان مو حلو الا على اهلج احلا الحل الحين اكلمهم ولا اخليهم يفهمون على كيفهم هلب مي
و ان بعض الظن اثم
هم كيفهم وش يقصدون انا ماعلي منهم اهم شي اصفي نيتي مع الكل عشان ربي يجازيني بكل خير
قوليلها لا تشيلين همهم خالتي خلهم يولون مب زين لصحتج
و دايم ابتسمي و طوفي لهم في ناس جذي دايم تسيئ الظن بالناس
ليش تدورين المشاكل
الحل التطويف والتغافل
وبعدين مااشوفها نية شينة وكلمة مو حلوة بحقهم
قولي انها حساسة
الله يهديهم ان بعض الظن اثم
ولايأثرون عليج خليج دايم صافية نيه
لو تفهمينهم من اليوم لي بااااجر مايبون يفهمون ويطلعونج من المولد بلا حمص
ريحي راسج واهم شي يحبونج ويعزونج بس