|
|
مرحبا معلمات..
ودي أتناقش وياكم
عن الناظرات..
وإذا كان فيه ناظرات بقسم المعلمات فحياكم الله
والكلام الي بقوله مو موجه حق فئة معينة لأني راح أتكلم بصورة عامة..
===
يا حلاتج وانتي قاعدة الصبح بكل نشاط وبكل حيوية، ولابسة هاللبس المريح وحاطة عطر خفيف ورايحة المدرسة تبدين يوم دراسي يديد وفجأة تصبحين بوجه مثل هالويه
.
.
.
.
واقفتلج جنها مرت أبوج أو كأنج ماكلة حلالها!
أنا ودي أعرف شي، ليش بعض الناظرات عبالهم المدرسة الي يشتغلون فيها مدرستهم
أبوهم؟ لا وفوق هذا تستحدث قوانين يديدة من كيفها ومن راسها، وإذا ما سويتي الي تبيه
تطلعين أنتي الي مو متعاونة وانتي وانتي وانتي……….
طبعًا من فترة نزل قرار بإن الدوام يكون من 8 لي 10 خلال فترة الركود هذي لحد ما ينتهي
العام الدراسي، طبعا بعض الناظرات جزاهم الله ألف خير خشوا القرار داخل الأدراج ولا قالوا
حق المعلمات المساكين وخلوهم يدواومون من 7:30 لي 1:35
===
انزين شهالنحاسة؟ يعني المدرسة مدرسة أبوج مثلاً؟ انا مادري شنو بتخسرين لي طلعتي المعلمات مبجر؟ خو أحسن يدعون لج بالخير!!! للأسف الناظرات الي روحهم حلوة والي يحبون مدرستهم + معلماتهم ينعدون على الأصابع، يعني الصراحة ما راح أستغرب إذا كان في كل منطقة تعلمية 5 نظارات الي ينحطون على الجرح يبرى..
===
ترا الناظرة يوم من الأيام كانت معلمة حالها حالنا، لكن الكرسي وزهوته يقلب راسها فوق تحت الي يصير فيها عقر بقر لول. صدقوني يا معلمات لو كل ناظرة اتقت ربها وكانت نفسيتها حلوة صدقوني ما راح نشوف أي معلمة تشتكي وحتى لو كان على راسها مليون شغلة وشغلة صدقوني راح تسويه بكل طيبة خاطر لأن تدري ان في ادارة تقدرها ومجموعة تشتغل معاها يبين في عيونهم الي تسويه..
===
بالنسبة حق ناظرة مدرستي، الصراحة أنا أشوفه عادية يعني مرات اشوفها مافي أطيب ومنها ومرات تعر علي جني ماكلة حلالها، وعندي جذي زين وأهون مليون مرة من ناظرة تكون 24 ساعة 7 أيام بالأسبوع نفسها بخشمها ومعفسة ويهها جنها شامة ريحة خايسة..
===
لو أسأل كل معلمة لازم راح تذكرلي موقف صار وياها مع الناظرة ومشاكلها لان كيد الناظرات شديد شديد وظلم " بعضهم " ما يخلص وترا سالفة انهم يخشون قرار الدوام من 8 لي 10 صجية ومطبقة بأكثر من مدرسة وطبعا هالسالفة نقطة في بحر من البلاوي الي يشوفونها المعلمات من المديرات.. في سوالف الصراحة من تسمعونها أو تقرونها تقولون معقولة في مديرات جذي!!!! وعلى فكرة ترا مو بس المديرات الإناث حتى النظار الذكور في بعضهم حيل ظالمين، هذا على حسب ما قالي عنه ولد خالي.
===
المايك لكم..
.gif "Eh S(7)")
بس شوفي انا رئيسة قسم ومن واقع الخبرة بالمدارس وفي مجال العمل
الشدة مطلوبة ..صدقيني مريت على ناظرات جامعين بين الشدة واللين بس الحريم حريم يبن لهن من يشد معهن والله لو كانت المديرة لينه وطيوبة تمادن والعكس لاتقولين مو الكل ادري مو الكل وشكثر معلمات محترمات للنظام بس هم وشكثر يخربون عليهن لان اهن شخصيتهن اقصد المعلمات اللي ماهن يم الاتزام بالدوام نجبلو على التمرد
والله اعرف مديرة طيوبة ومتسامحه مع الجميع وعندها مدرسة مطلعه لها قرون نظام ها الابلة خالف تعرف
الله يهدي الجميع ويرزقنا الاخلاص في عملنا ويجعل عملنا ابتغاء وجه رب العالميم
نورتي وتسلمين على ردج
وانا معاج ان المفروض ان الناظرة تستخدم الشدة واللين.
لكن للأسف الي قاعد أشوفه واسمعه ان الناظرات دايما ماخذين اسلوب الشدة بالاضافة الى النحاسة.
حلو تكون الناظرة شديدة بمواقف معينة لكن مو حلو انها تستخدم الشدة بكل شي!! لدرجة انها تخلي المعلمات
مثل الجواري والخدم عندها بالمدرسة..
والله العظيم والله العظيم والله العظيم
وهذا حلفت بالله 3 مرات والله يحاسبني على راح أقوله يوم القيامة
في سالفة صارت لاحد المعلمين الذكور مع ناظر تخيلي الناظر يقوله روح الجمعية اشترلي أغراض، ولما المعلم قاله رفض لان ما يشتغل عنده زعل الناظر عليه وطنقر وماكلمه وحط عليه بالله هذي عقليات مدراء مدرسة!!!
الحمدلله على كل حال..
وتسلمين وحياج الله
يسلمووو منووله على المواضيع الحلووه …
امممم أنا عن نفسي … وبما اني بس خبرتي سنتين بالتدريس فما مريت على ناااظره الله بالخير ….
بس ناظره 1 أخلاااقها الحمدلله حلوووه لكن مع الأسف تخبط بالقرارات … وعليها حركات …يعني في يوووم من الأيااام مارضت تطلع المدرسااات كلهم اللي عنده شغل واللي ما عنده قعدتهم لي الساعه 4 العصر ومخليه الحارس يقفل الباب !!!
وااي صج الزين ما يكمل
عيل مقعدتهم لي 4 العصر شنو تعذيب!! وأهم شي موصية الحارس بعد احس
الحارس يقول بسره الله يعين الأبلات المساكين
وأنا عندي ناظرة متخبطة وروحها حلوة احسن من ناظرة شديدة 24 ساعة ونفسها خايسة على طول وان ضحكت تحس شي غلط بشخصيتها.. لول
ومع الناظرة اللي كنت عندها ندب عسل وحقانية للغاية
يعني الناس انمااااااااااااااااط ـــ ووصلت لمرحلة ما عاد يهمني اني اعجب احد
دام اني مأدية شغلي على اكمل وجه
والله الناظره انسانه فيها الصحيحه النفس وفيها المريضة
لكن بعد سنوات من الشغل وياهم ما قاموا يهموني اهم شي شغلي وابتغاء وجه الله
كان عندنا ناظره نفسيتها دنية وتحب الاكل والبلعة واللي تقص عليها بحلو والا بملفع من الامارات تحصل الامتياز
وسخرية القدر ذاك اليوم شفتها قاعده الصبح عند مطعم السمبوسة والشباتي اللي باحد الجمعيات تتريق اهي وريلها
ههههه
لا سلمت ولا صبحت عليها ولا ذكرتها بالخير
المناصب ما تدوم ما يدوم الا اللسان الحلو والانسان الطيب
السلام عليكم
تسلمين منوول على هالموضوع
ولله الحمد ولله الحمد ولله الحمد ناظرتنا عسل
طيبة و متواضعة و بنفس الوقت ضابطة المدرسة
يعني ماسكة العصاة من النص
دايما تبتسم لي مرينا يمها و تسلم او احنا نسلم عليها
اذا تبي شغل من الوكيلات اهي تروح لهم
نادرا اشوفها قاعده على مكتبها
اذا مرت علينا القسم تسلم و تلاقون رئيسة القسم بتقعدها مكانها ما ترضى تقعد تخلي رئيسة القسم تقعد و تكلمنا
و الا تقعد على كرسي من كراسي الطالبات الموجود يم مكتب رئيسة القسم
اول ما تعينت و قمت ادرس
من تشوفني تقول شلون الطالبات معاج
شلون المدرسات معاج
اي شي يسوونه ما يعجبج قوليلي
…………. الخ
الله يديمها لنا
مانجة: هههههه زين سويتي والله هالنوعية كلش مو مال احتكاك برا الدوام
درة: انا حاليا قاعدة اسوي نفسج بالضبط
جمس: فعلا كلامج عين العقل
تنحط عالجرح يبراااا
مافي احسن منها ولا احن منها ولا اتحب النجرة
وبنفس الوقت حازمة و قوية الشخصية من غير صراخ
يعني احسها مثل امي و اكثر
واتقدر مشاكلج العائلية وماتسويلج من الحبة قبة
اتهبل اتهبل اتهبل احبهاااا
|
المشاركة الأصلية كتبت بواسطة منال القلب
 قائم آل محمد: وعليكم السلام. ان شالله دووووووم يارب تكون ناظرتكم بهالنفسية الحلوة آمين
ل |
إلهي آمين
بس مرات احسها ماتخاف الله تقول شغلة بعدين تنكر وتحلف انها ماقالت والكل يدري انها قالت هالكلام يعني الجذبه عندها مثل شربة الماي
بالاخير مافيه احد كامل والقيادة فن مو الكل يجيده يعني بعض الناس شخصيته قيادية قادر على الإدارة واتخاذ القرار اهي ملكة مو موجودة فينا كلنا ..