|
|
السلام عليكم اخواتي
انا من زمان اتابع هالمنتدى بس مو مسجلة فيه
والحين قررت اسجل فيه و اكتب لكم مشكلتي تجوفون لي حل شسوي
لان من معظم الردود ان معظمكم امهات و متزوجات و نساء واعيات و متفهمات
فيمكن خبرتكم بالحياة تفيدني …
انا الله يسلمكم صار لي فترة مو طويلة من تزوجت
و الحمدالله الله ساترها علي مع زوجي
و عايشين مع بعض و الصراحة انا حيل احبه واهو بعد يحبني
ومايرفض لي طلب و عازني و رازني و مايرضى علي بالغلط
و انا لو اوصف لكم شكثر احبه من اليوم لاخر يوم بحياتي مااخلص
بس الناس مو مخليتنا في حالنا وهاي اللي معكر مزاجي و اوقات احط الحرة فيه
على ان اهو ماله ذنب بعقول الناس المتخلفة
الله يسلمكم انا زوجي عنده اعاقة بالاحرى انا مااعتبرها اعاقة
لان كلمة اعاقة يعني هالانسان ماعنده مقدرة ان يسوي شي معين
بس زوجي عين الله عليه يحب التحدي وماعنده شي يعيقه بالحياة
انا زوجي من ولادته فاقد رجله اليمين ,, يعني مو مكتملة ريله بس اهو فيه ريل صناعية و لله الحمد يعني حاله حال اي انسان طبيعي يركض يمشي يسبح ,, وعلى فكرة اهو سباح وانا الطبيعية كأني بطة .gif "Eh S(4)")
بيني وبينكم قاعدة اسوس براسه نرفع قضية على الدكتورة اللي سببت له هالاعاقة
.gif "Eh S(10)")
حتى يوم يتقدم لي ابوي لما عرف بحالته اول شي رفض اهو وامي ,, بس لما سألو عنه و تبحثو و اقعد ابوي معاه ,, بالعكس ارتاح ابوي بشكل مو طبيعي و قال مافيه اي شي يعيقه وهذا من الله ,, و خوش ريال و مافي منه حتى استخسره فيني لان انا من قبل كنت حدي ملولة و عيارة و مااسوي شي في البيت حدي جامعة و هياتة ماكو هدف ,, واهو انسان فاهم واعي دارس راكد و مرح و عنده هدف و طموح بالحياة ,, فأعاقته ماشكلت لي عائق في الحياة ابداً و هالانسان صج كملني و عدل من تصرفاتي و اسلوبي و نظرتي الى الحياة لان كنت انسانة همي المادة و الشوو و الماركات ,, بس الحين اجوف الدنيا بعين ثانية و عقل واعي و كل هالشي بسببه اهو ,,
المهم طولت عليكم بالسرد
الناس صج مو مخليني بحالي من وقاحتهم و اسئلتهم الماصخة بسبب اعاقته
من اولها قالو توها صغيرة هدت كل اللي تقدمو لها واخذت معاق انا هالكلام حز بخاطري بس طنشته لان واثقة من اختياري مئة بالمئة
و بعدين تخيلو يقولون حقي شلون تنامين معاه واهو جذي؟
بذمتكم هذا سؤال والا وقاحة وحدة من صحباتي تقولي من صجج شلون تنامين معاه
انا اقتهرت لان هالشي شخصي من قلب وثاني شي بكيفي
والا اسمع كلام ناس يقولون وي من صجج ماخذته؟ الله يعينج واللي تقول وي مسكين
واللي اطالع بنظرة شفقة والله والله قلبي يحتر ,,
اهو مشيته بسبب الرجول الصناعية فيها عرجة خفيفة .. يستحي باول الايام يمشي بالمولات وياي
يقول يمكن تضايقين او تفتشلين واهو بس نمو اصابعه مو كامل فيحس يمكن افتشل منه
انا قمت امشي معاه و احط ايدي في ايده واقوله مايهمني كلام الناس و تخلفهم ونظرتهم
الناس مالهم الا الظاهر والناس مابتحبني و بتعزني مثلك
والله اوقات تيني الصيحة اذا احد ينظر له نظرة شفقة ابي اقولهم مو شغلكم
انا راضية فيه انا احبه انا اموت فيه انتو شكو
واللي فيه ما اعتبرها اعاقة لان قلوب الناس اهيا المعاقة مو جسده
وقاحة السؤال توصل ليسألوني بتيبن يهال مثله بعدين
اقول لهم اذا اطلعو مثله انا راضية و ابيهم يصيرون مثله و الحمد الله نعمة من عند ربي
على ان اهو مو وراثة اللي فيه مثل ماقلت لكم خطأ طبي وحتى طرشو تقاريره بريطانيا و مو وراثة بس الناس مالها شغل فيني وفيه
والله اكتب لكم وانا فيني غصة بقلبي بس مابي اصيح على اوادم ماتفهم و متخلفة
شفيها لا عشت مرتاحة و مستانسة مع انسان حتى لو كان معاق وهالشي مو اعاقة بنسبة لي
مسامحة طولت عليكم بس من الحرة اللي بقلبي على الناس البايخة
.gif "Eh S(2)")
الله يهنيج ويهني ريلج فيج الناس هذا اهما مايعجبهم شي بدنيا ومافي
شي يرضيهم (((ارضاء الناس غايه لاتدرك )) ماوراهم غير الكلام ومطالع خلق الله
ماعليج منهم وعيشي حياتج كلها عرجه بسيطه بريله سوه معاق وبيب عيال مثله
ومايقدر يمارس حياته الجنسيه والعمليه ناس وقحه وماتستحيً وماتخاف من الله
اي واحد يوجهلج انتقاد من هالنوع قوليله كلنا معرضين لاي شي وممكن
بلحظه يصير لنا شي ونفقد عافيتنا بسبب حادث او مرض لاقدر الله
هل معني هذا ان المفروض مانعيشً ونكمل حياتنا
صج عقول ناقصه وحرام الواحد ياخذ ويعطي معاها
واتمنالج التوفيق من كل قلبي وعسى الله يسعدج دنيا واخره
الناس مالها الا الظاهر اهم شي انتي مرتاحه خلاص كلام الناس
عطيع اكبر طاف الله يسعدكم
وللاسف تدخلات هالاوادم من اساسهاا غلط
لاتعطينهم فرصه يدخلون بحياتج او يعرضون عليج اسالتهم بوووقتها وقفيهم عند حدهم
من تدخل فيما لايعنيه نال شي لايرضيه
والله يخليكم لبعض ولايغير عليكم
ترى الناااااااس ما تخلي احد بحاااله مو بس انتي …
كلنا نفس الحاله …
يعني مالج شغل طنشي وردي عليهم سكتيهم … قوليلهم يسوى عندي الدنيا كلها بينجعمون …
حبيبتي لا تضايقين هالناس مايخلون احد بحاله حتى لو مافي ولا شي لازم يطلعون فيه عيب بس عشان يقهرووونج
وعطيييييييييييييييهم أقوى طاااااااااااف
حبيبتي .. أول شي .. الله يتمم عليكم يارب ولا يفرقكم .. وكلام العواذل طنشيه .. والحقران يقطع المصران ..
بقولج ع شي ..بنفسج انت قلتي انا ما اعتبرها اعاقه .. الحمدلله رجلج ما يعيبه شي .. دين وآخلاق وفاهم واعي ..
الآعاقه ي قلبي .. مو بالجسم ولا ب العقل .. آعاقه الفكــر ..
آنا حمـآي معوق ما يمشي .. ب الكرسي المتحرك .. ومتزوج ومستقر .. وما شاءالله مو ناقصه شي .. وعنده عيال كآملين والله يصلحهم له .. وزوجته مستانسه معاه ..
آنتي ما عليج من كلامهم .. يشوفونج مستانسه ف حابين يعكرون مزاجج ويخربون بينج وبين زوجج ..
شوفي مجتمعنا الخليجي للآسف ينظرون نظرات سخيفه .. اذا شافو واحد ع كرسي المعاقين .. او واحد يعرج .. او اعمى او او .. الخ ..
ف آنتي عيشي حياتج ومالج شغل ب الناس خليهم يطالعون مني لباجر .. اذا الناس الصاحيه مافيهم شي هم يخزونهم ويطالعون فيهم ..
آحنا خزني و آخزك ../ @@
شوفي الداعيه السعودي آبا نعمه .. مشلووول كامل .. بس راسه الي يحركه .. تزوج .. و زوجته تبي تكسب الاجر والثواب من عند الله لانها خذت واحد الله يرفع عنه مشلول …
وانتي لا تفكرين وايد وتقولين ليش يخزوني وليش يسالوني .. عطيهم طاااف .. وقولي هذي حياتي الزوجيه الخاصه مملكتي فقط لي انا .. ما احب اي احد يتكلم عنا سواء ب الزين او ب الشين ..
و زوجج ذهب ما شاءالله عليه لا تحسسينه انه ناقص او في شي يعيقه ..
ياما ناس صاحيه وكامله .. بس تعالي شوفي منطقهم وتفكيرهم واخلاقهم العآقــه ../
عيشي حيآتج مثل مآ تبين .. ومثل ما تحبين .. و على قولت سعاد عبدالله وش علينا من الناس وش على النآس منــآ ..:/
و مّ علييييجّ منهممّ " طنشْ تعشِ تنتعشُ تعييشَ حيآآتككّ منتعشٌ "
وهذول ناس متخلفه وناقصه
بالرفاه والبنون
اهم شي الاخلاق حبوبهـ
ذاك اليوم مسافره والقا سعودي بكرسي متحرك رجال طول وعرض بكرسي وجنبه بنيه تهبببببببببببببببببببل وتدف عربه جاهل يززننن متزوجين ويتمشون بالمول ويتسوقون وكل شوي اصادفهم بمحل وثقه جيت بدش الاصنصير طلعت لان زحمه صار كرسيه وكرسي ولده واستحيت رجع ناداني انا وامي واختي في مكا في مكان ودشينا مشاللللللللللللللللللللله !! ماتوتر ولاشي يتناقش ويا مرته وي بيروحون وعادي وهي تمشى ومستانسه ولا اهتمت ولا ارتبكت ولاطالعتنا نطالع زوجها او لا تسولف وطلعنا قبلهم واصواتهم وسوالفهم نسمعها مشاللللللللللللللللللللللللللله !! هذا وهو مقعد وعندهاجاهل ومرته صغيره ومافيه ولا نتفه عيب ولاضرهم هو حالته اصعب من زوجج
حمدي رربج وقولي لزووجج من زين الكاملين طول بعرض ربي مكمل اعضائه كرشه لركبته ويتحكحك وينافخ ع مرته خلصي خلصيييييي ويغازل بهالبنات بعد واهي يمه شين وقوي عين ويع منه
حبيبتي لازم تصيرين عوبا ويا العالم لاحد سالج قولي والله زوجي هذا مو زوجج مو شغلج حياتي !
والي تسالج عن العلاقه قولي يالفصييييييييييييييييييييع شتبين بهالسوالف خليج بروحج ولاقولي ماشكيت الحال ومو شغلج تصير علاقه ماتصير شلون اتوقع مالج علاقه !!
مو رفيجتي تدخلين ولاقريبتي حتى لو اختي مالجججججج دخل ! علاقه خاصه من اسمها مالككم شغل
والناس اذا شافت احد مرتاح تستكثر عليه الراحة ويبدون بأسلتهم الخبيثة
وعلا قولت الاخت ياما متعافين وحريمهم عايشين معاهم بجحيم
لانه الاعاقة بعقولهم المتخلفة
حبيبتي اذا الكلام تافه طنشيه وسوي روحج ماتسمعين بس اذا تجاوز الحد مثل شلون تنامين معاه ؟؟ شالوقاحة ؟؟؟؟؟
ردي عليهم رد يخليهم ينطموووون قوليلها وانتي شكووو هذي امور شخصية
اهم شي لا تبينين لزوجج انج متضايقة من الكلام لانه بيتضايق وايد حتى لو مابين لج هالشي
بيني له انج تحبينه وتبينه مثل ما اهو وما تفتشلين منه
الله لا يغير عليكم حبيبتي
ادا راح تسمعي من هدة وهدة وهدة انتي الي راح تتعبي
اهم شي انك مرتاحة معة وعاقولتك عازك ورازك
الوححدة منا شو بدها غير هيك
الله لايغير عليكم يارب