الم بالجانب الأيمن

السلام عليكم شلونكم بنات أبيكم تفيدوني آنا الحمدلله حملت بأطفال أنابيب وكنت حامل قبل 3 سنين بس ماحسيت بالاعراض الي أحسها الحين وقاعده أوسوس قريت عن الحمل خارج الرحم إن من أعراضه عوار مستمر في أحد الجانبين بس أنا ماكو عوار مستمر بس في شوية ألم بالجانب الأيمن يروح ويرد ومو حيل قوي يعني اليوم حاشني 3 مرات آنا خايفه

لا ان شالله لاتفاولين على عمرج ، وليش ساكته ماتروحين الطبيب ، لازم الدكتور يشخص حالتج مؤ البنات عرفتي ، ماتشوفين شر يارب

لا توسوسين و ان شاء االله مافيج الا العافيه

كل الناس تقول كل حمله غير عن الثانيه

لا تحاتين وسوي سونار لتاكيد

روحي الطبيب افضل ….

محد هنيه يقدر يفيدج كثر طبيبج …

سوني سونار عشان ترتاحين وعسى ربي يرزقج

باي شهر حامل
انا اول السادس ياتني نغزات بجانب الايمن مثل الابره واستمرت معاي يومين
وقالت لي امي ربي يحفظها عدل قعدتج وبتروح منج النغزات
وسبحان الله راحت

انا معاي النغزات هذي اتيي وتروح

أنا توني محلله وخايفه ولوسويت سونار ما يبين الحين

حبيبتي انا جاني هالشغور بالسابع و رحت الطبيب و قالت البيبي ع الصوب اليمين و ضاغط ع الكليه و خالتي دايماً تقول قعدي عدل بس ماكنت اسمع الكلام بحزة الولاده البيبي ع اليمين مستقر و سويت عمليه فنصيحه مني لج عدلي قعدتج تربعي دايماً و اي عوار روحي الطبيب محد يفيدج كثره

مشكورين بنات الحمدلله دقيت على العياده وطمنوني قالو اشربي ماي واجد

الحمدلله عسى ربي يثبت حملج

الحمدلله انج تطمنتي و مافيج شي حبيبتي

ارتاحي الحين و عسي ربي يثبته لج

الله يتمم عليج ياارب

عاادي لا احاتين طبيعيييي

الف مبروك حبيبتي الله يتمم عليج ان شاء الله