الم الكلوميد

شلونكم خواتي
بغيت اسئلكم اذا عندكم خبرة
انا صارلي 6 شهور قاطة الحبوب وماحملت ويوم رحت حق الدكتورة عطتني كلوميد حبتين باليوم المهم ماسولي شي
هذا الشهر قالتلي اكلي 3 حبات باليوم وانا اليوم يوم 15 من الدورة واحس الم موطبيعي صوب المبايض اتهقون يعني من الكلوميد ياب نتيجة ولا هذا شيء عادي

هلا الغاليه انا بعد هالشهر استخدمته بس اليوم لي 11 يوم وما احس بأي اعراض لا تبويض ولاغيره الله يستر……….. ما ادري شالسالفه؟

بس اتوقع هذي الاعراض اعراض التبويض شدي حيلج وعسى الله يرزقج بالحمل هذا الشهر

الله يسمع منج حبيبتي ويرزقج يارب
شاكره لج مرورج

يا حياتي يا سرسر اي وحده تاخذ الكلوميد لازم تجيها هالاعراض ولكن يختلف تفاوتها من وحده الى اخرى ولكن

يجب عليك عمل سونار داخلي يوم 12 من الدورة لتحديد حجم البويضة ومن ثم اخذ ابرة التفجير ويكون الجماع بعد 36 ساعة من اخذ الابرة وان شاء الله يكون حمل

اذا الله كتبه لك ولم تكن عندك مشاكل اخرى

والله يرزقج بالذرية الصالحة

سرسر

أنا أعتقد هذا ألم تبويض

والله يرزقج يارب

اي صح كلام اختي قلبي خضر
لازم تكون فيه اعراض بس تختلف من وحده
للثانيه انا لمن كنت اخذهم بروحهم كان فيه عورا تحت خفيف
بس رفيجتي لمن خذتهم كان اييها عوار قوي كأنها ماخذه ابر
ولا تحاتين والمفروض مسوين لج سونار يوم 12 من الدوره عشان يتأكدون اكثر
والله يتمم عليج بالخير انشاء الله ويرزقنا الذريه الصالحه

جارة القمر مشكوووورة حبيبتي على مرورج
قلبي خضر تسلمين على التنبيه
غفران اسعدني مرورج

هلا سرسر
هذا عوار التبويض
انتي بس شدي حيلج هاليومين وان شاء الله بإذن الله تحملين هالشهر

تسلميييين يالغالية ويرزقج انشالله ونحمل انا وياج بنفس اليوم

سرسر انا امس واليوم احس بعوار مو طبيعي وخصوصا بجنوبي من ورا صوب الظهر واحس كانه شي بيطيح مني… جان اروح ركض الصيدليه واشتري جهاز الكشف عن التبويض والا تبويضي طاااااااااااااااااااااق العالي ….الحمدلله يارب الله كريم ويرزقني ويرزق كل محرومه بالذريه الصالحه

هو حبيبتي اذا كان في الم قوي معناه التبويض قوي ويمكن يكون في اكثر من بويضة جاهزة للتلقيح والله كريم بس الدكتورة ماعطتج موعد يوم 12 او11 تسويلج سونار تبويض؟؟؟

العوار الي تحسين فيه يعني كل شي اوكي ولاتخافين لان البويضات قاعده تتفجر وباليوم الي تحسين فيه جذي جامعي زوجج عشان يصير حمل

الكلوميد يسوي هالعوار ويدل إنه فيه تبويض
أنا أخذته 3 شهور وعقبها على طول حملت كان عندي مشكلة هرمون الحليب واللي أذكره إن لازم يعطونج ابرة التفجير وبعدين طيران البيت عشان ——- والابرة ألمها وايد قوي بصراحة أنا ماكنت أتحملة (رقيقة) بس الحمد لله الحين عد بنت 8 سنوات وولد 5 سنوات والولد حملت فيه بدون أي علاج الله يخليهم ويرزقكم

الله يرزقج حياتي بالذريه الصالحه …

انشالله تحملين هالشهر قولي أمين