الموت ارحم

كيفكم ياحلوات انا مرره مضاايقه من موضوووع مع انه قديم من اربع سنوات لاكن الى الان ماثر فيني بقولكم واتمنى تساعدوني

اول ايام زواجي صارلي موقف مع زوجي كان عنده رقمين رقم خااص للعمل يتصلو فيه والرقم مطلعه علشان لابغى يقفل جوال العمل ويرتااح منهم يستخدم الثاني مو هنا المشكله السالفه ومافيها انو زوجي مكان عنده الا جهاز واحد وجيت واعطيته جهازي علشان يحط فيه شريحته الثانيه ومره جاب الجهاز وحطه بالبيت يبي يشحنه وانا كنت قاعده واشوف الجوال قلت خلني افتحه واشوف اذا فيه مسج اكيد بيكون بالرسائل المرسله وشفت مسج خلاني اموت انتفض مقدر اوصفلكم شعوري كان المسج لاتتصلين على جوالي ابد انا اتصل فيك اتصلت عليها وطلعت بنت واجهت زوجي والمشكله لقيت رقمها عنده باسم رجال وقاعد يحلف يقول هذا صاحبي اللي يكلمها هو اخذ الجهاز مني وانا صعبه اقوله مين تبي تكلم وانا ليش تزوجت وانا صغير مدامي ابي العب انا اخذتك جوهره من بيت اهلك ليش العب عليك وحلف حتى راح لصاحبه وعصب عليه وقاله ليش تخزن رقمها بجوالي وكلمها عندي البنت وقالها زوجتي تسمع انا اكلمك ولا لا ويقولها قولي الصدق انا قلتله اكيد اتفقت معها وزعل وناام بالصاله لحظتها حس انه مظلوم لاكن كل الادله ضده وقالي بجيبلك كل فواتير الجوال شوفي مااكلمها من جوالي لاكن من بعدها وانا متغيره 180 درجه بدت حياة الشك من اربع سنوات مع اني ماشفت شي عليه اللحين بس من بعد السالفه حط رمز قفل بجوالاته علشان ماافتش لاكن الشك مدمرني بكل حركه يسويها حتى لو كان مظلوم مدري وشلون اترك هالشك واعيش براحه واحسس زوجي بالثقه مع اني امثل عليه اني واثقه علشان مايزعل واذا صارت مواقف اقوله اغار عليك ويعصب ويقول في فرق بين الغيره والشك انتي مريضه طولت عليكم حبايبي بس مرره مضااايقه وحبيت افضفض

الله يعين حبيتي

شوفي انتي غيري اسلوبج وياه

كوني صديقته

لاتمسكين جواله خليه عادي

لا تسالين ولاتبينين له الغيره

خلج فرفوشه وكله ابتسمي

كسبيه وخليه يحبج وسوي الي يحبه هو وبسسسس

وادعي الله يسهره لج

ولا تشكين فيه ولاتخربين بيتج وانسي الموضوع ولاتذكرينه فيه

وسولفي معاه وغيروا جو و حبيه و دلعيه و قولي له الحمد لله ٤ سنين زواج لنا و انا تغيرت عن قبل و نضجت و في مواقف صارت بيننا مو حلوه مثلا كنت اغار واجد عليك

سولفي له وانتوا بمطعم مو بالبيت عشان ما يهدج ويضيق خلقج

و وريه صور شهر العسل و الزواج

وروحوا العمره و ربي يسخره لج

مشكوره حبيبتي شواخي والله ودي اروح العمره بحاول اقنعه ناخذ عمره وارتاح نفسيا

حبيبتي السالفه الأولى ممكن تتصدق بما ان حلف و قال لرفيجه خلص المفروض تصدقينه اولا لأنه زوجج و لازم يكون بينكم ثقه و ثانيا ماعندج خيار ثاني ..
بس الي محيرني ليش خله رمز بعدما كلمتي؟
عموما اغلب الرياييل يحطون رموز لمابايلاتهم انتي لاتحاتين و صدقيني لو الريال يبي يسوي شي مايمنعه لا انج تجيكين ورا ولا انج تراقبينه ف اريح لج انج تثقين في بما ان قاعد تقولين مو مسوي شي ولا شفت منه اي شي خلص لاخلين الشك يخرب علاقتكم و يهدم بيتج لاسمح الله …

انتي بعدج بدايت حياتج الاربع سنين بداية العشره بما ان زوجج مو ناقصه شي و تحبون بعض ف احسن شي كلما حسيتي انج شاكه في تقرين قران و تذكرين ربج و تطلبين منه يشيل هالشك من قلبج

الله يوفقكم و يهنيكم انشالله

اي ياقلبي لا تعورين قلبج

والحمدلله يحبج

و الحمدلله ماصار شي و شكله بريء

وابعدي الشيطان عنج

في رجال كريهه خيانه فراش عيني عينك !!!!

يالبيه الي فهالزمن جذيه

مشكوره حبيبتي zanobita هو حط رمز القفل علشان على قولته نتفادى المشاكل ماابيك تنبشين من ورااي وماابي تشوفي مسجات اخوياي يقول ابيك تثقين فيني

حبوبه تركي عنج الشك والغيره الزايده والوحده فينا تحس اذا زوجها عنده شي وان شاء الله يسخره لج يااارب

حياتي انتي المشاكل ما تخلص بس كبري عقلج عن كل المشاكل وعيشي ياتج موفقة قلبي

صادقه شواخي في ناس عيني عينك ومايهمه زوجته حتى لو عرفت الله يسعدك ياحبيبتي زي ماريحتي قلبي

غدور الكويت وهيبة فتاه مشكورين حبايبي

خلص عيل كاهو قالج ابيج تثقين فيني …

حبيبتي انتي لازم مو بس تبينين له انج واثقه انتي من داخلج اقنعي نفسج لقني روحج ان زوجج يحبج و انتي مو ناقصج شي و لايمكن يخونج لأنج مو مقصره ويا دايما رددي هالكلام على نفسج و اقتنعي في لأن اهو الحقيقه

و جربي عيشي حياتج بثقه و حب و راح تحسين انج اسعد انسانه بلدنيا

الله يعييينج حبيبتي الله يسخره لج ويهديه يااارب

اختي رجعي الثقة فيه خفي الغيرة والشك عليه خليه يحس انج مرتاحه وترى وايد مشاكل صارت بين زوجين والسبب ربع الزوج او اصدقائه

انتي لاتضايقين نفسج وحتى لو حسيتي بالشك خليه بداخلج مسكي نفسج وصديقني راح يجي يوم يخلي تلفونه عندج 24ساعه

والله يهديكم لبعض

حبيبتي المفروض ماتفتشين بتلفون ريلج

الحين خلي عنج زوجج واتجهي حق ربج وادعي حق زوجج بالهدايه صدقيني ربج مايقصر
وهم لا تصيرين نكديه وياه واهتمي بريلج ترى الريال مثل الياهل ايي بالكلمه الحلوه

ياحبيبتي

خلي عنج الشك وعيشي حياتج مافي شي يسوي