المنظار الداخلي دخلوو ابيكم ؟

هلا حبايبي شلونكم انا اراجع عند دكتور باتريك وطلب مني اسوي منظار داخلي ابي اعرف منو سوت منظار داخلي وهو قالي بنج كامل واناخايفة حيل لان ابي اسوي عندة اطفال انابيب قالي مافية اطفال انابيب بدون منظار بس وغالي عندة 280 ماتعرفون مكان ارخص لاني تعبت كلما احاول امشيها يطلب مني تحاليل اكثر الله يرزقني ويرزقكم يارب عاجلا غير اجلا

افبدوني

حبيبني المنظار اللي بتسوينه ليش؟؟؟ فيج تكيس؟؟
مستشفى طيبه وايد زين انا مسويه منظار عندهم

حبيبتي انتي قاطه قاطه يمكن ما يمشي على اشعات وتحاليل ومناظير اماكن ثانيه
توكلي على الله سويها عنده لا تشتتين روحج بين مليون مكان

هلا حبيبتي هوطلب مني يقول ابي اعرف سبب الاطفال الانابيب اللي سويتها ومانجحت وعطاني تحاليل الوراثة وشكثر وسويتهم عند الصباح لان ملفي عندهم بس منظار انا خايفة منة لان يقول بنج كامل وطيبة كلينك كم منظارة وجزاج الله خير

لا حبيبتي بالعكس المنظار اذا فيج التصاقات بالرحم يشيلهم عرفتي يعني اذا في انسداد بالانابيب وجذي كله يرح من المنظار وصاجه المستشفيات الخاصه نهيبه واحنا الله يعينا نلحق على شنو ولا شنو
ننطرج تبشرينا بخبر حمالج يااااااارب

هلا حبيبتي لا ان سويت تحاليل عند الصباح وماقال شي لان لو على تحاليلة وربي مايبقى فلوس للعملية لان حيل غالية حرت للصباح وبلاش لان ملفي عندهم انا بغيت اسال اذا احد مجرب منظار الداخلي لة اضرار يقول بنج كامل ويقولي افية اطفال انابيب بدون منظار

اجمعين ان شاءالله يرزق كل محروم لان توني رادة من عندة ونفسية صفر وخايفة والله يعين اقول لخواتي يقولون اكيد خظيرة مدام فيها بنج الله يزين الامور

ماذكر من زمان مسويته

انا ودي بعد احد يفيدني بسالفة المنظار الداخلي لاني بسويه….انا سويت منظار بطني والحين بسوي داخلي يشوفون عنق الرحم والانابيب وبطانة الرحم….بس لاتخافين من البنج ترا عادي ….والله كريم ويرزقنا…

بس قوليلي انتي مسوية من قبل انابيب عند باتريك ومانجحت؟؟؟وشنو مشكلتج بتأخر الحمل.؟؟؟

هلا حبيبتي لا والله انا اول مرة اراجع عند باتريك وطلب مني منظارداخلي لان تحالية وايد ومكلفة انتي سويتي عندة منظار بطني طلب منج ا
الله يرزقني ويزرقج عاجلا غير اجلا ويرزق كل محروم يارب العالمين

لا تحاتين المنظار امره سهل ان شاء الله
صح بنج وعمليه بس ما تطول ثلث ساعه تقريبا وانتي خالصه ان شاء الله
انا سويته بطيبه كلينك بس ما اتذكر جم بس اعتقد انه 200 دينار

هلا حبيبتي .. ليش خايفة استخيري و توكلي على الله سويها ولاتترددين لاتضيعين عمرج.
انا صار لي خمس سنين ماحملت سويت تلقيح جم مرة وسويت طفل انابيب وما انكتب لي شي . ليما رحت للدكتورة عالية قامت تطق على راسها تقول شلون تسوين كل هذا ودكتورج ما سوالج منظار وما جيك على الرحم والانابيب المفروض اي وحدة تتأخر سنة وما تحمل على طول تسوي منظار تتأكد.

انا سويت عندها منظارين بنفس الوقت رحمي وبطني والحمدلله كان فيه انسداد ونزل وشالت التكيس والحمدلله.

بس ما انصحج تروحين د باتريك . اهو اللي مستشفى لندن موجذي ؟

انا توني مسويتها عند باتريك وسويت مره عند طيبه بطني فرق بين طيبه ولندن طيبه ارخص وانظف بس دكاترتهم مو شطار اما باترك فلمستشفى غالي ووصخخخخخخخ لوع جبدي الروب مال العمليات يايبلي اياه فيه بقع دم مغسوله ومو رايحه وبنجهم ثقيل انا من يوم السبت امسويته ولي الحين قاعده اتيني لوعه وعزج الله رجعت بيوم العمليه بليل بس شقول الشكوه لله هذا اشطر دكتور بلكويت ونسيت اقولج بعدددددددددددد دخلوني العمليات معاي ثلاث بنات غيري ومسطرنه جنه ابقوطي ساردين كل شوي امدخل وحده شكلنه كان يضحك جنه بلجمله عاد سمعي السوالف وحده فينه سوتها عنده وعندها بنت ومن اول مره انجحت العمليه انا اهنيه تفائلت وغير الي اعرفهم اشكثر احملو من بعد الله ثمه اهو بغيت اقولج ترا ما يقبل اي شي من بره انا يايبتله شكثر تحاليل من طيبه مالت الهرمونات ومالت زوجي قالي سوي تحاليل ثانيه حقي وحق زوجي وقتله اني مسويه منظار بطني من سنه وشلت التكيس قالي هلمنظار لازم اسويه قبل العمليه لانه يكشف اي شي برحم اسفه قرقت عليج وايد بس شسوي من حرتي يا اختي هلباتريك غااااااااااااااالي والله مو بس انا وانتي نشتكي منه حتى الي بلعمليات وحده اتقولي انا بتتي الي شايله اهو بصور الي بلمجلات والجرايد وهم ماخصملي ووحده اتقول انا طاح من عيني بسبت غلاته وحيل مادييييييييي بس شنسوي مشكلته انه شاطر اختي ترا عنده خصم 10%حق بعض الوزارات

انا الشهر الي طاف مسويه منظار

اب 500 دينار

عند معصومه بدار الشفا

ما فيها شي بنج كامل وبس يفج البنج عوار خفيف يومي نوان شاء الله تصيرين زينه

توكلي على الله ولا تخافين

صلي استخاره وتوكلي على الله والخيره فيما اختارها الله
وترا الدكتور باتريك شاطر مااشاءالله بس غااالي نااار
والمثل يقول(شنو اللي يحدك على المر قال اللي امر منه)
ان شااءالله كله اجر عند ربي