المنطق والعقل هل توافقون والا لا ؟؟؟؟ رايكم وبصراحه!!!!

السلام عليكم ورحمة الله وبركاته…….
ببنات حبيت اشارككم لاني حدي محتاره ومو عارفه اقرر في مشكلتي راح ابتدي على طول بالسالفه<<<<<
سنه 2024 تزوجت وزواجي تقليدي لا شفته ولا شافني الا يوم العرس طبعا كنت نفس اي عروس كاشخه ومستانسه بيوم عرسها<<< لكن اللي صار من ثاني يوم زوجي يطلب مني بطاقتي البنك ويقولي علشان بحول الايجار انصدمت لكن الحمدلله ان بطاقتي ماكنت ماخذتها من بيت اهلي وكان زوجي يتمنن علي بكل شي يسويه حتي الاكل والعشا اذا طلعنا يقول انا عشيتج وغديتج انتي ماتدفعين وصارت وايد مشاكل بهذي الامور خمس شهور بس كنت عند زوجي وطلقني بعدها وكان يقول اذا بتردين تردين وبطاقتج البنك معاج رفضت هذا الشي….وصار الطلاق وانتهت العده .. وخلال المشاكل اللي صارت زوجي مايحترم اهلي ولا يتعامل معاهم بشكل زين وكان قبل الطلاق اهلي يحاولون يصلحون اللي بينا بس كان يقول مالكم شغل كيفي زوجتي وانا اتصرف معاها باللي ابي.. مع العلم ان وظيفة زوجي زينه ومعاش قوي … والحين زوجي يبي يردني لكن الكل معارض دايما يقولون لي دام اولها جذي خل يولي احسن صارت من اول ولاصار عندج عيال منه وتخيلوا انا وافقت علي الرده بس لي الحين ماصار شي وعرفت ان رافض يدفع مهر يقول انا عطيته قبل والحين خلاص ماراح اعطيها ؟؟؟ واحس حتا بامهر قاعد يتمنن تخيلوا عقد جديد وكل شي وهم مو راضي….بنات ابي رايكم بصراحه ومن خلال خبراتكم هل هذا النوع من الازواج الحياة راح تكون مستقره معاه؟ انا خايفه من الرجعه

خلاص بعد انتي عرفتيه وعرفتي طبعه ومابينكم عيال شنو اسبابج انج تردين له

ودي توضحين اسبابج عشان نكمل مناقشه العقل والمنطق !!!!!!!!!!

انتي من صجج ليش شاللي جابرج خلي يولي والله جد شتبين فيه هذا حاط عينه على معاشج ولا يحترمج ولا يحترم اهلج شاللي جابرج تستمرين معاه اذا يتمنن على غدا او عشا والريال اهو الليملزوم يصرف على زوجته مو العكس

والله نصيحه لاتردين والله يرزقج باللي احسن منه ويستاهلج ويقدرج ويكون ريال بمعنى الكلمه ويحافظ عليج

الله يوفقج

شوفي حبيبتي الحياة تعاون في هاالزمن المرة الموظفة هي تصرف على نفسها و تساعد زوجها و لكن باتحديد معاها مو حل تزعلين و تطلقين عشان فلوس الفلوس تروح و تجي ان طال الزمن ترى ماينفعك الا بيتك و ليش تزعلين ياما تشوفين ان المرة تدفع و الرجال يمها عادي حبيبتي لا تحطين حدود و لا تخلينة يكرهك حتى لو بتزوجين ثاني تكون نفس السالفة بتصرفين على نفسك و انصحك ما تضمنين يمكن ماتحصلين رجال يتزوجن لانهم خلصو واللة يتغير مع أول ياهل بيصير طيب صدقيني و لا تطيعين أهلك و تغاضي عشان تعيشين و كيفك انا قلت رااى و براحتك لان الدنيا علمتني و اااااااااااااااااااااااااااااااااااااااااااااااااا ااااااااااااااايد

الصراحه هذا مايستاهل احد يرد له على قولت اهلج دامه من اوله جذي عيل شلون لي صار ان شاء الله عندكم عيال ، بيخلي كل شي عليج انتي وانتي اللي تدفعين ، هذا تفكيره مادي بحت بس يفكر بالفلوس وبطاقه البنك ويع مو حلو يكون الريال جذي

بنات اشكر مروركم الكثير من رايكم لكن اللي في بالي نفس ماقالت "الوفيه" بس انا خايفه وعلي فكره كنت اصرف علي نفسي واصلا ماحتجت شي كنت توني عروس وتجهيزي كامل يعني مو ناقصني شي وكلها خمس شهور وانفصلنا

ما أتوقع ان ريال جذي زين
يعني الرجال قوامون على النساء وماله أي حق ابدا ابدا ان يمد إيده على فلوسج أو ان يحاسبج على أكلج مو اهوا اتزوججج يعني خلاص اهوا ملزوم فيج شماله بعد يسحب منج افلوس ، الا اذا المرة بكيفها بغت اتساعده اهي حرة بس سالفة ان يغصبها على هالشي هذا المو ممكن كلش

ومايبيج اتردين الا مع بطاقتج مالت البنك >> اشكرا طمعان فييييج

فصج مثل ماقالوا اهلج دام انج ماعندج اعيال منه شلي يحدج انج اتردينله ؟ ترا صدقيني انج اتكونين مو متزوجة وعايشة مرتاحى محد ينصب عليج ويبوق افلوسج احسن من انج اتعيشين مع الريال طماع كله همه الفلوس وبس

الله يعينج ….

شوفي اختي انتي هاتي ورقه وقلم وخطيها بالطول خط .. طرف كتبي اللي راح تكسبينه اذا رديتي .. والطرف الثاني .. اللي راح تخسرينه اذا مارديتي … زين … ومن اللي يطلع لج راح تعرفين اذا تردين ولا لاء ….. وصلي صلاة استخاره اذا تردين له او لا.. يما اتصير اشياء نفكرها انها شر لنا وسبحان الله يطلع لنا فيها كل خير .. ويمكن طلاقج منه فيه لج خير .. وربي يكتب لج اللي فيه الخير ان شاءالله

حياتي هذا واحد فارض شخصيته على الفاضي مادري شالحكمه الي يطلب كرت بنكج من اول يوم يبي يسيطر على كل شي وشكله بعد بيرد لج واهو يتمنن عليج لا ترديله الا وانتي حاطه النقط على الحروف وحطي لج شروط فلوسج وكرتج ماله شغل فيهم ,, وفوق هذا يصرف على بيته وماجلته والخدامه والايجار واذا ما يبي كيفه اهو الخسران مو انتي ياقلبي واهم من كل هذا استخيري والله يوفقج يارب ,,

مايستاهل ولا تنسين بعدين اذا رديتي وصار عندج عيال منو بيصرف عليهم انتي ؟؟

ولا تنسين طلبات العيال
لا يامعوده اذا اولها جذي شتبين فيه وبعد اسلوبه مع اهلج مو زين شتبين فيه ؟؟

الله يرزقج باللي احسن منه قولي اميييييييين

والدنيا ماتوقف عليه

أكررررررررره ماعندي الزوج البخيل
يااااااااااااااي شنو مأساة العيشه معاه مستحيله !!!!!!!!

حبيبتي دام انتي عرفتي طبعه وانتي وافقتي عالطلاق وكل منكم راح بطريج .. عيل ليش تبين تردين للعذاب ؟
ومن طريقه كلامج حسيت انج كنتي مجروحه ولااتهنيتيي معاه .. عيل ليش تبين ترجعين له ؟

لا وشارط كرت البنك قبلج ؟؟؟؟؟؟؟؟

والله صج اللي استحوا ماتوا !!!!!!!

حبيبتي احنا مانحب نحرض الحريم على أزواجهم ولانبي نهدم بيوت .. بس اللي مافيه خير تركه أخير !!!!

انصحج تصلين الاستخاره وادعي وشوفي شنو تحسين فيه
وترا مو كل الرياجيل زينين ونفس ماتصورين في اللي العن من رجلج وشايلين ايدهم من مصرف البيت والعيال

يعطيج العافيه ام قمبر علي الرد الحلو من ناحيه صلاة الاستخاره صليت كذا مره بس عادي مو حاسه بشي انا ادري يقولون اللي تصلي الاستخاره تحس بشي اذا زين والا لا
وسويت اللي قلتي عنه احط ورقه وقلم اذا مارديت الشي الوحيد اللي راح اخسره الزوج لاني ادري بما اني صرت مطلقه زواجي راح يكون صعب والحمدلله عايشه الحين عند اهلي معززه مكرمه ومرتاحه
اما بالنسبه حق الرجعه خايفه ان يكون ماتغيير شلون راح اعيش معاه انا انصدمت من ثاني يوم العرس يقولي وين بطاقتج كنت احسبه يضحك بس من صجه حتا اذا صار طار السفر يقولي انتي تدفعين التذاكر ؟؟؟ كنت احسب العروس اول شهر شهرين يكرمها زوجها ويعزها انا شفت العكس تخيلوا اليوم اللي وداني فيه عند اهلي يهاوشنا علشان كنا رايحين بيت اهله ومرينا محل حلويات ودفع قام يهاوشني ليش انت ماتدفعين وداني عند بيت اهلي ويقولي اذا انكتب علي ظهري بنك خذيتج .

الله يعافيج يارب

الاستخاره لما تصلينها يعني تستخيرين ربج انه يسوي لج اللي فيه الخير … وربج يسهل الامر من عنده مو شرط اتحسين بشيء

اذا انتي اختي مو مقتنعه من الرده وتعرفين انه ما راح يتغير شي ابد وما منه امل ابد …. اكرم لج تعيشين ابيت اهلج معززه مكرمه

ماتعرفين يمكن من اللي صار ربج كاتب لج الخير … انتظري لا تردين له شوفي شنو يصير معاج ماتدرين سبحان الله تردين له بسرعه وتندمين

العقل و النطق ما يوافق على هالشي شلون احنا بنوافق لووووول

انا اقول با قوليله خلاص عافك الخاطر يبا هاذا النوع ما ينبغى عووووع من البخيل ..

^_^