المميات البلاستك

امهات بسالكم المميات. البلاستك شكثر تعقمونهم انا اعقمهم بالجهاز عقب كل استخدام عادي ولا موزين لان وحده خرعتني بليز طمنوني

اذا الياهل فوق السنه عقميها مره او مرتين باليوم بس
ولا توسوسين وايد

يوميا
مره وحدة باليوم,,,,,,,,,,,,,,,,,كافي
التعقيم الزايد موزين ينقلب عكسي ع الطفل

مره حبي كافي

مشكورين حبايبي علي الرد انا بنتي تشرب مميتين باليوم يعني كل مميه اعقمها مره باليوم جذي عادي. انزين كل جم شهر تغيرونهم

حبيبتي بما إن البنات ما قصروا ردوا عالتعقيم بغيت أنصحج بشغلة

ترى المميات الزجاج آمن صحيا من البلاستيك

وإذا البيبي كبير يمكسها بروحه تخافين تنكسر اخذيلها جيس يكون فيه مسكة سهلة حق الطفل يشرب منها وحتى لو قطها ما تنكسر

ولو لا سمح الله انكسرت ما يحوشه طشار

مشكوره بسكوته شكلي برد علي الزجاج واحط الممه بجيسه

العفو حبيبتي … أهم شي مصلحتهم

الزجاج افضل امن

حبيبتي انا اول ما اشتريهم

احطهم بماي مغلي فترة بسييطة قبل لاتذووب يعني

وبس بعديين احطهم بالثلاجة برف خااص فيهم ولا شي يمهم

انا كنت عالزجاج وانكسرت تحت ريل بنتي …
ومن يومها تبت … اخذت بلاستيك حق النهار والليل لما
انا ارضعها استخدم الزجاج ..

والتعقيم مره باليوم كافي …

وكل ٣ شهور اغيرهم لها … ومرات على حسب لما ازهق منها
اغيرها قبل …

اعقمهم مره باليوم لما ينام ولدي

التعقييم كثرته مو زينه
انا اعقمهم كل يومين واغيرهم كل شهرين ..;

البنات ماقصروا

انتوا تغيرون المميه بكبرها والا بس الحلمه

بالنسبه للمميات الزجاج

انا افضل الزجاإاج احسها انظف وتنظف بسرعه واما البلاستيك تطلع ريحه مهما نظفتيها
وانا اغير الحلمه كل ثلاثه اسابيع وافضل البيضه