|
|
مرحبا ابلاتي ...gif "Eh S(15)")
انا ابي اعرف شسالفه؟؟؟
الكويت قامت
الكل يسب المعلمين
ينتقدهم ويتحسبون عليهم ويدعون علينا
ويطاااااااااالبون بالخصم من معاشاتنا
وينتقدون تدريسنا؟؟؟؟
ستوووووووووووووووووووووووووووووووووووووووووووب
شفيكم
معقوله الشعب الكويتي كله حاقد وحاسد المعلمات؟؟
شي يقهر صراحه
انا مابي اتكلم واقول شكثر يتعب المعلم لان زهقنا من كثر ما نتكلم ونقوول
بس اللي باط جبدي بعض اولياء الامور يقولون عيالنا ما يعرفون يقرون ولا يكتبون
ليش تحطون اللوم على المعلم ؟ هذا من اهمالكم وخمالكم ما تجابلون عيالكم؟
المعلم يشرح ويفهم ويبسط المعلومات وتطلع عيونه مجابل 30 طالب
وين تعاونكم مع المعليمن؟
ماتجابلون عيالكم؟
ماتستحون بس تنتقدون؟
وانتو بدواماتكم قاعدين عالمكتب لا ذمة ولا ضمير وشاطرين انتقاد؟
المعلم اشرف موظف يعطي من قلبه ويربي اجيال ويتحمل ويصبر
وينطر ان ولي الامر يساعده على ولده
فوق هذا ما يلقى منكم الا اهماااال باهماااااال ويظل الولد وعليه لا دفتر ولاطابع ولا اقلام لاااااااا وفوق هذا احنا نشتريلهم
ياجماعه احد يقولي
ليش لما اعتصمنا الكويت كلها قامت علينا؟؟؟
ليش ما قامو عالنفط عالجمارك عالعدل عالجويه الكويتيه
وكلهم عطلوووو الشغل
ليش علينا احنا؟؟؟؟ شهالحسد
يمه يمه يالحريم يمه
حسبي الله على كل من لا يقدر المعلم
سواء الناظر او الوكيل او ولي الامر
والشكر الكثير لاولياء الامور العسل العسل اللي مجابلين عيالهم صح
بيهم يوم ماراح يلقون احد يدرس وخلنشوف الي يتفلسفون شبيسون
اضراب غيرنا عسل على قلوبهم
لكن اعتصامنا لااااااااااااااا حرام تعطون المعلمين لاا حرام
كبح يكبح وشهم
ههههههههه
توا ولد مطقوووق و فيه حالة مرضية
الظاهر مايبون الا جذي
عجبني كلامج بخصوص اولياء الاموووور
لهم عين يتكلمون و هم مهملين عيالهم اي و الله لا طابع لا تجليد و اغراضهم ناقصة مافي اقلام مافي سبورة ذانية
حتى ما يتابعونهم ولا يحفظونهم جدول الضرب
و اذا عيالهم شياطين و يقلون ادبهم و يسوون مشاكل شنو ردهم:
و الله شسوي ماقدر علييييييييه … يعني شتسوي الابله؟؟؟
و الله مصخرة
خلونا نشتري اقلام سبورة و سبورة ذاتية لكل الطلاب!!!
و منو يدفع الحساب؟؟؟ الابله
و الاهل عجزانين
و الادهى اللي عيالها كتبهم ضايعه ماتدري وين الله قاطها
كانت عندي بنت كتابها منكب عليه عصير فبيتهم و قطته
و امها عادي عندها بنتها تداوم ماعندها كتاب و الله ماراجعتنا ولاشفنا وجهها!!!!
استغفرالله العلي العظيم
تعالوا شوفوا البلاوي اللي نشوفها
لانهم توهقو بعيالهم يدرون اذا غبنا عيالهم بفتره دواماتهم بيتوهقون فيهم وهالشي سامعتة باذوني
من جم ولية امر يقولون لا تسوون اضراب اعيالنا بنتوهق فيهم وين نحطهم ؟؟
واغلب اولياء الامور استغلوها فرصه يلصقون كسلهم وفشل عيالهم الدراسي براسنا يعنى احنا السنعين اللى نجابل عيالنا بس المعلمات مايعرفون يدرسون ؟؟؟
حبيبتي
اعتصامنا صار في وقت حرج قبل اجازة العيد باسبوع وويك إند الناس تبي احد يضف عيالها
ويروحون يتسوقون الضحى
اللي راحوا ولقوا عند روضة عيالهم لافته مكتوب عليها نعتذر عن استقبال الاطفال غدا
ابتلشوا
سواء انا معلمة ….. او موظفة بالجمارك …. او بالنفط ….. او بالخطوط الجوية ….. او اي مكان
انا ارفض مبدأ الاعتصام
انا اشتغل علشان ديرتي الكويت
علشان اخدم وطنى …..اللي ماقصر معاي
علشان احلل معاشي …. واريح ضميري جدام رب العالمين
انا خواتي كلهم مدرسات وشفت الوضع ….. و مو مأيدتهم بالمرة
انا من الأمهات اللي حريصة على عيالها و تدرسهم بالبيت ومتابعتهم اول بأول
مستوى التدريس ضعيف
يليت يهتمون وزارة التربية بكفاءة المدرس ….. مثل اهتمامهم بالفلوس
خصوصا جمعية المعلمين ….. افتعلو الشرارة لمجرد انهم ضد وزير التربية
محد تكلم عن مستوى المعلم وكفاءته ….. اللي نعاني منها
والكل يتكلم عن الفلوس والفلوس فقط
واقولكم شغلة
مع الأسف مع الأسف ……
يوم الاضراب ….. المجمعات والأسواق الصبح متروسة ……و المطاعم متروسة الضحى
واضح الهدف
لوي الذراع فقط
والضحية الطالب
وكل واحد يفكر بنفسه
سامحونى خواتي
بس هي كلمة في قلبي حبيت اقولها واتمنى توسعون صدركم
الى كل معلمة حريصة وتفكر بطلبة صفها و عندها ضمير ……. اقولها يليت كل المدرسات نفسك
جان ماوصلو عيالنا رابعة وخامسة ابتدائي ….. ومايعرفون يقرون الأحرف ولايعرفون يكتبون
|
المشاركة الأصلية كتبت بواسطة كويتية صغيرة
 كمبدأ
سواء انا معلمة ….. او موظفة بالجمارك …. او بالنفط ….. او بالخطوط الجوية ….. او اي مكان انا ارفض مبدأ الاعتصام انا اشتغل علشان ديرتي الكويت علشان احلل معاشي …. واريح ضميري جدام رب العالمين انا خواتي كلهم مدرسات وشفت الوضع ….. و مو مأيدتهم بالمرة محد تكلم عن مستوى المعلم وكفاءته ….. اللي نعاني منها واقولكم شغلة مع الأسف مع الأسف …… لوي الذراع فقط وكل واحد يفكر بنفسه سامحونى خواتي |
حبيبتى واضح انج مو عارفه الوضع فى الوزارة
ياقلبي الاضراب محد مايدة من المعلمين وماسويناه الا بعد 7 شهور معاناة محد راضي يسمعنا
ولما شفنا الكل اضرب واخذ حقه وعطوه واحنا نسينا اضطرينا نسوي جذية
بالنسبه للطلبة اللى وصلو للصف الرابع والخامس الابتدائي
ويايه تحاسبينا عليهم خل اشرح لج الوضع فى الوزارة مثل ماقلت لج فى بداية كلامي بس على شكل نقاط ولازم تعرفين انه المعلمين والمعلمات اعترضو وسالى التوجيه فى المناطق التعليميه وشوفي استقالات المعلمين وتحويلهم لادارين .
السبب الحقيقي حق هالشي
1. الملف الانجازي ( الطالب من الصف الاولى – الثالث ) ناجح امر من الوزارة ومايحق للمعلم انه يسقطه مع الاسف
2. دور البيت للاسف معتمدين على المعلم والا فى ام ماتعرف ولدها يكتب والا لا ليما يوصل لخامس ؟؟؟؟
3. مناهج الوزارة تعبانه جدا جدا جد ا والمعلمين مو مقتنعين فيها نهائيا .
مو الخوات يبون يكملووووون النومه مايبون يجابلون عيالهم والا تكملها هياته بالافنيوز
بالذمه انتي شايفه نص اولياء الامور …تنادينها عشان بنتها ماتدري البنت بأي صف!!
حتى النظافه الشخصيه للبناتهم مايهتمووون فيها
وبكل وقاحه تناقش بالمعلمات
مو سنعي خياسج وسنعي بيتج وجابلي عيالج بعدين ناقشي بالاعتصامات
ع قولت زوغه تبي الدوامات عشان تفتك من عيالهم وتكملها نووووومه لي العصر!!!
بعكس ولية الامر المحترمه الفاهمه اللي تنادينها تحرجج بادبها..مقدره المعلم ومكانته
حتى عيالهم يبينون من نظافتهم وسنعهم وشطارتهم
اما ام النوم والبصل والثوم اكيد بتعذرب فينا !!
عيزنا و احنا انرقع بالمناهج
المفروض يتكافا المعلم والمعلمة برواتب عالية جدااا ولايقارن باى وظيفة ثانية فهو المربى والمعلم للاجيال القادمة ..
ويالتهم بعد مايكلفون المعلم بوظائف غير وظيفة التدريس مثل تكليفه باعمال ادارية ..
حدثت مظاهرات فى دولة اوربية لقطاع معين يريدون مساواتهم برواتب المعلمين فرد عليهم نائب رفيع المستوى لانستطيع مساواتكم مع المعلمين لانهم هم الذين علموكم واوصلوكم لمستويات عالية فكيف تطالبون بمساواتكم مع من علموكم.. لكنى نسيت اسم النائب او الوزير الاوربى ..
