المعلمات السعوديات في الكويت، ممكن دقيقة؟ :)

خواتي، أنا مسجله بالمنتدى عشان اسألكم، فممكن تساعدوني؟

أنا طالبة بجامعة الكويت، من تخرجت وانا نسبتي حلوة و كنت أقدر أدش أي كلية بس اخترت العلوم لأني حابه الكيمياء و ودي أدرسها

بعدين حبطني الكلام إن حتى الكويتيين خريجين العلوم كيمياء ما يتوظفون(يوظفون الدبلوم لأن معاشهم أقل و نفس الوظيفة، وشركات لازم واسطات لأن ما يبون حريم "أعرف مهندسات كويتيات و معدلات عالية ما وظفوهم")، و أنا سعودية فقلت أتعب وأدرس و آخرتها ما أتوظف؟

فحولت تربية، على أساس إن الخليجي نفس معاش الكويتي و الفرق فقط بالعلاوة الاجتماعية تنشال، أو نفس المعاش اللي أستلمه بالسعودية أستلمه بالكويت، حسب قانون التأمينات الخليجي؟
بالنهاية أحس التدريس ممتع و هم حابته + نفس التخصص، = أدرس نفس العلوم بس زيادة مواد التربية بس فرق ان الوظيفه مضمونه

لكن اليوم انصدمت
كانوا يسولفون عن الكادر، و انا اقول ما يشملني و قالوا يشمل، المهم دشيت النت بشوف جم معاش المدرسة وإذا يشمل أو لأ
و الصدمة كاتبين 550 معاش السعودية أتوظف بالخفجي مو أبرك! :

الحين أبي الصج >.<
مابي وحده تسمع
أبي أبله سعودية تدرس بالكويت، جم تستلمين؟
طمنوني
الحين انا توهقت ما اقدر احول = تربيه تربيه ، وحابه الشغله وحيل كنت مستانسه بس الحين تحبطت، 550 مصريه انا؟
>> لحد يعلق على هالكلمه لان لو أتوظف بالسعوديه استلم اكثر بس شسوي إذا انا عايشه بالكويت من انولدت و امي كويتيه و ما اعرف الا خوالي = ما اعرف احد بالسعوديه الا بالاسم!؟