المعالجات في امريكاااااااااااااااااااا

مررررررررررررررررررررررحبا
ممكن اي وحدة راحت للعلاج في امريكا تكتب لنا تجربة العلاج
وعند منو

وشلون العيشة هناك
وين سكنتوا

ارجوكم الرد لاني مفكرة انعالج هناك

والله يكتب اللي فيه خيرة لنا

حبوباتي لاتبخلون علينا بتجاربكم

حاضرين بس بالبداية انتي المشكلة فيج او في زوجج عشان اساعدج بكل اللي اقدر عليه لان اذا ي زوجج بانصحج في مستشفى و اذا فيج بانصحج بمستشفى ثاني

انا اقترح عليج ان تروحون وحده من المستشفيات التالية : 1- New York Presbyterian hospital في ولاية نيويورك عند الدكتور بيتر شليقل و هو متخصص بحالات انعدام الحيوانات المنوية و تكلفة العلاج كامل في حال بتروحون على حسابكم 55000 الى 60000دولار امريكي شامل الادوية و العمليات من غير السكن و المصروف و هذا موقعهم على الانترنت nyp.org ورقم الهاتف الخاص بالمكتب الدولي : 0012127464455ممكن تطلبين منى او فرح او انيسة .
2- Colorado center for Reproductive medicine : هو الافضل بالولايات المتحدة ان لم يكن الافضل بالعالم بجميع التصنيفات و يعالجون جميع حالات العقم بعد الله سبحانه و تعالى و افضل نسب نجاح عنهم في امريكا ان لم يكن بالعالم كله و هذا موقعهم على الانترنت Colocrm.com و رقم الهاتف : 0013037888300و تكلفة العلاج شاملة الادوية و العمليات من غير سكن و مصرف 30000 الى 35000 دولار امريكي .

طبعا بالنسبة للمعيشة نيويورك غالية و كولورادو ارخص منها بكثير يعني نيويورك الشقة ممكن توصل 3500 دولار شهريا اما كولورادو ممكن بالكثير 2200 دولار و المعيشة تختلف و عسى الله يوفقكم و يرزقكم الذرية الصالحة

انا اقترح عليج ان تروحون وحده من المستشفيات التالية : 1- New York Presbyterian hospital في ولاية نيويورك عند الدكتور بيتر شليقل و هو متخصص بحالات انعدام الحيوانات المنوية و تكلفة العلاج كامل في حال بتروحون على حسابكم 55000 الى 60000دولار امريكي شامل الادوية و العمليات من غير السكن و المصروف و هذا موقعهم على الانترنت nyp.org ورقم الهاتف الخاص بالمكتب الدولي : 0012127464455</SPAN>ممكن تطلبين منى او فرح او انيسة .
2- Colorado center for Reproductive medicine : هو الافضل بالولايات المتحدة ان لم يكن الافضل بالعالم بجميع التصنيفات و يعالجون جميع حالات العقم بعد الله سبحانه و تعالى و افضل نسب نجاح عنهم في امريكا ان لم يكن بالعالم كله و هذا موقعهم على الانترنت Colocrm.com و رقم الهاتف : 0013037888300</SPAN>و تكلفة العلاج شاملة الادوية و العمليات من غير سكن و مصرف 30000 الى 35000 دولار امريكي .

طبعا بالنسبة للمعيشة نيويورك غالية و كولورادو ارخص منها بكثير يعني نيويورك الشقة ممكن توصل 3500 دولار شهريا اما كولورادو ممكن بالكثير 2200 دولار و المعيشة تختلف و عسى الله يوفقكم و يرزقكم الذرية الصالحة

المشكلة بزوجي

الله يسهل عليكم ان شاء الله , زوجج عنده انتاج او صفر ؟

هلا ام يوسف زوجي صفر

الله يسهل امركم يارب ويفرحكم بالخبر الي يسعدكم
على حسابكم ولا على حساب الدوله ؟

الله يجزاج الله خير

انا الحين قاعد انسوي اوراقنا ومحتارين بين امريكا وبلجيكا

وانشالله يوفقون علينا

الله يجزاها خير ام يوسف
الله يرزقج يااختي بالذريه الصالحه
جربي غذاء ملكات النحل لزوجج

ويالله خواتي انا ابي بعد

اختي بلجيكا وايد احسنلج من امريكا
بس الي عرفته انهم موقفين العلاج بالخارج بالنسبه للانجاب

الله يجزاج خير
شاكرة مرورج

هلا اختي انا سمعت اذا عندج واسطة كل شي يمشي

والله والله والله والله احنا محتارين بين امريكا اوبلجكيا
وقلت مالي الا خواتي كويتيات يعلموني
والله يكتب اللي فية خيرة

انا وديت اوراقي كم مره وواسطه ما قبلوها مرفوض العلاج بالخارج للعقم
وياليت واالله يرجع يفتحون ملف العلاج بالخارج للعقم لان الكويت مافي علاج شاطر للرجل مثل زوجي وزوجج وغيرهم
انا رفضوا وقالوا بالكويت وجربنا واخر شي عمليه لزوجي بالخصييتن كل ثلاث غرز واخر شي قالوا ما لقينا حيوانات منويه ورجعت محروقة القلب ولا حبيت ابين له حرقة قلبي يكفي الي اهو فيه المسكين وما عطوه علاج او مقويات بس قطعوا الامل فينا والامل عند الله سبحانه وقدمنا اوراقنا مره ثانيه رفضوا رغم اني مو صغيره راح عمري والله يقسم لج الي فيه الخير ويرزقج وكل محروم يارب

بنات من صجكم مايودون للعلاج بالخارج