المصاصه واضرارها

السلام عليكم. حبايبي بغيتكم اتفيدوني انا ام يديده وبنتي عمرها 58 يوم وتعودت عالمصاصه يعني طول اليوم بحلجها واذا شلتها منها تبجي بصراخ وتفضحني واذا عطيتها المصاصه تسكت. يعني المصاصه نافعتني انا. بس بسم الله عليها اهي ماراح تضرها؟ واخاف اتعود عليها ليما تكبر. وانا ودي اشيلها منها بس مو عارفه شلون لانها تبجي وايد تبيها

عادي حبيبتي إذا تريحها وبنتج عسره خليها

وبعدين راح تقطعينها بالوقت المناسب

وعادي أنا عيالي كلهم مصاصات ولي سنة بعدين أقطعها تتعبين أول إسبوع بعدين ترتاحين

انا عيالي اثنين خذوا المصاصة بس كنت اعطيها لهم وقت لما بنومهم فقط وبس يغفون اسحبها من حلجهم

بنتي مارضت تاخذها صج تعبت شوي والحين عمرها 10 شهور ارتحت عادي

المصاصة اي لها اضرار تسبب تشوه باللثة يعني الأسنان يطلعون مو صفه وحده – دام انها صغيرة نصيحتي لج قطعيها منها قبل لا تفطن عليها وتحمليها فترة بعدين راح تتعود تنام بدونها.

ميخالف صبري عليها وقطعيها منها أريحلج وأريح لها.

بنتي نفس بنتج ماتسكت الا على المصاصه
قالولي انها تخرب الاسنان
لكن شاسوي كل شي ولا الصراخ والصياح

لا والله اذا تعودت عليها والله اكبر مشكله اولا اذا بغيتي ترضعينها ما تبي خلاص تتعود على مصاصه لانه بتحس انه المميه ينزل منها حليب وما راح ترضع عدل انا بنتي جذيه ليه يومج ها الحين عمرها سنه ونص وما ترضع عدل يمكن تشرب رقمين وتصيح الا مصاصه والله في ايام اسمع صوت بطنها يوعانه بس ما تبي مميه الا مصاصه والله والله اقوم ابجي واذا خليتها طوال اليوم بحلجها في اضرار اسنان لثه وترى حتى البنت ما راح تتكلم عدل لانه بعمر سنه يلغط الطفل بعض الكلمات او الاحرف فيقوم يلفظها اذا انتي 24 ساعه بحجلها شلون ؟؟ عليها بيكون

لا عمري عوديها من الحين انه وقت النوم بس مثل المثل الي يقول الريل مثل ماتعودينه والياهل منثل ماتربينه

تري يكون الطفل يقدر يجذب ربع ساعه

يله الله يعينج

الله يخلي بنتج لج انا ولدي الشهر الياي باذن الله يكمل السنة وللحين مصاصه وما يقدر يستغنى عن المصاصه بس نصيحه لا تستعملين المصاصات الي بالصيدليات وبالجمعيات اخذي من الحواي المصاصه القديمه اذا اتعرفينها هذي ناعمه وحلمتها لينه يعني ما تأذي اللثه وهذي دكتورة الاطفال الي انصحتني فيها

;(

me 2

انا بنتي الصغيرة عمرها 10 اشهر تاخذ مصاصة … اعطيها ياها وقت النوم بس … من دخلنا الشتاء واهي على طول مريضة انفلونزا .. اخر مرة سالت الدكتور قالي بالعكس المصاصة تهدي الياهل وتنشط مادة بالمخ عنده … بس اهم شي انه المصاصة تكون نظيفة على طول … بس ودي اقطع عنها المصاصة ناوية قريب …

ليت ولدي يمص المصاصه

مهبلنييييييييييييي

ولدي مجنني عالمصاصه تعلق فيهااااا حيل قبل لما كان صغير للنوم بي الحين لما كبر وفهم صااااااااارت 24ساعه بحلجه لاياكل منها لاشلتها يروح ويدورهااا بجي وصراخ والله يكسر خاااطري وعطيه اياه مره حاولت اقطعها ماااااقدرت والله مانام بجي وصراااااخ وكسر الدنيااااا يبيها عطيته اياااه ماقدرت اتحمل بجي خصوصاا انه بجري اللحين عمره سنه وسبع شهوور والله الكلام ماتكلم بس يقول كلمات مومفهوومه اللي قدرت تقطع المصااصه عن ولدهاااا ياليت تقووولي ابيه ينسااااااااااااااااااااااهاااااااااااااااااااااا

الله يعينكم انا دكتور القلب للما بغى يسوي له سونار قال حطي المصاصه ابحلجه يعني مامنها مضره ومره كان يبجي لما بغت تاخذ وزنه سستر مصريه بمستشفى الحكومه زفتني قالت المصاصه موزينه تجيب له مغص وماتعرفين اذا بجى احسن يكون يا مغص او اموصخ او جوعان او بردان بس حقرتها لان اسلوبها كان ولا شي

نفس بنتي توها كملت سنتين وقطعت المصاصه عنها حطيت لهل مره بس عادي كانت تمص المصاصه قلت ماكو الا الفلفل هم عادي قالتلي فلفل غسليها ماما بعدها زدت الفلفل ويوم الثاني نفس الشي شفت ماكو فايده صارت تمصها قلت ماكو الا اقطها بالزباله وكيفها اول يوم بجي وغصب نامت بالليل جنها وحده مدمنه تصارخ بس بعدها صارت عادي تقولي انها تبيها اقولها ماكو فيها فلفل والحين صارلها تقريبا اسبوع بس صج اسنانها مو صفه وحده

يحليلج المره عاااادي عنده الطعم مايستغربه مره حطيت بالمصاصه من المعبوووج صج حرق السانه بس عااادي تمسك فيهاااااا ولاهمه والله مادري شسوي فيه سمعت انه في دواااا مر للمصاصه بالصيدليات بشتري وبجربه دامني عطلت هالاسبوعين لازم اقطعهاااااا وانسيه اياه بس المشكله انه اغلب جهالنا المصاصت بحلووجهم لاشافها راح يتذكرهااااا

اهلا حبيباتيانا بعد بنتي تمص المصاصة وايد واهي ليلحين ماكملت سنة ونص اسملة عليها تحب المصاصة وتدري ان عندها كذا نوع يعني اذا وحده ضاعت في بديل هههههه شسوي محتارة بنات. وعماتها ذبحوني كله يقولولي بنتج مريضة من كثر ماتمص المصاصة شكو مادري. مع ان خواني كلهم مصوا واحنا عيالنا كلهم يمصون مصار فيهم شي الحمدلله.

أنا ولدي عمره سنتين و شهرين .. مو رااضي يقطها .. والله تعبت معاه ..