والي يعافيكم بنات منو صار فيها مثلي امس راجعت الدكتوره وسوتلي سونار وقالتلي ان المشيمة نازله عندج هذي مشكلتها هينه شويه راحه وان شاء الله ترجع بمكانها بس اشسالفه زياده الماي في بطني قالت يمكن من السكر بس لما دشيت النت وسويت سيرج اخترعت من الحجي المكتوب المذكور ان بسبب تشوهات وسوالف ثانيه ..
فيا ليت بنات الي صار لها مثلي تقولي اشصار عليها
ان شاء الله مافيج الا العافية مااعتقد يأثر بس الزياده احسن من النقصان لا تحاتين اقري على بطنج
ماعليج الا العافيه انشالله راجعي عند دكتوره ثانيه وجربي الحكومه والخاص لان في دكاتره خواره
اب
مشكورين بنات مراجعتي كانت عند انيتا بالهادي بس حسيتها واهي تقولي هالحجي ابرود بطت جبدي ومستعيله كل ما اسألها سؤال تقولي انتي امشي على هالورقه عطتني ورقه فيها دايت للحوامل الي فيهم سكر
وفيتامينات بس سؤالي بنات اذا الله لا يقول البيبي في تشوه او شي يبين في السونار واهي سوتلي سونار وما قالت فيه شي قالت كل شي اوكي ما عدا المشيمه والماي االزايد
نفسيتي ززززززززززززززززززززفت حشاكم ولايعه جبدي
الله يهون عليج تولدين بالسلامه
حبيبتي إنشالله ما فيج إلا العافيه انا هم قالتلي الدكتوره انه المشيمه نازله بس قالتلي يبيلج راحه و لا تصعدين الدري وايد و ما تشيلين شي ثقيل و عن البيبي تقدرين أتشوفينه بالاسبوع 25 بسونار رباعي الابعاد
مافييج إلـآ العآفييه إن شآء آلله بس رآجعي آكثر من دكتور ه لين تتآكديين
والله يسهل عليييج حبوبة
ان شاء الله يتمم عليج وتولدين بالسلامه وانا كان الماي زايد ببنتي وولدي بس انا فيني سكر وكنت بالشهر التاسع وقالت لي خليني افحصج قالت لانه الماي الزايد يكون فيج طلق وما اتحسين من زياده المايويطلع اول شئ الحبل السري ولما افحصتني طلع الرحم مفتوح 4 سانتي وقالت اللحين ولاده
سالفت المشيمه نفسي بس الماي انصحج تروحين تسوين سونار عند اي عياده ثانيه لزياده الاطمئنان ياقلبي ولا توسوسين ان شاء الله ما فيج الا العافيه ياقلبي ,,
قريت لج بوايد مدونة ومواقع ممكن يكون من السكر حياتي والكل يقول نفس كلامج واخر شي ولدوو طبيعي ياقلبي
انشالله مافيج الا العافيه بس روحي سوي سونار مكان ثاني عشان تتأكدين
حبيبتي ان شاءالله ماكو الا العافيه وتولدين بالسلامه وتشوفين ضناج بصحه وعافيه
بس مثل ماقالو البنات راجعي بمكان ثاني احسن
مشكورين بنات وربي يتمم عليكم يارب بصحه وعافيه
اقتباس:
المشاركة الأصلية كتبت بواسطة بتبوتااا  قريت لج بوايد مدونة ومواقع ممكن يكون من السكر حياتي والكل يقول نفس كلامج واخر شي ولدوو طبيعي ياقلبي
|
هلا حياتي
انا فعلا كان فيني سكر حمل على اخر ياهل والحين نسبه السكر عندي 7.500 قبل الفطور يعني مو عاليه النسبه وايد
وبمشي على رجيم السكر اسبوعين وبعدها بروح اراجع مره ثانيه بشوف اشصار على وضعي
شوفوا الخط المنقط هذا كله ماي وانا كنت مستانسه علبالي اول عيالي بيطلع تختوخ اللهم لا اعتراض
حبيبتي ان شالله ماعليج الا العافية الله يطمن قلبج ليش ماتروحين حق د. خالدة المجيبل تخصصها علم الاجنة شوفي شنو تقولج