المدرسه الكنديه ثنائية اللغه

السلام عليكم
بنات انا مدخله ولدي المدرسه الكنديه وهذي اول سنه له فيها اهو في جريد 4 وليلحين ماني عارفه احكم او اميز ان كانت زينه ولا لا الله يخليكم اللي تعرف عنها شي او عيالها فيها تعطيني رايها ولكم مني كل الشكر

وين هالمدرسه ما عليج امر وجم مصاريفها حق اولى ابتدائي

اسفه اختي على التاخير في خيطان مقابل فندق كراون بلازا وبالنسبه للرسوم اسالج انا ولدي برابعه 2100 ويريت البنات اللي عندهم فكره يتفاعلون معاي

حياتي ولدج كان في اي مدرسه اول وليش نقلتيه عسى الله يوفقه

انا ولدي كان في مدرسة النجاة النموذجيه بس حبيت انقله علشان الانجليزي بس بصراحه كل شي جديد علي وابي اسمع ارائكم لا تفشلوني

الله أكبر

للرفع لاستفادة

كتبتلج رد وانفصل النت
شوفى انا عيالى فيها ولدى الكبير بقريد 1 واشوفة حيييل مستفيد الحمدالله تحسن بالماث والعربى والدين غير عن مستواة بمدرسة القديمة اجيال
يعنى فرق حييل صرااحة حتى مستانسين عيالى فيها حييل الحمدلله الله ان شالله الحال يتم على وضعة
انتى اشلون مستوى ولدج والمنهج صعب ولا عادى؟

رفع

بنات ابي معلومات اكثر عن المدرسه
اللي اتعرف سايتهم؟؟
اللي اتعرف منهجهم شنو ؟؟؟

اشلون ينقلون من مدرسة عربية اهلية الى مدرسة كندية و بقريد 4 ؟ ما فرق معاج ان الماث والساينس بالانجليزي ؟