المدرسه الامريكيه الدوليه

السلام عليكم
حبيت اسال عن المدرسه
ومستواها
والمدرسين
واى شئ تقدرون اتفيدونى فيه
ومشكورين

والله أختي المدرسه هذي قويه وقديمه وتخرجوا منها دفعات وايد وماعليها كلام وآنا كنت أتمنى ينقبل ولدي فيها بس ماالله كتب فوديته العالميه الحمدلله هم زينه وبالنسبه حق مدرسينهم طبعا كلهم أجانب عدا العربي والدين!

مشكووووره حبيبتى على الرد انا ولدى سوا الاختبار بالعلميه وسقط
اكيد عيل اهنى ماراح يقبلونه
الله يكتب الى فيه الخير والصالح

مشكووووره حبيبتى على الرد انا ولدى سوا الاختبار بالعلميه وسقط
اكيد عيل اهنى ماراح يقبلونه
الله يكتب الى فيه الخير والصالح

المدرسة تعتبر من اقوى المدارس الامريكية بالكويت وايد ارتحت لها وحبيتها وشفت صفوف ال كي جي عجيبة وتشرح الصدر ولما نويت ادخل ولدي وجهزنه اوراقة وسجلناه ما قبلوه حسافة ! ما ادري على اي اساس رفضوه قالولي بالمقابلة كان خجول وما عرف يكتب اسمه .. ياهل بالحضانة وبيروح الروضة اشلون تبونه يكتب اسمه .. واللي سوتله الاختبار لبنانية كل شوي يرن نلفونها وتقطع المقابلة علشان ترد عليه ما عجبتني طريقتها كلش دودهت ولدي وشتت انتباهة وبالاخير ما انقبل ………. زوجي كلم ادارة المدرسة عن هالحركة وراح يتخذون اجراء على كلامهم بس هم ما ضنتي راح يعيدون له الاختبار مرة ثانية ………… بس للامانة المدرسة قوية حيل واللي يدخلها كأنه داخل مدرسة بأمريكا

فرينش كوفي دام دافعه فلوس حق المقابله لج الحق اتعيدين المقابله مره ثانيه اذا فشل من اول مره وبهالفتره علميه على الاسئله اللي سالته اللبنانيه وانشالله ينجح

شوفي آنا ولدي دخل امتحانهم ولما خلص قال الأمتحان كان سهل والأجابات كله اختيارات ماكو اجابات طويله حتى الرياضيات كان سهل وكنت متطمنه أنه ناجح بعدين تفاجأت قالتلي السكرتيره ماأنقبل لأنه مستواه بالأنجليزي مو مثل طلبتنا والشي الثاني آنا من قدمت أوراقه وشافت أنه ياي من التكامل قالت أحنا في مدارس عارفين مستواها مثل التكامل وأكسفورد وأحنا مانبي طلبه ضعاف عندنا مع أن ولدي بشهادته كان ماخذ b بالأنجليزي! بس آنا سمعت عنهم لأن عندهم تحيز بالقبول وقلت هم خيره أحسن ماأنقبل هي صج مدرسه زينه وقويه بس هو مو متأسس عندهم يعني هم ماأبيه يحس أنه أقل منهم وايد أو مايمشي في أمتحاناتهم والحمدلله ألحين ماشي بالعالميه

صح كلامج يمكن خيرة وحسيت انا بسالفة التحييز هذي وبنحاول معاهم آخر مرة واذا ما مشت خلاص انشوفلة مدرسة ثانية وعلى العالمية سكروا باب التسجيل واسم ولدي على الويتنج .. المشكلة الخيارات وايدة والمدارس الخاصة بكل مكان بس احنا نبي الافضل حق عيالنا .. الله يوفقهم انشا الله