|
|
انا مدرسة حالي من حالكم يعني تحضير/ مناوبات/ اشراف /حصص احتياط/ تصحيح امتحانات/شح وغثى
كرف كرف كرف
المهم تعبت من المدرسة وافكر استقيـــــــــــــل ومافي حل او اني اغير وظيفتي
اشوف غيري دوامه على كيفه بس احنا يا المدرسات والله تعب تعب تعب
تكفووووووووووووووووون ساعدوني
بروحه البيت مضيق خلقي لاني عند اهل حمولتي وابي اطلع بيت
واستقر
استقيلي وقدمي على وزارة ثانية لأن التربية خلاص مافيها طب كل سنة أردى من اللي قبلها
الحين قدمت على اجازة رعاية الاسره الي من غير راتب صج انها صعبه بس شسوي قاعده امشي بالاوراق لي جدام اشوق شلي ربي يكتبلي ياه
وان شاءالله بغير دوامي لو اروح الصحه
والله يعينج ويعينا
استخيري حبيبتي
والله يوفقك …
وهالاسبوع ماخذه طبيه
والله كريم
|
المشاركة الأصلية كتبت بواسطة d a m a s
 إذا عندج استعداد تقعدين بالبيت سنة بدون راتب ولاعندج التزامات
استقيلي وقدمي على وزارة ثانية لأن التربية خلاص مافيها طب كل سنة أردى من اللي قبلها |
رايي من رايها 
عذاب عذاب عذاب
بس المشكلة انا اعرف وحده تصيرلي مستقيلة من التدريس صارلها 3 سنين!!ّ وليلحين ماتعينت ( اهي مقدمة عالديوان تبي اي وزاارة )
تخصصها لغة عربية
تتوقعون عالتخصص ؟؟
هذا وسواس اعوذ بالله منه
اذا انتي تعبانه اخذي اجازه حتى لو سنه من غير راتب ولا الاستقاله
والله اني اعرف بنات هدوا التدريس وراحوا وظيفة ثانية وردوا التدريس مره ثانيه
ترا ما تعرف قديري لما تجرب غيري
تعب اي
كرف اي
اجهاد نفسي وعصبي اي
بس اجره عند الله كبير
محبة الناس ما تتقدر بثمن
حبي وظيفتج والله تبدعين فيها
خلي كل شي يمر بسهالة
لا تتحلطمين على اتفه شي
لا تماشين المحبِطين
وظيفة ومركز ومستوى معيشي وايد يحسدونج عليه
كلمني نفسج وقولي لها انا تعبت ودرست وسهرت ووصلت لهالمكان
ومستحيل اتنازل عنه بسهولة
كل وظيفة يا وخيتي فيها الزين والشي
فلنفرض هديتي التدريس
وقعدتي بالبيت
واحتجتي تردين تشتغلين لان مصاريف الحياة زادت وتبين بيت والبيت مصرفه مو مثل القعدة عند أهل الزوج
وفكرتي باي وظيفه من الوظايف
تهقين ما راح تحصلين مسؤول نجري
والا موظفات يدورون الطلايب
والا مكان بعيد ومواقفه مو شي
والا اذا اشتهيتي تاخذين اجازه مع عيالج بالعطله
تتدخل الواسطه حق زيد وعبيد وانتي قعدي داومي
وغيره وغيره وغيره
انا ما اطعن بالوظايف الثانيه حشى
بكل مكان في الزين والشين
انا اقولج استخيري ربج قبل كل شي
الله يهدي بالج ويصلح امورج ويبعد عنج الوسواس
نصيحة أخيره
حاولي تغيرين مدرستج .. تعرفي على ناس يدد
يمكن نفسيتج تتعدل
انا انصحج عن تجربة والله شاهد
الله يوفقج أخيتي
| وفكرتي باي وظيفه من الوظايف
تهقين ما راح تحصلين مسؤول نجري والا موظفات يدورون الطلايب والا مكان بعيد ومواقفه مو شي والا اذا اشتهيتي تاخذين اجازه مع عيالج بالعطله تتدخل الواسطه حق زيد وعبيد وانتي قعدي داومي وغيره وغيره وغيره انا ما اطعن بالوظايف الثانيه حشى بكل مكان في الزين والشين |
مو معناه انه وظيفتنا وناسه لا بس قبل الاستقاله جربي كل الطرق غيري مدرستك او كلمي الموجه الي عليك ببساطة جربي كذا حل وخلي الاستقاله اخر حل مو اوله
الله يوفقك يارب