|
|
شلونكم معلماتي
امس بنتي آخر الدوام دشت على البيت بالعادة تسلم على وتضحك دشت وشكلها كانت مصدومه ولاسلمت علي وخانقتها العبرة قلتلها وين السلام شفيج جان تبطها بجيا سالتها شفيج جان تقولي الأبلة مالت تنظيم الطابور ودتني انا واربع بنات غرفة وطقتنا كلنا وانا امسكت اذوني او لوتها ورفعتها لين فوق وجنها بتنقطع اذوني في ايدها وكانت في ابلة ثانية تقول حق الأبلة اللي قاعدة اطقهم لاطقينهم جذي طقيهم بالعصاية احسن انا طقتني البوهه وعصبت سالت بنتي ليش طقتج الأبلة لأنه انا اعرف بنتي هاديه وخجووووله لابعد الحدود وكل المدرسات يعرفون هالشيء وانا اول بداية السنه مبلغة الأخصائية النفسية عن خجلها الزايد لدرجة انه ماعندها صديقات المهم ليش طقتج الأبلة تقول بنتي انها كانت بالصف وبعدين طق جرس الطابور واول ماطق رحت الحمام تكرمون واول ماخلصت وراحت الطابور شافتها الأبلة وقالتلها وين كنتي قالت لها بالحمام وقامت المدرسة كمشتها من هدومها ودزتها من ظهرها اوودتها غرفة اللي قلتلكم عنها
الحين انا حزتها قلت والله لو موالدوام منتهي جان سويت سالفة
ابي اعرف هالموضوع عادي بالمدارس واللى ممنوع اللي اعرفة انه الطق ممنوع وانا انشاءالله يوم الأحد رايحة حق الناظرة واذا ماتخذة اجراء بالمدرسة وجدامي راح اشتكي بالوزارة عليها بس ابي اعرف شنو الأجراء اللي راح تتخذة الناظرة مع المدرسة وهل اهو كلام جدامي بس واللى اجراء قانوني
بس مااعتقد بنتي جذب لأنه كانت صج مصدومه وانا احققت معاها عدل وحاولت اسحب منها الكلام وحاولت اعرف بطريقتي الخاصة معاها انها اتبالغ ولا لأنه وهددتها اذا اجذب راح اعاقبها وحلفتلي انه كل اللي قالته صج
الله يعين بنيتج الصراحة شنو هذا؟؟؟
روحي للمدرسة يوم الاحد وكلمي الناظرة ومالج شغل مو معقولة بنتج الفت كل هالقصة؟؟؟؟!!!
لا خل الناظرة تطلب المدرسة وقابليها وقولي لها شنو السبب اللي طقيتي بنتي عشانه ولا تتنرفزين من اول شي لا خليج عادية كانج ياية تسالين عن السالفة وبعدين اذا انكرت قولي لها البنت ياية غير عن كل يوم واكيد في شي…
حبايبي والله لا تسكتون عن بناتكم عقب سالفة طالبة العارضية الفقيرة اللي راحت من جيس اهلها بسبب صراخ الابلة وخرعتها .. لا تتخلون عن بناتكم لو شنو
انا ابلة بس الحمدلله الطق ما يدور عندنا واساسا اهو ممنوع وهذي يعد تشجع رفيجتها تبيها تطقها بالعصاية؟؟؟
ابيييييييييييه والله انقهرت حدي
بعد عمري بنتج كسرت خاطري
حتى لو غلطانه شكو تمد ايدها عليها
روحي المدرسه واشتكي لا تسكتين
شلون جذي !!!!!
بلييييييييييييييييييييييييييييييز لا تسكتين روحي المدرسه ومثل ما قالوا البنات ساليها بكل هدوء وخليج هاديه بالكلام, بس اذا طلع صج اللي صار وقدرتي تتاكدين ولو بنتج تقول اسامي باجي البنات بعد علشان يكون في شهود …
اتخذي موقف وكلمي المديره ولا توقفين الموضوع لي عند الاخصائيه الاجتماعيه ترى والله اكو اخصائيات ومع احترامي للكل بس علشان ماتبي تسوي حزازه بينها وبين المعلمات ما تبلغ المديره باللي يصير …
ووالله صار هالشي بمدرسه من المدراس اللي اشتغلت فيهم .. ( طبعا مو كل المدارس فيها جذي ) بس انا قلت انبهج
بس اول تأكدي من بنتج شنو السالفة بالضبط واذا فعلا طاقتها تشتكين عليها وتتبهدل مالها حق تطقها ..
احنا بمدرستنا اي مدرسة تطق بنية الناظرة تخلي مسئوليتها تنادي المدرسة وتخليها تتفاهم مع ولي الامر يبهدلها يشتكي عليها كيفه اهيه اللي جنت على روحها اكيد محد يرضى عياله ينطقون !!
شنو شنو شنو
طق بعد
اقري كلامي عدل وطبقيه يا سرسر
الموضوع ما ينسكت عنه ابدا
شنو هذا كل معلمه تطلع عقدها على عيالنا
والله روحي للوكيله واعملي استدعاء لها وطلبي تحويلها انتي وياها الى الشئون القانونية بالمنطقة التعليمية
ولا تكتفين بلفت النظر فقط
هذا اذا عملوا لفت نظر من ادارة المدرسة
احنا نربي عيالنا سنين على الاحترام والحب والدراسة
وتجي معلمه الله يهداها تخرب التربية بسلوك ماله اي معنى
سوى انها تصلح لاي شي غير مهنة التدريس
ولعلمك الخاص لج ولكل البنات
الضرب منوع ممنوع ممنوع
وعندي الرقم الساخن مال نورية الصبيح اذا تبينه
وهي لو تسمع عن هالحاله مارح تسكت
وبانتظار الاحداث
أنا ثاني يوم كنت في الإداره وطلبت رئيس القسم علشان مدرس فصل بنتي صرخ جدام بنتي على طالب معاها في الفصل
مو من حقه لا يصارخ ولا يلوح بيده فشلون اساسا يمدها على جسم طفل هزيل
والله ثم والله ، لو كنت وزيره التربيه فصل من الوظيفه على طول
قبل أم يكون معلماً المفروض يكون مربي ، وحضرته متربي وآدمي ويفهم بالسلوك الإنساني وواعي
الطلبه عهده في المدرسه بذمة المعلم وبذمه المدير قبل ، واحنا ندري الدنيا فوضي فلا تسكتين برجاء على بنتك ..
ولو لقيتى انها هترد عليكى باسلوب سئ اتجهى للناظره مباشرة لكن ابتدى بالحسنى اولا يمكن البنت عملت حاجه غلط بس مش واخده بالها علشان تخلصى ضميرك وتكونى عملتى اللى عليكى ولو اعتذرت لازم طبعا توبخيها وتشددى عليها ان ده لو اتكرر تانى هتتخذى الاجراء القانونى المناسب
ده رايى وربنا يلهمك الصواب وبلغينا بالى حصل لما ترجعى
التربية خلاص اوضاعها كل مالها تردى
الله يحفظ عيالنا من الحراس
الله يحفظ عيالنا من الفراشين
الله يحفظ عيالنا من المعلمين
الواحد يودي عياله المدرسة وايده على قلبه
بلغينا بالاخبار ولا تسكتين وترى الناظرات يخافون على سمعتهم منهالسوالف فلاتسكتين