|
|
ارجو تثبيت الموضوع من المشرفات
المدارس الخاصه الامريكيه بالكويت والمدارس البريطانيه و مدارس ثنائيه اللغه
كل وحده تكتب اي مدرسه مدخلها عيالها او باي منطقه المدرسه زينه ولا لا او طريقه التدريس او
الستااف
نبي من الروضه لي الابتدائي
انا ببدي
امس رحت المدرسه البريطانيه اللي بسلوى BSK ياخذون من 3 سنين مو 3 او نص او يكون
اولى روضه او يبدون التسجيل 15/1 حق السنه اليايه
بس انا ودي ادخل ولدي نظام امريكي مابي بريطاني صعب اومانصحوني فيه
اللي عندها خلفيه لاتبخل علينا
او رحت الغانم ثنائيه اللغه ياخذونه حضانه مو اولى روضه منهجهم امريكي بس صدمتني يوم تقولي
منهج اللغه العربيه سوري او لبناني عساس يتقوى الطالب طبعا ما عجبني الوضع او المدرسه
اساسا كانت قبل الشمس المشرقه فقديمه حيل
او ليلحين قاعده ابحث بالمدارس لقيت موقع فيه لستته المدارس بالكويت بس الامريكيه ينعدون
عل الاصابع اكثر شي البريطانيه او ابي مكان قريب
شوفو هذا الموقع
https://www.kuwaitiah.net/schools1.htmlup
ليش ماتبين ولدج يتعلم اكثر
خصوصا ان النظام البريطاني يعلم بعمر ابچر من الامريكي
البريطاني بستيج ١ يدرسون مثل ستيج ٢ بالامريكي
وكل ماكان اصغر تعلم افضل
اهو الشي السلبي فيه فترة الثانويه و التخرج يكون اصعب من الامريكي
أسسي ولدج بالمدارس البريطانيه لين مرحله المتوسط اذا شفتي ولدج مستواه ضعيف حوليه امريكي له فرصه اكبر بمعدل التخرج
واذا شفتي مستواه قوي خليه يكمل أفضله حتي اذا بغا يكمل برا أسهله
وانا نفسج ودي اعرف افضل المدارس بس البريطانيه بالكويت
بس ماراح احتاجهم الا بعد سنتين ان شالله
انه ابي نظام امريكي ماابي انجليزي كلش
لاسباب خاصه
واشرايكم في اجيال الرقعي
بالنسبه لي جربت مدرستين ثنائية اللغه
الاولى – المستقبل ثنائية اللغه في الفحيحيل – نظام امريكي – بدون مادة موسيقى
تستقبل من الحضانه – مبنى البنات منفصل عن الاولاد من الروضه – الستاف اجانب من الشقر و الافارقه و الاسيوين
مبناهم حلو و منهجهم يركز على الانجليزي و العربي عندهم زين بس الستاف يعتمد على الحظ يعني عيالي 3 كل واحد فصل الباكستانيه كانت افضلهم جربتهم لاولى روضه
انتقد عليهم ان الجو العام للروضه غربي مع ان عندهم حفظ قران
الثانيه – الرسالة ثنائية اللغه في المهبوله
نظام امريكي و اسلامي و عندهم منهج تربوي و ماعندهم موسيقى و تحفيظ قران – الستاف مسلمات و محجبات – مديرتهم سمية المطوع مديرة الرؤية سابقا
المنهج روعه و الستاف شاميات عاجبيني اكثر من الاجانب عيالي استانسوا عليهم اكثر
تستقبل من الحضانه و اعتقد عندهم لذوي الاحتياجات الخاصه – عيالي فيها الحين لمرحلة ثاني روضه
انتقد عليهم موقع المدرسه في منطقة حفريات و الوصول له متعب
|
المشاركة الأصلية كتبت بواسطة كوكو لاتي
 معروف ان البريطاني وايد اقوى وافضل من الامريكي
|