|
|
السلام عليكم
شلونكم يا احلى عضوات
المستوى التعليمي بالمدارس الحكوميه كل ماله وينزل
واغلب الكويتين يودون عيالهم مدارس خاصه
سواء عربيه ولا أجنبيه
اول نادر مانشوف يهال بمدارس خاصه
الحين العكس
والصراحه ما الومهم ..
شرايكم بنات كل وحده عندها خبره بالمدارس الخاصه تحطها بهالموضوع
عن مستوى المدرسه ؟؟
وأسعارها ؟؟
رقم التلفون والعنوان ؟؟
ناطرتكم لا تتاخرون 
وعندج حماتى موديه عيالها الأمريكيه وبنتها ليش ذكيه مشاء الله عليها ( بنتها إلى كرمها بوش قبل 2 سنه ) ودتها البيان لنها المدرسه حيل قويه
ومرت حماى موديه بنتها الرؤيه وبعدين إنقلتها وودتها الغانم بس ما أدرى ما تعجبنى
وحماى الثانى مودى عياله الرؤيه وإنقلوهم الحين حق روض الصالحين لأن نفس المستوى
وعدج بعد حماتى موديه بنتها المدرسه الباكستانيه إلى بالسالميه صج صج صج قويه وممتازه وبعد حيل حيل رخيصه
الامريكيه قويه بس غاليه
الرؤيه قويه بالتربيه الاسلاميه بس يقولون العربي عندهم مو شي
الباكستانيه هم قويه بالانجليزي وصفر بالعربي يعني ماكو فايده
المدرسات فى الفلسطينيات والكوتيات والأجنبيات يحليلهم متحجبات أقولج مثل الرؤيه شوفى الروضه والحضانه لايعلى عليها بس الإبتدائى ما أدرى لأن عيالى بالروضه الحين
هذا رقمهم غذا تبينه 2660165
عبالي مثلهم …
ومشكورة على الرقم بتصل بشوف بجم رسومهم
وإذا دقيتى قوليلى إصار معاج وجم رسومهم إيه ترى فيه أقصاد بعد
الهنود مافيهم شي
اجدع نااااااااااس
بنات ترا الابداع اللي بحولي اذا ماني غلطانه اللي علي الشارع الرئيسي
لاحد يدخل عياله
حاذفين ولد اختي بالكلينكس عند حافه عينه كلش لو اه جان راحت عينه
تدرون منو الي حاذفه؟؟
الابله
بس يا كوين ترى صج أصلاً أنا وأهلى لو شيصير ما نودى عيالنا هناك أصلاً منهجهم حيل غلط
سرابيل ليش شفيها مناهجهم ؟؟
بنتى الحين 2 ابيتائى وديتها حكومه لانها مو شاطره ….
ولدى اولى ابتادئى وديته التكامل العالميه…..الى الحين اوكى اسمالله عليه ايى من المدرسه يطلع الواجبات ويحلها من غير ما اقوله عكس الخبله الثانيه اللى مطلعه روحى…..
المدرسه فى صباح السالم ….. المدرسات امريكيات او بريطانيات وفى خلط
الرسوم الابتدائى 1775 …….. الباض 220 للمناطق البعيده
200 للقريبه
غاليه والله
معروفين المدارس الاجنبيه غالين
بس حرام ليش طلعتي بنتج
والله المدارس الحكوميه خواره
ومستقبل اليهال هم مهم
انا بالنسبه لي اهم من البيت