|
|
خواتي ادري اني بطولها بس بقول كل اللي فخاطري وفعلا احاتيه
بنات انا من النوع اللي وايد اهتم بشكلي ومظهري بشكل مبالغ فيه لدرجة اني لو احس ان فيني شي مش مرتب على طول يبين على في ثقتي بنفسي في كل شي والحمدلله مقتنعة وراضية بشكلي بس انجي لزبدة بنات انا حامل واخاف من الكرشة ومن الخطوط ومن المتن يعني من الاثار المترتبة من الحمل
فسؤالي هل في كريمات مضمونة استخدمها وتزيل الخطوط والكرشه ياليت كل وحده تفيدني بتجربتها
مابي هلوصفات اللي كاتبينها بعض البنات وتوصل فوق العشرين صفحة ولا احد جربها او قال النتيجة مش تشكيك في مصداقية البنات اللي يكتبون اسمحولي على اللي قلته يعني الواحد يخاف اذكر وحده كاتبة زيت الخروع لتشققات هل هذا صحيح لاني ناوية اجربه
فابي كل وحده تكتب من واقع تجربتها او تجربة وحده تعرفها
خواتي والله ان عيوني طير من مكانها 
((مستحيل اروح واسالها وانا ما عرفها))
ووحده اعرفها ربت ولا كانها ربت البطن اصغر من يومها بنت ممسوح مسح
بتقولون لي تمارين بقول لكم ما اقدر استمر عليها حدي شهرين واوقف غير ان ما ينصحون تتركين تمارين البطن لانه راح يترهل زيادة
والله اني احاتي خايفة على شكلي غير ان مع الحمال طالعة لي زوايد في ظهري شكلهم قبيح 
ادري هذرت وايد سامحوني فاللي تقدر تفيدني ان شاالله انها ماتبخل علي
بالنسبة لتشققات انا سمعت عن:
زبدة الكاكاو
زيت الزيتون
الخروع
كريم بالمرز
وبالنسبة للبطن:
الربط
انتظر ردودكم
منقوووووووووووووووول
الموضوع جا فوقته لاني حابه استفيد من خبراتكم واللي تقدر تفيدنا ان شالله ما تبخل علينا بلي عندها
والله يجعله في ميزان حسناتكم
الكريم بدينار ونص تلقينه عند ملابس الحوامل
حبيبتي ممكن اسم هاالكريم اذا مافيها كلافة؟؟؟؟ اكون شاكرة لج
وننتظر الردود الجاية من انامل حبايبنا الذهبية
هم خل التفاح ممتاز تدهنين جسمج يوميا بالليل والصبح تغسلين يختفي بإذن الله…
أما محافظتج على جسمج إنج تقللين من الأكل بالنفاس قدر ماتستطعين.. لاتشربين ماي وسوائل واجد ولاتكثرين من العيوش ..استمري على الرياضه لأنها تفيد الجسم……
لكن بالنسبة لخل التفاح ماعرف شاخذ من اي نوعية
لاني من الاساس ما استخدمه ولا اعرفة بس اشوفة فلجمعيات اذا ممكن دليني على احسن نوعية اكون شاكرة لحج
عساج على القوة والله يعطيج العافية
مالت علي انا الي ياهل واحد وطلعت كرشتي بس الغلط مني انا ماهتميت بنفسي كلش لا بالنفاس ولا عقبه .. الله يعين ..
وتسلمين
للتشققات استخدمي كريم بالمرز بزبدة الكاكاو تلقينه بالصيدليات ومذركير
لونه ابيض ومكتوب عليه بالبني اتوقع…. واختاري مال التشققات لانه فيه انواع
غير خاصة بالرضاعه
سعره دينار و نص و لون العلبة بنفسجي و ابيض، و نصيحة ربطي بطنج بعد الولادة أنا ما ربطته لاني وايد كنت متعسرة بالنفاس و الربط كان يقمت قلبي ما تحملته، و هذا على الزوايد لاتحاتين أهم شس السلامة أنا زدت 19 كيلو و الحمدلله صار لي 3 شهور من ولدت نزلت 14 كيلو و الباجي بالطريج انشاالله
في حملي الاول زيت اللوز الحلو
حملي الثاني جل الأطفال جونسون بالبابونج وفي الحمل الثالث ماشاء الله نفس الشي
بالنسبة للبطن بعد الحمل اهم شي يكون الز
وزن قبل الحمل زين يعني ما نحمل الا ومنزلين وزنا وورا الولادة نمارس رياضة المشي والمعدة ونشرب ماي وايد ونكثر من الفواكه والخضروات ونبتعد عن العيش والخبز والبطاط والمكرونة والكيك وما شابه
وفي ناس ربش خالقهم رشيقين لو ياكلون بوفيه كامل ما شاء الله عليهم …
وقلت لها عندكم الوحده لا ربت شتسوي قالت لي شنو يعني
اسمعوا الترجمة
انتو اذا يجي بيبي برا شنو سوي ((كانها ترجمة هندية))هذا كله مع مشهد تمثيلي عشان تفهم
شفت انها ما فهمت
قلت لها يعني يربط بطن قالت أيييييييييييييييي اللحين معلوم هي قالت هلكلمة
انا قمت اشوف الوان قوس قزح دور حواليني قلت الحمدلله طحت فوحده عندها خبرة قمت الولش
ما ما مال انا يجيب قطعة طويل يمكن خمسة متر وهي يربط زين على بطن مال انا انا لوحدي ما يقدر..
خلي من صبح لين فليل اذا في نوم انا شيل طول اربعين بس انا يربط اثنين شهر ((شوفو الجيدة مو احنا اول اسبوع وانتأفف))
مدام اني شفت هرد الحلو كان اسالها سؤال ثاني
وانت حامل بيبي داخل بطن شنو يحط يعني كريمات شي؟؟؟
قالت: كريمات لشو؟؟
قلت: عشان مايجي خط
قالت: مدام انت لازم مايحك بطن الحك هو يجيب خط…
حك يجيب خط يجيب اسود…بس كريم مافي مشكله انت يبي حطي كريم اوكيه بس مايحك
((كانها صارت قصة من قصص عبير ….تفصيل ممل 
))
الصراحة كنت بسفر خدامتي لكن اللحين بحطها فحظني
قلت اطلعكم على اخر الاخبار يمكن حد يستفيد من خبرتها
بسألها بعدين وش ياكلون في فترة النفاس ؟؟؟
بالنسبة للرباط الحريم يربطون طول الاربعين واذا زيادة يكون احسن
ان شا الله اكون افدج مو لازم تسالينها
الحريم فعايلتنا يربطون من ثاني يوم تعالي شوفيهم غزلان ما شاالله عليهم
وايد يمدحون زبدة الكاكاو للحامل وحتى للي مو حامل ولها خطوط
وشكورة حبيبتي والله يعطيج العافية
fouz
انا لما سالت خدامتي عن الكريمات اللي تستخدمها وهي حامل
قالت لي انها ما استخدمت شي
وقالت لي ليش هالكريمات
قلت عشان الخطوط
جان تصارخ على مدام انت لازم مايحك انا مايحك كلش
الحك هو يجيب خط ….يجيب اسود
انت يبي حط كريم مافي مشكلة لكن مايحك كلش
حتى خدامتي اللي قبلها قالت لي نفس الكلام
يمكن كلامهم صح
ام جوري
مشكورة حبيبتي علمداخلة المفيدة
وننتظر باقي الخبرات
شتوقعون قالي
قال الله يسلمكم اي زيت استخدمية
زيت جوز الهند
زيت اللوز
زيت الزيتون
و الكريمات لها نفس المفعول
يقول ان اخر الابحاث توصلت لها الشي
حبيت افيدكم حبايبي
انا حملت ونزل حملي من ثاني شهر وبدا يظهر الحبيب :d ههههههههه بس مش كتير
ان الوحده قبل لا تسبح تاخذ فوطة وتحطها فخل التفاح وتمررها على الاماكن المترهلة
وتخليه مو اقل من ربع ساعة
وبعدها تاخذ كوب وتخلي نصه ماي وتضيف ثلاث ملاعق قهوة
وتفرك الخل وبتشوفون النعومه شلون
هذا طبعا بعد الوحده ماتربي
قلت افيدكم حبايب ألبي
ونحن في انتظار المزيد من المشاركات