المتزوجين تفضلوا حياكم والبنوتات اهما المستفيدين

-لمه تزوجتي جم عمرج وعمر ريلج؟؟؟ وهل حسيتي الفارق بالعمر له دور؟؟ سواء كبر بعض او السنين وايده بينكم
انا تزوجت عمري 16 زوجي 29

2-اوكي اللي تزوجت بعمر مبجر ؟؟ تحسفت؟؟
لا بالعكس ما تحسفت اهو الحين يكبر وانا للحين صغيره

3-واللي تزوجت بعمر متأخر هل يأثر على الانجاب والتربيه ؟؟
انا تزوجت وعمري 16 وللحين ما حملت حملت مره واجهضت واعرف وحده تزوجت عمرها 30 وحملت من اول شهر ماشاءالله اتوقع اذا العمر اقل من 35 ما يأثر

4-بختصار الزواج له عمر معين بعتقادكم؟ ولا ما يأثر لو الوحده تعدت ال30؟؟
اكيد الزواج له عمر من 15 الى 30 مو اكثر

5-وبنظركم متى سن العنوسه بمجتمعناا؟
بعد 30

الحلو في زواج الاستقرار والموحخلو المسؤلية

وهذا رايي ^_^

كبرياء ياهلا فيج يا الغاليه واسعدني ردج مشكوره ماتقصرين

لمه تزوجتي جم عمرج وعمر ريلج؟؟؟ وهل حسيتي الفارق بالعمر له دور؟؟ سواء كبر بعض او السنين وايده بينكم
انا 23 واهوا 26 ماكو فرق كبير بينا بالعكس احس واايد زين .. فارق العمر ماله علاقه ياما ناس كبيره تفكيرها سطحي وسخيف والعكس صحيح

2-اوكي اللي تزوجت بعمر مبجر ؟؟ تحسفت؟؟
انا ما تزوجت مبجر احس العمر اللي تزوجت فيه زين لااهو المبجر ولا المتأخر

3-واللي تزوجت بعمر متأخر هل يأثر على الانجاب والتربيه ؟؟

4-بختصار الزواج له عمر معين بعتقادكم؟ ولا ما يأثر لو الوحده تعدت ال30؟؟

باعتقادي من 18 لين 30 وطبعا المعروف كلما زاد العمر قلت الفرص حتا مزايا الريال تقل يعني بالعمر الكبير ممكن تكون اهيا لسه بنت وتاخذ واحد مطلق ولا متزوج يعني
5-وبنظركم متى سن العنوسه بمجتمعناا؟

6- شنو الحلو بالزواج وشنو الموحلوو؟؟

1-لمه تزوجتي جم عمرج وعمر ريلج؟؟؟ وهل حسيتي الفارق بالعمر له دور؟؟ سواء كبر بعض او السنين وايده بينكم
انا كنت 21واهو اكبر منى باربع سنين تقريبا .. عادى ما حسيت بفرق العمر لانه مو وايد
2-اوكي اللي تزوجت بعمر مبجر ؟؟ تحسفت؟؟

ما ادرى انا احس ان عمرى كان مناسب يعنى مو كبيره ولا صغيره
3-واللي تزوجت بعمر متأخر هل يأثر على الانجاب والتربيه ؟؟
ممكن انه ياثر وممكن لا

4-بختصار الزواج له عمر معين بعتقادكم؟ ولا ما يأثر لو الوحده تعدت ال30؟؟

لا العمر والزواج مالهم علاقه ممكن وحده تتزوج وعمرها 40 وتعيش سعيده

5-وبنظركم متى سن العنوسه بمجتمعناا؟30

6- شنو الحلو بالزواج وشنو الموحلوو؟؟
الحياه الزوجيه فيها الحلو وفيها المر والوحده لازم تعايش الظروف الحلوه والمره … ولو ماكان فى خناق واختلاف جان ما صار فى رضى وحب يعنى الحلو انج تلقين انسان يحبج وتحبينه وتعتمدين عليه وتتغير حياتج وتيبين عيال وتراعينهم .. واللى مو حلو لما تحصلين مشاكل من الزوح او اهله ويعنى انه يكون الزوج معتمد عليج بالمصروف او انه ما يحترمج …

1-لمه تزوجتي جم عمرج وعمر ريلج؟؟؟ وهل حسيتي الفارق بالعمر له دور؟؟ سواء كبر بعض او السنين وايده بينكم
تزوجت عمري 24 وريلي 28،لا ما حسيت بالفارق لان موايد واحس وايد مناسب اربع سنوات الفرق

2-اوكي اللي تزوجت بعمر مبجر ؟؟ تحسفت؟؟
عمري كان زين ماكنت صغيرة متخرجة ومتوظفة بس تمنيت لو تزوجت اصغر بعمر 21 او 22 احلى

3-واللي تزوجت بعمر متأخر هل يأثر على الانجاب والتربيه ؟؟
لا ما عتقد العيال قسمة ونصيب اعرف بنات وايد تزوجوا بالثلاثينات حملوا من ليلتها وتطلع من الاربعين وتحمل عادي

4-بختصار الزواج له عمر معين بعتقادكم؟ ولا ما يأثر لو الوحده تعدت ال30؟؟
ماله عمر معين كل واحد بييله نصيبه في الوقت الي الله كاتبه الزواج نعمة متى ما اراد الله ولازم نكون واقعيين اكثر ترى الحين الي بعمر الثلاثين تعتبر شابة وصغيرة واغلب الي نشوفهم الحين يتزوجون 26 و27 فوق شخباري ايام اول الي الوحدة تتخرج من الثانوية اهني وتعرس اليوم الثاني الحين الشباب بعد اعمارهم قاعد تكبر على ما يتزوجون ويبون وحدة متخرجة وموظفة تساعده مو بزر يتعب معاها

5-وبنظركم متى سن العنوسه بمجتمعناا؟
فوق 35

6- شنو الحلو بالزواج وشنو الموحلوو؟؟

الحمدلله الزواج نعمة اذا احترمنا المعاني الزوجية الراقية واحلى ما فيه الاستقرار النفسي والعاطفي ووجود انسان معاج يشاركج حياتج بحلوها ومرها،،،وما اظن فيه شي مو حلو

هذي اجاباتي وبالنهاية كل وحده لها وجهة نظر ومشكورة عالموضوع اسالتج تونس…………

كلي غلا
وبطة رشيقه
كيدي عظيم

ياهلا فيكم يا الغاليات اسعدتني ردودكم وماتقصرون

وين الباجي يشاركونا

1-لمه تزوجتي جم عمرج وعمر ريلج؟؟؟ وهل حسيتي الفارق بالعمر له دور؟؟ سواء كبر بعض او السنين وايده بينكم
انا عمري 19 وريلي 24 وفرق العمر زين –
اوكي اللي تزوجت بعمر مبجر ؟؟ تحسفت؟
عمري كان مناسب 3-
واللي تزوجت بعمر متأخر هل يأثر على الانجاب والتربيه ؟؟
الانجاب بيد رب العالمين يعني موشرط العمر ,انا صارلي خمس سنين وللحين ما عندي يهال …. بس التربيه ممكن تكون صعبه شوي بسبب ظروف الحياة العصريه والعولمه اللي تزيد الحياة تعقيد وبالتالي تأثر على التربيه
4-بختصار الزواج له عمر معين بعتقادكم؟ ولا ما يأثر لو الوحده تعدت ال30؟؟
الزواج قسمه ونصيب
5-وبنظركم متى سن العنوسه بمجتمعناا؟
ما ادري بالضبط بس اللي نشوفه ان الوحده لي طافت 25 وما تزوجت يقولون عنست !!!! 6-
شنو الحلو بالزواج وشنو الموحلوو؟؟ا
لحلو.. الاستقرار والستر
اللي موحلو … المشاكل اللي بسبب وبدون سبب
بس عادي ملح الحياة

هلا فيج الياسمين يا الغاليه وان شاء الله يارب الله يرزقج بالذريه الصالحه انتي والاخت العزيزه كبرياء يارب

ولله انا تزوجت وعمري22_وزوجي عمره 29 فارق 7سنين واحس انه فارق حلو يخليني دايم بعيونه بنوته

لالا اتصدوقون تمنيت لو اني تزوجت اكبر بعد يكون احسن لاني كنت بريئه وعقلي عقل وحده عمرها 16

بس الحياه اكبر مدرسه والمصاعب تعلمج اللي ماعلموه لج أهلج من حيل بالحياه واللف والدوران والانتقام

بذكاء واشلون تاخذين حقج اااالخخخخ…..,

يأثر على الانجاب تأخر الزواج ماأعتقد لا…. بس ماتكون المره أواخر الثلاثنيات او الاربعينات…,,

أحلى ما في الزواج أن لج سند وتكوين مملكه خاصه فيج …. او اذا تبي من واقع الحياه الزوج اللي يساعد

على الحياه يعني يربي عيالج ويخاف عليهم وتتطمنين عليهم لما يكونون مع ابوهم…..

وأسوأ شي فيه الحموله أهل المشاكل مثل حمولتي حسبي لله عليهم يسودون عيشتي لدرجه

أنهم بغوا يوصلون حياتي مع زوجي الى الطلاق……مع أنه يموت فيني وأموت فيه

وأعتقد سن العنوسه بالكويت….. فوق 26 سنه

تزوجتي جم عمرج وعمر ريلج؟؟؟ وهل حسيتي الفارق بالعمر له دور؟؟ سواء كبر بعض او السنين وايده بينكم

تزوجت 22 وحتى ريلي

2-اوكي اللي تزوجت بعمر مبجر ؟؟ تحسفت؟؟ماعتقد مبجر مناسب

3-واللي تزوجت بعمر متأخر هل يأثر على الانجاب والتربيه ؟؟

4-بختصار الزواج له عمر معين بعتقادكم؟ ولا ما يأثر لو الوحده تعدت ال30؟؟مايأثر على العيال لان لي 40 تقدر تحمل اذا الله عطاها

5-وبنظركم متى سن العنوسه بمجتمعناا؟ مادري يختلف من شخص لي شخص ونظرتة …ماقدر اتكلم عن المجتمع يبيلهها استفتاء

6- شنو الحلو بالزواج وشنو الموحلوو؟؟الحلو ان سنة الحياة واحصن للفرج واغض للبصر وهذا ماعلمنه عليه الرسول عليه الصلاة والسلام

ياليت كل وحده تجاوب عشان البنات يستفيدون

تزوجتي جم عمرج وعمر ريلج؟؟؟ وهل حسيتي الفارق بالعمر له دور؟؟ سواء كبر بعض او السنين وايده بينكم

كان عمري 23 وريلي 32 ما حسيت بفرق العمر بينا

2-اوكي اللي تزوجت بعمر مبجر ؟؟ تحسفت؟

تزوجت بعمر مناسب وانا ضد ان البنت تتزوج في وقت مبجر يعني احنا حاليا في وقت لازم البنت تثبت وجودها فيه تاخذ شهادتها وتتوظف وبعدين تفكر بالزواج

3-واللي تزوجت بعمر متأخر هل يأثر على الانجاب والتربيه ؟؟

جارتنا تزوجت عمرها 35 احملت بس اتعبت في الحمال وااايد بسبب العمر

4-بختصار الزواج له عمر معين بعتقادكم؟ ولا ما يأثر لو الوحده تعدت ال30؟؟مايأثر على العيال لان لي 40 تقدر تحمل اذا الله عطاها

يعني برأي احسن سن للزواج بعد تخرجها من الجامعه
وبالنسبه للتأثير على الاطفال يأثر لان اللي ما تزوجت تقطع عندها الدوره الشهريه قبل اللي اتزوج يعني المتزوجه تقطع بالخميس البنت تقطع بالاربعين وهالكلام مو مني شخصيا لا من حالات مرت علي

5-وبنظركم متى سن العنوسه بمجتمعناا؟ مادري يختلف من شخص لي شخص ونظرتة …ماقدر اتكلم عن المجتمع يبيلهها استفتاء

انا برأيي اللي تشوف الشخص المناسب لا ترفضه حتى لو كان عمرها 50 سنه

6- شنو الحلو بالزواج وشنو الموحلوو؟؟

انا برأيي مافي احلى من العزوبيه
الزواج مسؤوليه ودوحه بس احلى شي فيه اليهال قطعه من قلبي بنوتاتي

والله يوفق الجميع ويعطيج العافيه على الموضوع

galla ranad ياقلبي انتي والله لا يغير عليكم الا للأحسن وعسا ماتوصل الطلاق مره ثانيه الله يكفيكم شر اهله يارب

سبحان الله^الحمدلله ياهلا فيج ياقلبي

الوردة المكنونة الله يخليلج بناتج يااااااااااااارب وعجبتني جملة العزوبيه احلى هههههههههههههه

انا تزوجت وعمري 21 وزوجي 22 بس بينا اشهر يعني مرات نكون انا ويا نفس العمر وبعدين اهو يسبقني ههههههههه

احس هذا سن الزواج واحس مناسب جدا حق تربية اليهال و البيت و الزوج

لان تكونين توج متخرجة وفاضية

والعنوسة اتوقع مالها عمر

ام فيصل مشكوره على ردج الحلو والله يخليكم حق بعض يارب