|
|
السلام عليكم
شلونكم بنات و شخباركم اتمنى تكونون بخير و تساعدوني بارائكم و خبرتكم
انا بنت مطلقه عمري باواخر العشرين و عندي طفل, تقدم لي شخص مطلق بدون اطفال بس سالفه السكن معقدتني شوي..
السكن بيكون مع اهله,و طريقتهم ان البيت ساكنين فيه كلهم مع بعض,يعني اخوانه المتزوجين و عيالهم و كل عايله لهم غرفتين بس انا لي غرفه بس لان مافي اطفال طبعا,انتو شنو رايكم بالوضع؟ منو فيكم جربت تعيش جذي لما تزوجت و شنو وجهه نظرها؟
انا متحجبه اذا ابي اروح الصاله اشوف التلفزيون او اسوي شي بالمطبخ شلون ماراح اخذ راحتي..
و هم طريقته بالكلام زينه و مثقف بس احسه يتجنب الحديث عن المواضيع الشخصيه,يعني سبب طلاقه و شروطه و جذي ما ياب طاري كلش
انا متردده حيل و صليت استخاره و احس عادي الامور تمشي ماحسيت بشي غلط
اتمنى بنات تقولون لي رايكم, مع العلم ان مواصفاتي الحمدالله زينه و لله الحمد, الشكل,الاصل,المنطقه, المستوى التعليمي و الوظيفه بس اكون صريحه معاكم, اللي تقدمولي بعد الطلاق مو وايد و مواصفاتهم عاديه حيل
اتمنى تقولون لي رايكم
الله يكتب لك اللي فيه الخير ويوفقك
الله يكتب لك الخير
هنيييه الوضع يختلف ،،~
ترى المطلقه فرصها قليله بزوج صالح ومثقف
والله يوفقج
وقوليله من حقي اعرف سبب الطلاق
وشوفي اذا يقدر يحطلج شقة بروحج .. انتي عندج طفل يعني في شغلتين رح تظايقج
ان اول الفترات صعب يتأقلم على وجود الطفل معاكم بغرفة وحدة ويمكن مايتقبله علطول ..انا اقول يمممكن
والشغلة الثانية رح تتقيدون حيل حتى لو ولدج صغيرون .. وحزة نومته مارح تقدرون تسولفون ولاشي عشان لاتقعدونه
الوضع كلش صعب
واذا حسيتي ماكو مجال يطلع من بيت اهله انتي شوفي وقرري اذا تقدرين تستحملين ولا لأ
بس لازم تفهمينه انج تطلبين هالاشياء مو طمعا او فلسفة
قوليله من حقي هالشي شان نعيش انا وياك من البداية صح وتكون حياتنا هادية ومستقرة
واكيد كل واحد فيكم من بعد التجربة يبي يستقر واتوقع بيفهم كلامج
شوفي لازم تعرفين سبب الطلاق منه وتسألون عنه زيـــن
وياحبذا لو تعرفين سبب الطلاق من اهل طليقته بعد
عشان تسمعينهم اثنينهم وتحكمين ,,, هذا زواج مو لعب
سالفة السكن اممممم هي مهمه والله
بس الاستقرار والستر أهم منها
وماتدرين لو هذي بس مشكلتك يمكن بعد فترة تطلعون في شقة كل شي يتغير
بس اهم شي تسألين عنه زين وتعرفين سبب الطلاق من الطرفين
مآ آبي آعيش مآآسآآه نفس زوآجي الاولي اذا كنتي هم بغرفه
قولي له اقل شي غرفتني وحده نقعد فيهآآ نطالع التلفزيون
نتريق فيهآآ آوحتى نآكل فيهآآ مو كل شي بغرفة النوم غرفة النوم للنوم
وآنت تعلمت شي لا آدخل مشآكلي وسوالفي غرفة النوم بعدين اصير اكره هالغرفه
ومآآرآآح تتصير غرفة رآآح ونوم اتمنى تقدر هالشي وع ولدج مدري شكله مآيعيش معآكم
بس حرآآم لاتحرمين ولدج منج اقل شي شوفيه ثلاث ايام بالاسبوع وبالعطله طلعيه وخلي زوجج
يتعلق فيه واذا جيبتي منه عيال خليه يعيش بينهم هذولاء اخوآآنه ومآظن آحد بيعترض