اللي يودون عيالهم الحضاته شتحطولهم لوجبتهم بجنطة الحضانه ؟؟

مراحب بنات ديرتي اللي اموت عليهم

بنات .. شتحطون وجبات لعيالكم اللي بالحضانه .. انه قاعده افكر شحط لولدي و احس راح اترسله الجنطه لانه مزاجييييي من ناحية الاكل بالغصب يالله اوكله ..
بس ماادري بالحضانه شلون راح يصير الوضع ؟ يمكن اذا شاف اليعال راح يتغير الوضع..

انه الحين قاعده افكر احطله توست و جبن , عصير , حليب كاكاو , موزه , او تفاح , كرواسون …

يالله فيدونا اللي عيالهم بالحضانه شتحطولهم بجناطهم

والله يالحبيبه أنا عني احطلهم .. صمون أو توست ( جبن أو لبنه وزعتر أو مربى ) مع عصير ( ماحط حليب لانهم لازم يشربون حليب وياكلون البيض في البيت قبل لا يطلعون جدام عيوني ) واحطلهم فاكهة ( موز أو عنب أو عرموطه أو فراوله أو تفاح أو افندي) وحطلهم خيار مو مقطع لانهم يحبون الخيار .
وأحطلهم كيك المغلف أو بسكوت من أي نوع . وطبعن اكل الحضانه شي طبيعي ماينوكل عشان جذي أتاكد انهم شاربين حليبتهم وماكلين بيضتهم الصبح . وبس

وااااااااااااي والله نفس السؤال اللي كنت ابي اسأله ماادري شنو احطلهم بالجنطه الحضانه قربت الاثنين اول يوم الله يستر والله مااعرف كوعي من بوعي على قولتهم

انا توني سكرت جنطة بنتي لانه باجر اول يوم وشبكت دخلتها شهر السنه اللي طافت وطلعت عشتو تبي تنام
اهم لهم وجبتين ريوق وسناك الريوق احطلها يا صمون وجبن قلاص مع عصير تشربه او توست ولبنه ومرات بيتزا من الرملاوي لانها تحبها
السناك احطلها فاكه تفاحه او عنب لانها تحبه و فيه من سابليه هذا معمول التمر او كيك صغار بس ماتاكله اكو مجله توني شاريتها فيها افكار حق ساندويتجات الياهال حق المدارس جنها النهضه ماني متأكده حلوه

الفنانه انا ولدي الاثنين دوامه اي حضانه انتي .. اذا مرتقى بالروضه عيالنا بيصيرون ربع عيل

انا كنت افكر نفس الشي شحطله ..

قلت بحط له توست وجبن + عصير+ حليب كاكاو او فراوله او موز + كيكة سويس رول+ 3 قطع جكن نجتس .. عشان يكون في تشكيله ينجي من بينها الي مشتهيه ..

بس الاخت بفك فيكو عطتني خوش افكار هو يحب الخيار بحط له خيار ويحب العرموط وما كنت افكر اريقه قبل لا يطلع من البيت لان ولدي مو من النوع الي ياكل اي شي وما يشتهي الصبح وقلت وجبة الحضانه كافي … بس الحين بغصبه على الريوق وانشاء الله الله يهديه وياكل ..

وتسلمون

حطي وجبتين
الوجبة الاولى
صمون هوت دوعغ بجبن + حليب + كرواسون
الوجبة الثانية
فاكهة + كيكة + بسكوت + عصير

مشكورين يالغاليات الصراحه فدتوني
زمن العجايب<<<انا اعيالي في المجموعه الانجليزيه للتعليم المبكر في سلوى لاني ساكنه في مشرف ووايد امدحوها
الله يستر اول يوم شكلي بسويها مناحه في الحضانه تكفون خبرتكم يالامهات واسوووووني

الله يعينج فنانه وانا نفسج احاتي ولدي شلون بروح وخليه يصييييييح .. الله يعين ..

زمن ^ العجايب أنا بنتي بعد بحضانة مرتقى بالروضه
والله قاعده احاتي اول يوم دوام شكلي انا اللي ببجي مو بنتي !!

بالعكس اليهال بالحضانة ياكلون احسن من البيت انا بنتي تنفتح شهيتها وبعدين اليهال يتنافسون واليمعة اتوكل …
حتى قمت احطلها اشياء ادري انها ماتاكلها وتعودت تاكلها ..

الوجبة الأولى احطلها صمون او توست فيه لبنة وزعتر – أو جبن وعسل أو مربى – أو جبن وخيار – أو بيض وجبن …… مع حليب فراولة أو موز ..

الوجبة الثانية اللي اهيه السناك احطلها خيار أو عنب أو افندي او موزة او تفاحة .. مع بسكوت أو كيك ميني رول .. أو روب بالفواكة … وعصير ..

بس اهيه ماتتريق الصبح بالبيت يالله تشرب حليبتها ماتشتهي تاكل …

بنات … ولدي داوم يوم السبت انه اللي قلبتها مناحه من شفت خذوه الابلات و قام يبجي جان ابجي (( اول مره )) دخلت ولدي حضانه عالم الطفل اللي بجنوب السره .. بس و الله قلبي يعورني من اشوفه يبجي بس تالي اقول لازم انه اتعود لان بالاول والتالي راح يروح اذا ما راح حضانه راح يوح روضه تالي

ايييي .. حطيتله بجنطته 2 توست و جبن و 2 عصير و كيك سويس رول و روب او كريم كراميل كرواسون …. عاد اهو يتخير شمشتهي لانه مثل ما قلت لكم حده مزاجي بالاكل .

رفرف انه ولدي مثل بنتج يادووووب يشرب خليبه الصبح لا ريوق ولا قالها الله .. لا و بعد مو كله هههههههه

عسى الله يخليلكم كتاكيتكم العسل و يخليلي كتاكيتي ياااارب منورين بمروركم لموضوعي

انا ما احط لولدي ريوق لأن الحضانة نفسها تريقهم بس اكيد لازم اريقة قبل لا يروح

لكن احطلة وجبة خفيفة بجنطتة يعطونة بعد ريوقهم بساعتين يعطونة الياهل

مكسرات احيانا واحيانا بفك احيانا بسكوت واكيد لازم وياة يا

عصير او حليب بالموز

يعني شي خفيف لأني قبل اعطية ريوق يوديه وياه لكن الابلة اللي بالادارة قالتلي لا تييبين له ريوق بس شي خفيف علشان اهم اللي يريقونهم

مشكورين خواتى ..والله عطيتونى أفكار حلوة ..انا مثلكم ..أحط سندويشة و جبن كرافت ..و عصير كى دى دى …و بسكوت ميرىو كرواسون ..و ما قط حطيت فاكهة ..بس حبت أنبه على بعض الخوات ..ذكروا مكسرات ….بنات الله يخليكم ما فى داعى لها ..لأن الأطفال ياكلون من أكل بعض,,و يمكن يكون بينهم إالى فيه حساسية من بعض المكسرات …فيروح فيها ,,الله الحافظ ..
و الحضانه المفروض تنبه الأهالى لهذا الشىء …
أعرف ياهل من ياكل فستق ينقلب كيانه فقير ..حتى ما يمشى إلا إبرة الحساسية معاه …
و أكو يهال ما يوالمهم كا كاو نويتلا لأن فيه بندق و إييب لهم حساسية ..بس حبيت أنبهكم خواتى …و مشكورين

انه حضانه ولدي ممنوع الكاكاو و البفك و هالسوالف (( احسن )) و اهمه يوكلون اليهال الوجبه اللي انتي اتييبينها لانهم يخافون ان في بعض اليهال فيهم حساسيه من بعض انواع الاكل .. علشان جذيه انتي لازم اتييبيين وجبة ولدج او بنتج معاج

و بالنسبه للفاكهة انه ودي ولدي يتعلم على الفاكهة بس لي الحين احسه ما يحبها

و سلامتكم

انا احط حق بنوتي عصير وصمونه جبن وبيضه كندر تموت عليها وبسكويت وشبس وطبعا لاتنسون البيضه بس دايما ترد البيت القاها مو ماكله الا الككاو والبيضه وغصب يوكلونها